ویمنز ورلڈکپ میں حیران کن اسٹمپ آؤٹ، کھلاڑی اور کمنٹیٹرز دنگ رہ گئے
اشاعت کی تاریخ: 20th, October 2025 GMT
آئی سی سی ویمنز کرکٹ ورلڈکپ کے دوران سری لنکا اور بنگلادیش کے درمیان کھیلے گئے میچ میں ایک ایسا انوکھا اور غیر معمولی اسٹمپ آؤٹ دیکھنے میں آیا کہ نہ صرف کھلاڑی بلکہ کمنٹیٹرز بھی حیران رہ گئے۔
واقعہ بھارت کے ڈی وائی پاٹل اسٹیڈیم میں پیش آیا، جب سری لنکن اننگز کے 20ویں اوور میں بنگلادیشی بولر ناہیدہ نے آف اسٹمپ کے باہر گیند کروائی۔ سری لنکن بیٹر دلہاری نے بیک فٹ پر شاٹ کھیلنے کی کوشش کی لیکن گیند بیٹ کے اندرونی کنارے سے ٹکرا کر آف اسٹمپ کے قریب اچھلی اور وکٹ کیپر نگار سلطانہ کی دائیں ٹانگ سے لگ کر واپس اسٹمپ سے جا ٹکرائی، جس سے بیلز گر گئیں۔
پہلے پہل تو بنگلادیشی کھلاڑیوں نے خاص ردعمل ظاہر نہیں کیا، تاہم بعد میں ایک ہلکی سی اپیل ہوئی جس پر فیلڈ امپائر نے معاملہ تھرڈ امپائر کے سپرد کر دیا۔ ری پلے دیکھنے پر واضح ہوا کہ دلہاری کا پچھلا پاؤں اس لمحے ہوا میں تھا جب گیند وکٹ کیپر کی ٹانگ سے لگ کر اسٹمپ پر لگی۔
تھرڈ امپائر نے قوانین کے مطابق بیٹر کو آؤٹ قرار دیا، لیکن یہ منظر اس قدر غیر متوقع تھا کہ اسکرین پر فیصلہ آتے ہی سب حیرت زدہ رہ گئے۔ بنگلادیشی ٹیم خوشی سے جھوم اٹھی، جبکہ کمنٹیٹرز بھی کچھ لمحوں کے لیے خاموش ہو گئے۔
یہ اسٹمپنگ اس لیے منفرد اور دلچسپ سمجھی جا رہی ہے کیونکہ عموماً وکٹ کیپر گیند کو اپنے ہاتھ سے اسٹمپ پر مارتا ہے، لیکن اس بار گیند جسم سے لگ کر اسٹمپ پر لگی اور آؤٹ قرار دے دیا گیا — ایک یادگار لمحہ جو کرکٹ کی دلچسپ تاریخ میں ہمیشہ یاد رکھا جائے گا۔
ذریعہ: Daily Mumtaz
پڑھیں:
ویمنز کرکٹ ورلڈکپ: مسلسل تیسری شکست پر بھارتی ٹیم سخت تنقید کی زد میں
انٹرنیشنل کرکٹ کونسل (آئی سی سی) ویمنز کرکٹ ورلڈ کپ میں مسلسل تیسری شکست پر بھارتی ویمن کرکٹ ٹیم سخت تنقید کی زد میں ہے۔
انگلینڈ سے شکست کے بعد بھارتی ویمن ٹیم کا ٹاپ فور میں پہنچنا دشوار ہو گیا ہے۔
بھارتی میڈیا کے مطابق بھارتی ویمن کرکٹرز کو یکساں میچ فیس ملنے پر بھی سخت تنقید کا سامنا ہے۔ مداحوں کا کہنا ہے کہ ویرات کوہلی، روہت شرما اور شبمن گل سے جتوانے اور سنچری کی توقع رکھی جاتی ہے، ویمن کرکٹرز کو بھی پھر توقعات پر پورا اترنا چاہیے۔
بھارتی میڈیا کا کہنا ہے کہ بھارتی ٹیم کا نیوزی لینڈ اور بنگلادیش کے خلاف میچ ڈو اینڈ ڈائی ہے، آسٹریلیا جنوبی افریقہ اور انگلینڈ سے مسلسل شکست ہوئی، سمریتی مندھنا اور ہرمن پریت پر تنقید کیوں نہیں ہو سکتی انہیں یکساں میچ فیس ملتی ہے۔
واضح رہے کہ بھارتی کرکٹ بورڈ نے 2022 میں یکساں میچ فیس دینے کا اعلان کیا تھا۔ مرد اور خواتین کرکٹرز کو ٹیسٹ کا 15 لاکھ، ون ڈے کا 6 لاکھ جبکہ ٹی ٹوئنٹی کے 3 لاکھ بھارتی روپے ملتے ہیں۔
مینز اینڈ ویمنز کے سینٹرل کنٹریکٹ میں زمین آسمان کا فرق پایا جاتا ہے، مینز کی اے پلس کیٹیگری کو 7 کروڑ بھارتی روپے سالانہ ملتے ہیں جبکہ اے کیٹیگری کو 5 کروڑ، بی کو 3 کروڑ اور سی کیٹیگری کو ایک کروڑ روپے بھارتی روپے سالانہ ملتے ہیں۔
ویمنز سینٹرل کنٹریکٹس میں اے کیٹیگری کو 50 لاکھ، بی کو 30 لاکھ اور سی کیٹیگری کو 10 لاکھ روپے بھارتی روپے سالانہ ملتے ہیں۔
کراچی : کینٹ سٹیشن کیفے بوگی میں آگ بھڑک اٹھی ، 2 بوگیاں جل کر راکھ