ٹی ایل پی کی مالی مدد کرنیوالوں کا بھی محاسبہ ہوگا، عظمیٰ بخاری
اشاعت کی تاریخ: 21st, October 2025 GMT
وزیر اطلاعات پنجاب کا نیوز کانفرنس میں کہنا تھا کہ کسی مزار کو کہیں منتقل نہیں کیا جا رہا، ٹی ایل پی دہشت کی علامت بن چکی ہے، ہمیں ووٹ بینک سے غرض نہیں، امن کیلئے ہر ممکن اقدام کریں گے اور اس حوالے سے سخت فیصلے کئے گئے ہیں، ٹی ایل پی کو کالعدم قراردلوانے کیلئے وفاقی حکومت کو کہہ دیا ہے۔ اسلام ٹائمز۔ وزیر اطلاعات پنجاب عظمیٰ بخاری نے لاہور میں نیوز کانفرنس میں کہنا تھا کہ تحریک لبیک دہشت کی علامت بن چکی ہے، کسی کی قبر کو کہیں منتقل نہیں کیا جا رہا ہے۔ مرید کے آپریشن کے حوالے سے انہوں نے بتایا کہ آپریشن کے دوران 3 سویلین شہید اور 48 زخمی ہوئے، جبکہ 118 پولیس اہلکار گولیاں لگنے سے زخمی ہوئے ہیں۔ بتایا گیا کہ حملہ آوروں نے آٹھ پولیس وینز اغواء کیں اور ان میں موجود اسلحہ استعمال کیا گیا۔ حملہ آوروں نے پولیس پر اینٹوں سے بھری ٹرالیاں بھی استعمال کیں۔ اسی طرح متعدد مقامات پر ریسکیو، ایمبولینس اور دیگر گاڑیاں چھینی گئیں اور عملے کو تشدد کا نشانہ بنایا گیا۔
عظمیٰ بخاری نے کہا کہ ان تمام واقعات کی باقاعدہ فوٹیجز موجود ہیں اور شاہدرہ میں پولیس اہلکار پر تشدد کی ایک ویڈیو بھی سامنے آئی ہے۔ عظمی بخاری نے پریس کانفرنس میں کہا کہ مذہبی جماعت کا سوشل میڈیا سیل منظم انداز میں پروپیگنڈہ پھیلا رہا ہے اور اس جماعت کی قیادت نے اسلام کے نام پر لاکھوں روپے چندہ اکٹھا کیا۔ تفتیش کے دوران ایک کلو 920 گرام سونا، 898 گرام چاندی اور 28 سونے کے کنگن اس جماعت کے رہنما کے گھر سے برآمد ہوئے ہیں۔ اس کے علاوہ قیادت نے اپنے ہیڈکوارٹر کے اطراف بے نامی جائیدادیں خرید رکھی تھیں اور وفاداروں کیلئے رہائش کا بھی بندوبست کیا گیا تھا۔ حکام نے بتایا کہ 3,800 افراد اس جماعت کو باقاعدہ فنڈنگ کرتے رہے ہیں۔ ان میں سے متعدد کے اکاونٹس فریز کر دیئے گئے ہیں اور اگر کوئی آئندہ فنڈنگ کی کوشش کرے گا، تو اس کیخلاف دہشت گردی کے مقدمات درج کیے جائیں گے۔
سعد رضوی کے نام پر 95 بینک اکاونٹس اور مسروقہ/غیر مسروقہ جائیدادیں سیل کر دی گئی ہیں۔ انہوں نے کہا کہ اس مذہبی گروہ کی لیڈرشپ کو تفتیشی عمل کے تحت تین ٹئیرز میں تقسیم کرکے ٹریک کیا جا رہا ہے، اور تمام اکاونٹس کی ٹریسنگ جاری ہے۔ عظمی بخاری نے واضح کیا کہ یہ کارروائی کسی خاص مذہبی فرقے کیخلاف نہیں، بلکہ ایک مخصوص مائنڈ سیٹ کیخلاف کی جا رہی ہے۔ انہوں نے والدین سے اپیل کی کہ اپنے بچوں کا خیال رکھیں اور خبردار کیا کہ مساجد کو مسمار نہیں کیا جا رہا بلکہ متعلقہ مساجد کو اوقاف کے حوالے کیا جا رہا ہے۔ صوبائی حکومت نے فی الحال 330 مساجد کو ٹیک اوور کر لیا ہے اور 222 مدارس کی جیو ٹیگنگ مکمل کر لی گئی ہے۔ انہوں نے کہا کہ ان مدارس کو جلد کھول دیا جائیگا اور ان پر اہلسنت و الجماعت کے علماء کو کنٹرول دیا جائے گا۔
عظمیٰ بخاری نے کہا کہ اس مذہبی جماعت کے چند مدرسے حکومت کی زمین پر بنے ہوئے تھے، ان کے بارے میں بھی کارروائی کی گئی ہے۔ سکیورٹی اور عدالتی کارروائی کے پیرائے میں عظمی بخاری نے کہا کہ اس جماعت کیخلاف خصوصی پراسیکیوشن سیل قائم کر دیا گیا ہے، تاکہ عدالتی کارروائی کو یقینی بنایا جا سکے۔ تفتیش کے دوران 33 دہشت گردی کے مقدمات میں نامزد افراد کی گرفتاری عمل میں لائی جائے گی اور دونوں (رضوی) بھائیوں کی گرفتاری کیلئے چھاپے مارے جا رہے ہیں۔ صوبائی حکومت نے وفاقی حکومت کو بھی اس جماعت کو بین کرنے کی سفارش کر دی ہے۔ ایک سوال کے جواب میں عظمیٰ بخاری نے کہا کہ ملک و صوبے میں انتشار پھیلانے والے افراد کیخلاف سوشل میڈیا پر سخت کارروائی کی جائے گی اور صحافیوں، سیاستدانوں کو دھمکیاں دینے والے گروپس کا بھی سراغ لگایا جا رہا ہے۔
وزیرِ اطلاعات نے واضح کیا کہ ہم کسی ووٹ بینک یا الیکشن کے بارے میں نہیں سوچ رہے، ہم اس وقت صوبے کی عوام کی خوشحالی اور امن و امان کا خیال رکھ رہے ہیں۔ انہوں نے کہا کہ سعد رضوی کے گھر سے برآمد ہونیوالے قیمتی زیورات اور جائیدادوں کی تفصیلی جانچ جاری ہے۔ جن افراد نے بیرون ملک بیٹھ کر یا اندر ملک میں اس گروپ کو سہارا دیا، وہ بھی تفتیش کے دائرے میں ہیں، اس سلسلے میں کچھ بیرونِ ملک رہنے والے سیاسی عناصر پر بھی تحقیقات کی جا رہی ہیں۔ جو افراد، تنظیمیں یا اکاؤنٹس اس گروپ کی مالی حمایت کریں گے ان کیخلاف دہشتگردی قوانین کے تحت کارروائی ہوگی۔
ذریعہ
ذریعہ: Islam Times
کلیدی لفظ: بخاری نے کہا کہ کیا جا رہا جا رہا ہے انہوں نے
پڑھیں:
مالی سال 26-2025 کے اختتام پر کلیمز جمع کرانے کی آخری تاریخ 12 جون مقرر
اکاؤنٹنٹ جنرل پاکستان ریونیو (اے جی پی آر) اسلام آباد نے مالی سال 26-2025 کے اختتام کے سلسلے میں ادائیگیوں، بلوں اور کلیمز کی وصولی کے لیے اہم ڈیڈ لائنز مقرر کردی ہیں۔
اے جی پی آر کی جانب سے جاری نوٹیفکیشن کے مطابق تمام ڈرائنگ اینڈ ڈسبرسنگ آفیسرز (ڈی ڈی اوز) کو ہدایت کی گئی ہے کہ حالیہ خریداریوں اور حاصل کی گئی خدمات کے تمام کلیمز 12 جون 2026 تک لازمی طور پر جمع کرائے جائیں۔
نوٹیفکیشن میں کہا گیا ہے کہ 12 جون 2026 تک جاری کیے گئے ٹوکنز کے تحت تمام غیر منظور شدہ بلوں اور دعوؤں کو دوبارہ جمع کرانے کی آخری تاریخ 15 جون 2026 مقرر کی گئی ہے۔
اسی طرح اے جی پی آر اسلام آباد اور اس کے ماتحت دفاتر کے زیر انتظام اسائنمنٹ اکاؤنٹس کے لیے ریلیز جمع کرانے کی آخری تاریخ 19 جون 2026 ہوگی۔
اے جی پی آر نے واضح کیا ہے کہ 12 جون 2026 کے بعد اعزازیہ (ہونوریرئم) سے متعلق کوئی کلیم وصول نہیں کیا جائے گا۔
مزید برآں آف سائیکل ادائیگیوں کے حوالے سے کمپیوٹرائزڈ تبدیل شدہ اسٹیٹمنٹس صرف 11 جون 2026 تک وصول کی جائیں گی، جبکہ ان پر کارروائی عارضی طور پر 16 جون 2026 تک مکمل کر لی جائے گی۔
نوٹیفکیشن میں تمام ڈی ڈی اوز اور متعلقہ دفاتر کو تاکید کی گئی ہے کہ ادائیگیوں اور مالی معاملات میں کسی قسم کی تاخیر سے بچنے کے لیے تمام کیسز مقررہ مدت کے اندر جمع کرائے جائیں۔
اے جی پی آر نے یہ بھی آگاہ کیا ہے کہ موجودہ مالی سال سے متعلق تنخواہوں کے چیکس مالی سال کے اختتام پر زائد المعیاد (اسٹیل) تصور ہوں گے اور 30 جون 2026 کے بعد ان کے متبادل چیکس جاری نہیں کیے جائیں گے۔
ادارے نے تمام متعلقہ سرکاری دفاتر اور مالیاتی حکام پر زور دیا ہے کہ بلوں، ادائیگیوں اور کلیمز سے متعلق تمام مقررہ ڈیڈ لائنز پر سختی سے عمل درآمد یقینی بنایا جائے تاکہ مالی سال 26-2025 کے حسابات بروقت اور مؤثر انداز میں مکمل کیے جا سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آخری تاریخ مقرر کلیمز مالی سال کا اختتام وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ