فیصل بینک اور ای ایف یو لائف انشورنس کی شراکت داری میں جدید تکافل مصنوعات کا آغاز
اشاعت کی تاریخ: 20th, October 2025 GMT
فیصل بینک لمیٹڈ (ایف بی ایل) اور ای ایف یو لائف انشورنس لمیٹڈ نے ای ایف یو لائف ہاؤس میں منعقدہ ایک تقریب میں اسٹریٹجک شراکت داری کو باضابطہ شکل دی۔ اس موقع پر دو نئے اور جدید تکافل مصنوعات ای ایف یو تکافل زینت پلان اور ای ایف یو تکافل وِن فِٹ کور پلان کا آغاز کیا گیا۔ یہ دونوں منصوبے اپنے منفرد فوائد کے ساتھ فیصل بینک کے صارفین کی مختلف مالی اور طرزِ زندگی کی ضروریات کو مدنظر رکھتے ہوئے متعارف کرائے گئے ہیں۔
ای ایف یو تکافل زینت پلان روایتی تکافل مصنوعات سے بڑھ کر ہے، جو بلند ترین الاٹمنٹ اور تحفظ کے فوائد کے ساتھ طرز زندگی سے متعلق سہولتیں بھی فراہم کرتا ہے۔ یہ منصوبہ فیصل بینک کے اُن صارفین کے لیے ہے جو اسلامی اقدار کے مطابق طویل المدتی سرمایہ کاری اور پائیدار مالی ترقی کے خواہاں ہیں۔ ای ایف یو تکافل زینت پلان کا آغاز صارفین کو اولین ترجیح دینے کے عزم کی عکاسی کرتا ہے اور ای ایف یو لائف اور فیصل بینک کے باہمی تعاون کو نمایاں کرتا ہے، جو جدت، شمولیت اور مالی بااختیاری کے فروغ کے لیے پُرعزم ہیں۔
دوسری جانب ای ایف یو تکافل وِن فِٹ کور پلان ایک ایسے طرزِ زندگی کے تصور کی عکاسی کرتا ہے جو صحت، تندرستی اور فلاح و بہبود پر مرکوز ہے۔ یہ منصوبہ ای ایف یو لائف کے وِن (WIN) برانڈ کے تحت فلاح و بہبود کے تصور کو مزید وسعت دیتا ہے، اس پیغام کے ساتھ کہ تحفظ اور صحت ایک دوسرے کے ساتھ جڑے ہوئے ہیں۔
یہ نئی مصنوعات ای ایف یو لائف اور فیصل بینک کے اُس مشترکہ وژن کی عکاسی کرتی ہیں جس کے تحت صارفین کو جدید، شریعت کے مطابق اور ہمہ جہت مالی حل فراہم کیے جا رہے ہیں۔ یہ منصوبے تحفظ، صحت و فلاح اور خوشحالی کو یکجا کرتے ہوئے مختلف صارفین کے لیے حقیقی قدر اور سہولت فراہم کرتے ہیں۔
فیصل بینک لمیٹڈ کے ہیڈ آف ریٹیل پروڈکٹس اینڈ ویلتھ مینجمنٹ احمد انور ہیمانی اور ای ایف یو لائف انشورنس لمیٹڈ کے منیجنگ ڈائریکٹر و چیف ایگزیکٹو آفیسر محمد علی احمد نے معاہدے پر دستخط کیے۔ اس موقع پر فیصل بینک کے ہیڈ آف ویلتھ مینجمنٹ اینڈ پرائیرٹی بینکنگ ارقم جہانگیر بٹ اور ای ایف یو لائف انشورنس لمیٹڈ کی جنرل منیجر و ہیڈ آف چینل اسٹریٹجی اینڈ گروتھ سیگمنٹس نیلوفر سہیل سمیت دونوں اداروں کے سینئر عہدیداران موجود تھے۔
یہ شراکت داری فیصل بینک کے لیے ایک اہم سنگِ میل کی حیثیت رکھتی ہے، جس کے تحت بینک ایک نمایاں اسلامی مالیاتی ادارے کے طور پر اپنے صارفین کی بدلتی ہوئی ضروریات کے مطابق شریعت پر مبنی جدید اور موثر حل فراہم کرنے کے لیے پُرعزم ہے۔
اخلاقی بینکاری کے اصولوں کو جدت، فلاح اور صحت مند طرز زندگی کے ساتھ ہم آہنگ کرتے ہوئے فیصل بینک اور ای ایف یو لائف ایک ایسے مالی مستقبل کی بنیاد رکھ رہے ہیں جو جامع، بامقصد اور پائیدار ہو، جہاں تحفظ، خوشحالی اور اقدار ایک دوسرے کے ساتھ ہم قدم ہوکر آگے بڑھ رہے ہیں۔
.
ذریعہ
ذریعہ: Al Qamar Online
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ