کوئٹہ کا مسیحا: معذوری کو ہمت میں بدلنے والے ڈاکٹر سلیم الرحمان
اشاعت کی تاریخ: 19th, October 2025 GMT
معذوری بظاہر ایک ایسی مجبوری ہے جس سے ہر انسان خوفزدہ رہتا ہے، مگر کچھ لوگ ایسے ہوتے ہیں جو دوسروں کی مجبوری کو اپنی خدمت کا ذریعہ بنا لیتے ہیں۔ انہی عظیم انسانوں میں سے ایک ڈاکٹر سلیم الرحمان بھی ہیں، جنہوں نے معذور افراد کے زخموں پر مرہم رکھنے کا بیڑا اٹھا رکھا ہے۔
ڈاکٹر سلیم الرحمان بنیادی طور پر ارتھوپیڈک (ہڈیوں کے ماہر) ہیں، مگر ان کا اصل کام ہڈیوں سے آگے دلوں کو جوڑنا ہے۔ وہ ان افراد کے لیے مصنوعی ہاتھ اور پاؤں تیار کرتے ہیں جو پولیو، حادثات یا بیماریوں کے باعث اپنے اعضا کھو بیٹھے ہیں، اور یہ سب بالکل مفت کرتے ہیں۔
وی نیوز سے گفتگو کرتے ہوئے ڈاکٹر سلیم الرحمان نے بتایا کہ اس سال ہم نے تقریباً 250 مریضوں کو مصنوعی اعضا فراہم کیے ہیں۔ ان میں پولیو، فالج، شوگر اور حادثات کے شکار افراد شامل ہیں۔ 100 کے قریب مریضوں کو ہم نے اپنی مدد آپ کے تحت مفت علاج فراہم کیا ہے، مگر ہمارے پاس وسائل محدود ہیں، جبکہ 250 سے زائد مریض اب بھی انتظار میں ہیں۔
انہوں نے بتایا کہ مصنوعی اعضا کی لاگت 55 ہزار سے ایک لاکھ روپے تک ہوتی ہے، جو عام غریب خاندان کے لیے ناممکن ہے۔ ہم نے اب تک اپنے عزیزوں، دوستوں اور چند مخیر حضرات کی مدد سے کام چلایا ہے، مگر ہمیں امید ہے کہ کاروباری طبقہ اور سرمایہ کار بھی اس نیکی میں حصہ ڈالیں گے تاکہ بلوچستان جیسے پسماندہ علاقے کے لوگ اپنے پیروں پر دوبارہ کھڑے ہو سکیں۔
ڈاکٹر سلیم نے کہا کہ یہ کام میں نے اس وقت شروع کیا جب ایک نوجوان میرے پاس آیا اور روتے ہوئے کہا کہ ’سر، میرے پاس تو 500 روپے بھی نہیں ہیں‘۔ ۔۔۔ مَیں نے اسی وقت اپنے جیب سے پہلا مصنوعی پاؤں بنوا کر دیا، اور وہ لمحہ میری زندگی کا رخ بدل گیا۔ تب سے میں نے عہد کیا کہ ہر سال کم از کم چند ایسے افراد کو زندگی کو سہارا دوں گا۔
آج ڈاکٹر سلیم الرحمان اور ان کی ٹیم نے 50 سے زائد افراد کو دوبارہ چلنے کے قابل بنا دیا ہے۔ ان کا کہنا ہے کہ یہ کام میرے لیے محض پیشہ نہیں، عبادت ہے۔ جب کوئی مریض اپنے قدموں پر کھڑا ہوتا ہے، تو وہ لمحہ سب سے بڑی کامیابی محسوس ہوتا ہے۔
ڈاکٹر سلیم الرحمان بلوچستان کے ان نایاب ہیروز میں سے ہیں جنہوں نے ثابت کیا ہے کہ اگر نیت خالص ہو تو وسائل کی کمی بھی انسان کو خدمتِ خلق سے نہیں روک سکتی۔
انہوں نے آخر میں اپیل کی کہ ’میں چاہتا ہوں کہ معاشرے کے صاحبِ حیثیت لوگ آگے بڑھیں، تاکہ ہم مزید ایسے لوگوں کو امید سے جوڑ سکیں جو آج معذوری کے اندھیروں کا شکار ہیں‘۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
کلیدی لفظ: ڈاکٹر سلیم الرحمان
پڑھیں:
سیکیورٹی فورسز کی بلوچستان کے مختلف علاقوں میں کارروائیاں، 17 دہشتگرد ہلاک
سیکیورٹی فورسز نے بلوچستان کے مختلف علاقوں میں کارروائیاں کرتے ہوئےفتنہ الہندوستان سے تعلق رکھنے والے 17 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق 24 مئی کو پیش آنے والے ٹرین واقعے کے بعد سیکیورٹی فورسز نے بلوچستان کے اضلاع مستونگ، نوشکی، زہری، خضدار اور کیچ میں انٹیلی جنس بنیادوں پر متعدد آپریشنز کیے۔
مزید پڑھیں: بلوچستان میں دہشتگردی کرنے والے پاکستان کے دشمن، ان کی کوئی ناراضی نہیں، رانا ثنااللہ
آئی ایس پی آر کے مطابق ان کارروائیوں کے دوران سیکیورٹی فورسز نے دہشتگردوں کے متعدد ٹھکانوں کو مؤثر انداز میں نشانہ بنایا۔ شدید اور سخت فائرنگ کے تبادلے کے بعد بھارتی حمایت یافتہ فتنہ الہندستان سے تعلق رکھنے والے 17 دہشت گرد ہلاک کر دیے گئے، جس سے ان علاقوں میں سرگرم دہشتگرد نیٹ ورکس کو بڑا دھچکا پہنچا ہے۔
بیان میں کہا گیا ہے کہ مارے گئے دہشتگرد علاقے میں متعدد دہشت گرد کارروائیوں میں سرگرم رہے تھے۔
ہلاک دہشت گردوں کے قبضے سے اسلحہ، گولہ بارود، بڑی مقدار میں دھماکا خیز مواد اور تیار شدہ دیسی ساختہ بم (آئی ای ڈیز) بھی برآمد کیے گئے ہیں۔
آئی ایس پی آر کے مطابق ان علاقوں سے دہشتگردوں کے مکمل خاتمے کے لیے کلیئرنس اور سرچ آپریشنز بدستور جاری ہیں۔
مزید پڑھیں: علما کرام کی جانب سے بلوچستان میں دہشتگردی کی مذمت، امن اور مکالمے پر زور
بیان میں کہا گیا ہے کہ قومی ایکشن پلان کے تحت وفاقی ایپکس کمیٹی سے منظور شدہ وژن ’عزمِ استحکام‘ کے مطابق پاکستان کی سیکیورٹی فورسز اور قانون نافذ کرنے والے اداروں کی انسداد دہشت گردی مہم پوری رفتار سے جاری رہے گی تاکہ ملک سے بیرونی سرپرستی اور حمایت یافتہ دہشتگردی کے ناسور کا مکمل خاتمہ کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر بلوچستان دہشتگرد ہلاک سیکیورٹی فورسز وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ