وزیرِاعظم شہباز شریف سے ملائیشیا کے ہم منصب انور ابراہیم کا ٹیلیفونک رابطہ، پاک افغان کشیدگی پر گفتگو
اشاعت کی تاریخ: 18th, October 2025 GMT
وزیرِاعظم محمد شہباز شریف سے ملائیشیا کے ہم منصب انور ابراہیم نے ٹیلیفونک رابطہ کیا ہے۔
ترجمان وزیراعظم ہاؤس کے مطابق وزیرِاعظم شہباز شریف نے کوالالمپور کے حالیہ دورے کے دوران دی جانے والی شاندار مہمان نوازی پر ملائیشیا کی قیادت اور عوام کا شکریہ ادا کیا اور کہا کہ اس دورے کے دوران طے پانے والی مفاہمتیں، خصوصاً حلال گوشت کی برآمد اور دیگر باہمی تعاون کے شعبوں سے متعلق اقدامات، پاکستان اور ملائیشیا کے تعلقات کو نئی بلندیوں تک لے گئے ہیں۔
یہ بھی پڑھیں: وزیراعظم شہباز شریف کا ملائیشیا پہنچنے پُر پرتپاک استقبال، سڑکوں پر سبز ہلالی پرچموں کی بہار
دونوں رہنماؤں نے علاقائی صورتحال پر بھی تبادلۂ خیال کیا، وزیرِاعظم شہباز شریف نے وزیرِاعظم انور ابراہیم کو غزہ امن معاہدے پر شرم الشیخ میں ہونے والی دستخطی تقریب میں اپنی شرکت سے آگاہ کیا۔
دونوں رہنماؤں نے اس معاہدے کا خیرمقدم کرتے ہوئے اس امید کا اظہار کیا کہ یہ اقدام فلسطینی عوام کی مشکلات کے فوری خاتمے، غزہ میں انسانی امداد کی بلا رکاوٹ رسائی اور خطے میں دیرپا امن و استحکام کے لیے راہ ہموار کرے گا۔
یہ بھی پڑھیں: ہم پاکستان کے ساتھ معاشی تعلقات کو مستحکم کرنے کے لیے پرعزم ہیں، ملائشیائی وزیراعظم
وزیرِاعظم نے اپنے ملائیشین ہم منصب کو پاک افغان سرحد کی صورتحال سے بھی آگاہ کیا۔ انہوں نے کہا کہ پاکستان افغانستان میں امن و استحکام کا خواہاں ہے، تاہم اسے افغان سرزمین سے ہونے والی سرحد پار دہشتگردی کا سامنا ہے۔
انہوں نے زور دیا کہ افغان حکام مؤثر اور فوری اقدامات کے ذریعے ان دہشتگرد نیٹ ورکس کو ختم کریں جو پاکستان میں حملوں کی منصوبہ بندی کرتے ہیں۔
یہ بھی پڑھیں: پاکستان اور ملائشیا کا دوطرفہ تجارت اور سرمایہ کاری پر مبنی تعلقات کو مضبوط بنانے پر اتفاق
وزیرِاعظم شہباز شریف نے واضح کیا کہ پاکستان نے افغان حکام کی درخواست پر دوحہ مذاکرات میں سہولت کے لیے عارضی جنگ بندی پر رضامندی ظاہر کی، تاہم اس کے بعد ضروری ہے کہ تمام دہشتگرد تنظیموں بشمول فتنہ الخوارج، فتنہ الہند، ٹی ٹی پی اور بی ایل اے کے خلاف عملی اقدامات کیے جائیں تاکہ خطے میں پائیدار امن قائم ہو سکے۔
وزیرِاعظم انور ابراہیم نے ان حالات پر تشویش کا اظہار کرتے ہوئے خطے میں کشیدگی کم کرنے اور امن کے فروغ میں تعمیری کردار ادا کرنے کی پیشکش کی، دونوں رہنماؤں نے دوطرفہ روابط کے تسلسل پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغانستان انور ابراہیم پاکستان ملائشیا وزیراعظم شہباز شریف.ذریعہ: WE News
کلیدی لفظ: افغانستان انور ابراہیم پاکستان ملائشیا وزیراعظم شہباز شریف وزیر اعظم شہباز شریف انور ابراہیم کے لیے
پڑھیں:
برآمدات میں اضافے پر مبنی معاشی ترقی کیلیے عملی اقدامات اٹھا رہے ہیں‘ وزیراعظم
data-id="863a0a8" data-element_type="widget" data-widget_type="theme-post-content.default">
251203-08-27
اسلام آباد (مانیٹرنگ ڈیسک) وزیراعظم شہباز شریف نے کہا کہ برآمدات میں اضافے پر مبنی ملکی معاشی ترقی کے لیے عملی اقدامات اٹھا رہے ہیں، کاروباری شخصیات اور سرمایہ کار قابل احترام ہیں، مختلف ورکنگ گروپس کی تجاویز پر عملدرآمد یقینی بنایا جائے گا۔ وزیرِ اعظم محمد شہباز شریف کی زیر صدارت نجی شعبے کے ماہرین و کاروباری شخصیات پر مبنی ٹیکس شعبے کی اصلاحات کے لیے قائم ورکنگ گروپ کا اجلاس اسلام آباد میں منعقد ہوا۔ اجلاس سے خطاب کرتے ہوئے وزیراعظم شہباز شریف نے کہا کہ حکومت ٹیکس دینے والے کاروباری حضرات اور کمپنیوں کو قدر کی نگاہ سے دیکھتی ہے، کاروبار اور مضبوط معیشت ہی سے ٹیکس آمدن میں اضافہ ہوگا۔ وزیر اعظم نے کہا کہ طویل مدتی اقدامات کے ذریعے ملک میں کاروبار کو بہتر اور مسابقتی بنانا چاہتے ہیں، حکومت روز اول سے برآمدات میں اضافے پر مبنی معاشی ترقی کے لیے عملی اقدامات اٹھارہی ہے۔ شہباز شریف نے کہا کہ نجی شعبے کے ماہرین کی جانب سے جامع تجاویز پیش کی گئیں، جن پر مشکور ہوں، ان تجاویز پر غور و خوض کے بعد انہیں قابل عمل بنانے کیلئے وزیر خزانہ کی صدارت میں کمیٹی قائم کر رہا ہوں، کمیٹی عملی اقدامات پر مبنی لائحہ عمل پیش کرے گی۔ اجلاس میں شریک کاروباری شخصیات و سرمایہ کاروں نے گزشتہ اجلاس میں ایکسپورٹ ڈویلپمنٹ سرچارج ختم کرنے کے احکامات پر وزیر اعظم کا شکریہ ادا کیا۔
عدالت بھارتی فلم ’’ایک دن کا سی ایم‘‘ کی طرح مسائل حل کرائیں‘وکیل کی چیف جسٹس اسلام آباد ہائیکورٹ سے درخواست