ہائیکورٹ میں درخواست دینے والے کو عمران خان والی سہولیات فراہم کی جائیں، علیمہ خان نے حمایت کردی
اشاعت کی تاریخ: 21st, October 2025 GMT
پاکستان تحریک انصاف (پی ٹی آئی) کے بانی عمران خان کی بہن علیمہ خان نے مطالبہ کیا ہے کہ اسلام آباد ہائیکورٹ میں درخواست دائر کرنے والے شخص کو وہی سہولیات دی جائیں جو جیل میں عمران خان کو حاصل ہیں۔
اڈیالہ جیل کے باہر وکیل فیصل ملک کے ہمراہ میڈیا سے گفتگو کرتے ہوئے علیمہ خان نے کہاکہ سب یہی پوچھ رہے ہیں کہ پشاور میں کابینہ کیوں نہیں بن رہی، کیا وفاقی حکومت کو اس بات کی پرواہ نہیں کہ ایک وزیراعلیٰ کو اپنی پارٹی کے بانی سے ملاقات سے روکا جا رہا ہے؟
یہ بھی پڑھیں: مجھے بھی عمران خان کے برابر سہولیات فراہم کی جائیں: اڈیالہ جیل کے قیدی کا عدالت سے رجوع
ان کا کہنا تھا کہ وزیراعظم سے پوچھا جانا چاہیے کہ اگر انہیں واقعی ملک کی فکر ہے تو ایک جماعت کے سربراہ کو اپنے وزیراعلیٰ سے مشاورت کی اجازت کیوں نہیں دی جا رہی۔
علیمہ خان نے ماضی کی مثال دیتے ہوئے کہا کہ جب آصف علی زرداری کراچی کی جیل میں تھے تو انہیں شام کے وقت صحن میں بیٹھ کر چائے پینے کی سہولت حاصل تھی، اسی طرح نواز شریف کو بھی تمام سہولتیں میسر تھیں، ان کے کمرے میں اے سی تک لگا ہوا تھا۔ لیکن بانی پی ٹی آئی عمران خان ایک ایسے ’چکی سیل‘ میں قید ہیں جہاں ایئرکنڈیشنر تو درکنار، ہوا کا گزر بھی محدود ہے۔
انہوں نے بتایا کہ عمران خان گزشتہ 2 سال سے ڈیتھ سیل میں ہیں، پولیس اہلکاروں کا کہنا ہے کہ اس نوعیت کی قید تنہائی کسی اور کے حصے میں نہیں آئی۔ ان کے کمرے کا سائز صرف 8 بائے 10 فٹ ہے اور کسی سے ملاقات کی اجازت نہیں، جو واضح طور پر تنہائی کی سزا کے مترادف ہے۔
علیمہ خان نے طنزیہ انداز میں کہاکہ جو شخص ہائیکورٹ میں یہ پٹیشن لے کر گیا ہے کہ اسے عمران خان جیسی سہولتیں دی جائیں، اگر واقعی ایسی سہولتیں دے دی جائیں تو وہ رو پڑے گا۔
انہوں نے بتایا کہ عمران خان کا پیغام عوام تک پہنچانے پر ان کے خلاف تھانہ صادق آباد میں مقدمہ درج کیا گیا۔ فیصل ملک جو پیغام دیتے ہیں، وہ ہم تصدیق کے بعد ہی آگے پہنچاتے ہیں۔
سہیل آفریدی کو ملاقات سے روکنا غیرجمہوری رویہ ہے، فیصل ملکاس موقع پر بانی پی ٹی آئی عمران خان کے وکیل فیصل ملک نے بتایا کہ آج اڈیالہ جیل میں صرف انہیں اندر جانے کی اجازت دی گئی، باقی وکلا کو روکا گیا جبکہ علیمہ خان کو بھی ملاقات نہیں کرنے دی گئی، تاہم عمران خان کی دیگر 2 بہنوں کی ملاقات ہو سکی۔
فیصل ملک کے مطابق عمران خان نے سب سے پہلے اپنے مینڈیٹ پر بات کی اور کہا کہ خیبرپختونخوا میں حکومت ان کا حق ہے، پالیسی بنانا ان کا آئینی اختیار ہے۔ عمران خان کے مطابق وزیراعلیٰ خیبرپختونخوا کو ان سے ملاقات سے روکنا ان کے جمہوری اور آئینی حق کی خلاف ورزی ہے۔
یہ بھی پڑھیں: عمران خان کو جیل میں سہولیات فراہمی کیلیے درخواست دائر، پی ٹی آئی کا اظہار لاتعلقی
انہوں نے کہا کہ ماضی میں نواز شریف کو جیل میں ملاقاتوں کی اجازت تھی، وہ آرڈیننس پر دستخط بھی کرتے رہے اور اہل خانہ سے باقاعدگی سے ملاقاتیں ہوتی تھیں، لیکن عمران خان کو نہ اہل خانہ سے ملنے دیا جا رہا ہے اور نہ پارٹی قیادت سے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل اسلام آباد ہائیکورٹ بانی پی ٹی آئی جیل سہولیات علیمہ خان عمران خان وی نیوز.
ذریعہ
ذریعہ: WE News
کلیدی لفظ: اڈیالہ جیل اسلام ا باد ہائیکورٹ بانی پی ٹی ا ئی جیل سہولیات علیمہ خان وی نیوز علیمہ خان نے اڈیالہ جیل سے ملاقات کی اجازت فیصل ملک جیل میں خان کو
پڑھیں:
مینگو شیک کے لیے کون سا آم بہترین ہے؟ ذائقے اور کریمی ٹیکسچر کو بدل دینے والے راز
گرمیوں کی آمد کے ساتھ ہی آموں کی خوشبو اور مٹھاس ہر طرف پھیل جاتی ہے، اور بازاروں، ریڑھیوں اور گھروں میں مختلف اقسام کے آم اپنی رنگینی بکھیرنے لگتے ہیں۔
پاکستان میں آم کی کئی مشہور اقسام پائی جاتی ہیں جن میں دسہری، کیسر، چونسہ اور سندھ کے بعض علاقوں میں محدود پیمانے پر کاشت ہونے والا الفانسو آم شامل ہے، جسے عام طور پر ’الفنس‘ کے نام سے بھی جانا جاتا ہے۔
آم کو صرف ایک پھل نہیں بلکہ گرمیوں کی پہچان سمجھا جاتا ہے، اسی لیے اس موسم میں اس سے آئس کریم، میٹھے پکوان، آم رس، سلاد اور مختلف مشروبات تیار کیے جاتے ہیں۔ تاہم ٹھنڈا اور گاڑھا مینگو شیک آج بھی سب سے زیادہ پسند کیے جانے والے مشروبات میں شمار ہوتا ہے، اور اکثر یہ سوال سامنے آتا ہے کہ آخر مینگو شیک کے لیے بہترین آم کون سا ہے؟
ماہرین اور شوقین افراد کے مطابق الفانسو آم مینگو شیک کے لیے بہترین انتخاب سمجھا جاتا ہے۔ اس کی گودے دار ساخت قدرتی طور پر کریمی ہوتی ہے، اس میں ریشہ نہ ہونے کے برابر ہوتا ہے اور اس کی مٹھاس دودھ کے ساتھ بخوبی گھل جاتی ہے، جس سے شیک ہموار اور ملائم بنتا ہے۔ بعض آم بلینڈ کرنے کے بعد ریشے دار محسوس ہوتے ہیں، لیکن الفانسو شیک کو ایک یکساں اور کریمی ساخت دیتا ہے۔
الفانسو آم کی ایک اور نمایاں خصوصیت اس کی خوشبو ہے، جو سادہ دودھ کے شیک کو بھی ایک خاص ذائقہ اور مہک عطا کرتی ہے۔ چونکہ یہ قدرتی طور پر بہت میٹھا ہوتا ہے، اس لیے اکثر افراد اس میں اضافی چینی ڈالنے کی ضرورت محسوس نہیں کرتے۔
ماہرین کا کہنا ہے کہ ہر آم مینگو شیک کے لیے یکساں طور پر موزوں نہیں ہوتا۔ ایک اچھے شیک کے لیے ایسے آم کا انتخاب بہتر ہے جس میں ریشہ کم ہو، گودا قدرتی طور پر میٹھا اور خوشبودار ہو، ساخت گاڑھی اور کریمی ہو، جبکہ گٹھلی چھوٹی اور گودا زیادہ ہو۔
الفانسو کے علاوہ کیسر آم بھی ایک اچھا انتخاب سمجھا جاتا ہے، جو اپنے شوخ نارنجی گودے اور بھرپور مٹھاس کے باعث گاڑھا اور لذیذ شیک تیار کرتا ہے۔ اسی طرح دسہری آم اپنی خوشبو اور رس دار خصوصیات کی وجہ سے ہلکے اور تازگی بخش شیک کے لیے موزوں مانا جاتا ہے۔
ماہرین یہ بھی خبردار کرتے ہیں کہ بہت زیادہ پکے ہوئے آم استعمال نہ کیے جائیں، کیونکہ اگرچہ وہ زیادہ میٹھے ہوتے ہیں لیکن بعض اوقات ان میں خمیر جیسی بو پیدا ہو سکتی ہے جو شیک کے ذائقے کو متاثر کرتی ہے۔
گھر میں بہترین مینگو شیک بنانے کے لیے چند آسان طریقے بھی مددگار ثابت ہوتے ہیں۔ آموں کو استعمال سے پہلے ٹھنڈا کر لیا جائے تو برف کی ضرورت کم ہو جاتی ہے، جبکہ مکمل چکنائی والے ٹھنڈے دودھ سے شیک زیادہ کریمی بنتا ہے۔ آم کے ٹکڑوں کو فریز کر کے استعمال کرنے سے شیک مزید گاڑھا ہو جاتا ہے، اور ذائقے میں بہتری کے لیے ہلکی سی الائچی یا زعفران بھی شامل کیا جا سکتا ہے۔
ماہرین کے مطابق ضرورت سے زیادہ بلینڈنگ سے شیک پتلا بھی ہو سکتا ہے، اس لیے اسے مناسب وقت تک ہی بلینڈ کرنا بہتر سمجھا جاتا ہے۔ مجموعی طور پر کہا جا سکتا ہے کہ گرمیوں میں بہترین مینگو شیک کا راز صرف ترکیب میں نہیں بلکہ صحیح آم کے انتخاب میں بھی چھپا ہوتا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ