بھارتی فلیگ شپ میزائل براہموس تکنیکی کمزوریوں کا شکار
اشاعت کی تاریخ: 5th, December 2025 GMT
بھارت اور روس کے اشتراک سے تیار کیے گئے براہموس میزائل کو برسوں سے ’میک اِن انڈیا‘ کی شاندار نمائندگی اور بھارتی عسکری طاقت کے ستون کے طور پر پیش کیا جاتا رہا ہے، مگر اس کے پس منظر میں موجود تکنیکی نقائص، ناکام تجربات اور مسلسل انحصار نے اس دعوے کی ساکھ کو کمزور کر دیا ہے۔
دفاعی ماہرین کے مطابق یہ میزائل بظاہر مضبوط دکھائی دیتا ہے مگر اس کی اندرونی ساخت اور آزمائشی ریکارڈ کئی ایسے حقائق ظاہر کرتے ہیں جو اسے تکنیکی طور پر غیرمستحکم ثابت کرتے ہیں۔
یہ بھی پڑھیں: بھارتی براہموس ایرو اسپیس کمپنی پر شکوک وشہبات کے بادل کیوں؟
بھارتی حکام اس میزائل کی انتہائی کم خطا اور ایک میٹر سے بھی کم ہدف شناسی کا دعویٰ کرتے ہیں، لیکن اس کے متعدد تجربات میں گائیڈنس سمیت نیویگیشن میں بڑی غلطیاں اور ریم جیٹ سے متعلق عدم استحکام بارہا سامنے آ چکے ہیں۔
https://Twitter.
ان خرابیوں کے باعث حقیقی ماحول میں اس میزائل کی درستگی اور اعتباریت پر مستقل سوالات اٹھتے رہے ہیں۔
ان نقائص کا سب سے نمایاں اظہار 2009 کے پوکھران تجربے میں ہوا، جہاں جی پی ایس بلیک آؤٹ کے بعد میزائل ہدف سے 7 کلومیٹر دور جا گرا۔
اس ایک واقعے نے یہ بات کھول کر رکھ دی کہ براہموس غیر ملکی نیویگیشن اور امپورٹڈ سسٹمز پر کس قدر انحصار کرتا ہے اور یہ انحصار کسی بھی وقت نتائج کو بری طرح متاثر کر سکتا ہے۔
مزید پڑھیں: بھارتی براہموس میزائل کے پاکستان میں گرنے کے 2 برس مکمل
صورتحال 2021 میں اُس وقت اور زیادہ تشویشناک ہو گئی جب اڑیسہ میں ایک تجربہ پرواز کے چند لمحوں بعد ہی ناکام ہو کر زمین بوس ہوگیا۔
دفاعی ذرائع نے اس ناکامی کو سافٹ ویئر اور پراپلسن کے مابین انٹیگریشن کی بڑی خرابی قرار دیا، جس نے لمبی رینج والے ورژنز کی تیاری کو تاخیر کا شکار کردیا اور کوالٹی کنٹرول کے پورے نظام کو سوالیہ نشان بنا دیا۔
بھارت اس میزائل کے 95 فیصد کامیاب تجربات کا دعویٰ ضرور کرتا ہے، مگر مختلف تکنیکی رپورٹس اس بات کی نشان دہی کرتی ہیں کہ مجموعی تجربات میں سے صرف ایک مختصر حصہ ایسا تھا جس میں کسی بیرونی تکنیکی امداد یا اصلاحی مداخلت کی ضرورت پیش نہ آئی۔
باقی تجربات میں کسی نہ کسی نوعیت کی خامی موجود رہی جس نے سسٹم کی مجموعی صحت کے بارے میں شکوک بڑھا دیے۔
ان نقائص کے باوجود شاید سب سے سنگین واقعہ 2022 میں پیش آیا، جب غلطی سے ایک براہموس میزائل بھارتی حدود سے نکل کر پاکستان میں جا گرا۔
نہ اس میزائل میں خود کو تباہ کرنے کا کوئی نظام نصب تھا اور نہ ہی کمانڈ اینڈ کنٹرول نے فائر ہونے سے پہلے کسی مرحلے پر اسے روکا۔
مزید پڑھیں: براہموس میزائل حملہ: بھارت نے فضائیہ کی غیر ذمہ داری اور 24 کروڑ روپے نقصان کا اعتراف کر لیا
اس حادثے نے خطے کو لمحوں کے لیے ایک ممکنہ ایٹمی بحران کے دہانے پر لا کھڑا کیا اور عالمی سطح پر سوال اٹھائے کہ بھارت جیسے جوہری ملک کا میزائل نظام کس حد تک محفوظ یا کنٹرولڈ ہے۔
پیداواری شعبے میں بھی صورتحال حوصلہ افزا نہیں رہی۔
بھارت نے براہموس کی سالانہ پیداوار 400 میزائل تک بڑھانے کا اعلان کیا تھا، مگر امپورٹڈ پرزہ جات کی کمی، روسی انجنوں کی سپلائی میں رکاوٹیں اور ڈیفینس ریسرچ اینڈ ڈیولپمنٹ آرگنائزیشن کی فیکٹریوں میں تکنیکی خرابیوں نے اس ہدف کو کبھی پورا نہیں ہونے دیا۔
https://Twitter.com/xWaceem/status/1995879028822344047
اس کے ساتھ ساتھ براہموس 2 یعنی ہائپر سونک ورژن گزشتہ پندرہ برس سے تاخیر کا شکار ہے، جہاں اسکریم جیٹ ٹیکنالوجی کی ناکامی، اخراجات میں اضافہ اور مسلسل انٹیگریشن مسائل نے اس منصوبے کو آگے نہیں بڑھنے دیا۔
اسی طرح براہموس این جی کے منصوبے میں مبینہ بدعنوانی، مبہم طریقۂ کار اور اندرونی اختلافات نے رفتار مزید سست کر دی ہے۔
مزید پڑھیں: ’برہموس میزائل ڈپو تباہ ہوگیا‘، بھارتی ادارے نے پاکستانی مؤقف کی تصدیق کردی
ان حالات کا اثر بھارت کے برآمدی معاہدوں پر بھی پڑ رہا ہے۔ فلپائن سمیت کئی دیگر ممالک کے ساتھ ہونے والی ڈیلز اب محتاط نظر سے دیکھے جا رہے ہیں، کیونکہ بار بار سامنے آنے والی خامیاں، حادثاتی فائرنگ اور برقرار رہنے والے تکنیکی مسائل عالمی خریداروں کے اعتماد کو متاثر کر رہے ہیں۔
دفاعی تجزیہ کاروں کے مطابق براہموس کی یہ کمزوریاں صرف ایک میزائل تک محدود نہیں بلکہ یہ رجحان بھارت کے پرتھوی، اگنی اور آکاش جیسے سسٹمز سمیت وسیع میزائل پروگرام میں پائی جانے والی اُن بنیادی مشکلات کی طرف اشارہ کرتا ہے جن میں جلد بازی، ناکافی آزمائش، امپورٹڈ ٹیکنالوجی پر بھاری انحصار اور تکنیکی نظام کی کمزوریاں شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
براہموس بلیک آؤٹ بھارت پوکھران ڈیفینس ریسرچ اینڈ ڈیولپمنٹ آرگنائزیشن روس کمانڈ اینڈ کنٹرول میزائل میک ان انڈیا ہائپر سونک
ذریعہ
ذریعہ: WE News
کلیدی لفظ: براہموس بلیک آؤٹ بھارت کمانڈ اینڈ کنٹرول میک ان انڈیا ہائپر سونک براہموس میزائل
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار