رضاکار معاشرے کی ترقی کی ریڑھ کی ہڈی ہیں اور ہر رضاکار کی خدمت قابلِ فخر ہے، وزیراعلیٰ سندھ
اشاعت کی تاریخ: 5th, December 2025 GMT
بین الاقوامی یومِ رضاکار پر پیغام میں مراد علی شاہ کا کہنا تھا کہ آج کا دن اُن تمام افراد کے نام ہے جو انسانیت کے لیے اپنا وقت، طاقت اور صلاحیتیں وقف کرتے ہیں، سندھ کے عظیم عبدالستار ایدھی پوری دنیا کے رضاکاروں کے لیے روشن مثال ہیں جنہوں نے انسانیت کی خدمت کا بے مثال نمونہ پیش کیا۔ اسلام ٹائمز۔ وزیراعلیٰ سندھ سید مراد علی شاہ نے بین الاقوامی یومِ رضاکار کے موقع پر اپنے پیغام میں کہا ہے کہ رضاکار معاشرے کی ترقی کی ریڑھ کی ہڈی ہیں اور ہر رضاکار کی خدمت قابلِ فخر ہے۔ انہوں نے کہا کہ انسانیت کی خدمت کے لیے کیا جانے والا ہر تعاون انتہائی اہمیت رکھتا ہے۔ وزیراعلیٰ سندھ نے کہا کہ آج کا دن دنیا بھر میں انسانیت کی خدمت کرنے والوں کے عالمی اعتراف کا دن ہے، رضاکاری ایک بین النسلی سلسلہ ہے جو نسلوں کو جوڑتا اور معاشرتی ہم آہنگی کو مضبوط بناتا ہے۔ انہوں نے کہا کہ سندھ حکومت رضاکارانہ خدمات کے فروغ کے لیے پُرعزم ہے اور پائیدار ترقی کے لیے رضاکاروں کے کردار کو عالمی سطح پر اجاگر کرنا ایک باشعور اور بہترین سماج کی علامت ہے۔
مراد علی شاہ نے کہا کہ آج کا دن اُن تمام افراد کے نام ہے جو انسانیت کے لیے اپنا وقت، طاقت اور صلاحیتیں وقف کرتے ہیں۔ انہوں نے کہا کہ سندھ کے عظیم عبدالستار ایدھی پوری دنیا کے رضاکاروں کے لیے روشن مثال ہیں جنہوں نے انسانیت کی خدمت کا بے مثال نمونہ پیش کیا۔ وزیراعلیٰ سندھ نے مزید کہا کہ ہر سال 5 دسمبر کو دنیا بھر میں رضاکاروں کو خراجِ تحسین پیش کیا جاتا ہے، جب کہ نیا سال 2026ء عالمی طور پر پائیدار ترقی کے لیے رضاکاروں کا سال قرار دیا گیا ہے، جو رضاکارانہ خدمات کی اہمیت کا عالمی اعتراف ہے۔ انہوں نے کہا کہ پائیدار ترقی کے اہداف کے حصول میں رضاکاروں کا کردار بنیادی اہمیت رکھتا ہے، اس لیے ہر شہری کو چاہیے کہ وہ رضاکاری کی مضبوط روایت کا حصہ بنے اور معاشرے کی بہتری میں اپنا کردار ادا کرے۔
ذریعہ
ذریعہ: Islam Times
کلیدی لفظ: انسانیت کی خدمت انہوں نے کہا کہ کے لیے
پڑھیں:
امریکا ایران غیر یقینی صورتحال: عالمی منڈی میں تیل کی قیمتیں بلند سطح پر برقرار
امریکا اور ایران کے درمیان جنگ بندی اور مذاکرات سے متعلق غیر یقینی صورتحال کے باعث عالمی منڈی میں تیل کی قیمتیں بلند سطح پر برقرار رہیں۔
منگل کے روز برینٹ خام تیل 95.04 ڈالر فی بیرل جبکہ امریکی ویسٹ ٹیکساس انٹرمیڈیٹ (WTI) 91.99 ڈالر فی بیرل پر ٹریڈ ہوا۔ دونوں بینچ مارکس گزشتہ سیشن میں 5 فیصد سے زائد اضافے کے بعد مستحکم رہے۔
سرمایہ کاروں کی توجہ خاص طور پر آبنائے ہرمز کی ممکنہ بحالی اور مشرق وسطیٰ کی کشیدگی پر مرکوز ہے۔ امریکی صدر نے کہا ہے کہ ایران کے ساتھ مذاکرات جاری ہیں اور جلد کسی معاہدے کی امید ہے تاہم ایرانی میڈیا کے مطابق بات چیت میں تعطل بھی سامنے آیا ہے۔
ماہرین کا کہنا ہے کہ تیل کی قیمتوں میں موجود اتار چڑھاؤ کا دارومدار امریکا-ایران مذاکرات اور خطے کی صورتحال پر ہے۔ دوسری جانب لبنان میں حزب اللہ اور اسرائیل کے درمیان جزوی جنگ بندی کو کشیدگی کم کرنے کی محدود کوشش قرار دیا جا رہا ہے۔
یاد رہے کہ خلیجی علاقے میں کشیدگی کے باعث تیل اور ایل این جی کی عالمی ترسیل متاثر ہوئی جس سے قیمتوں میں نمایاں اضافہ دیکھنے میں آیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ