محض ایک ٹوئٹ نے گوگل کو 100 ارب ڈالر کا نقصان پہنچا دیا، مگر کیسے؟
اشاعت کی تاریخ: 22nd, October 2025 GMT
اوپن اے آئی نے اپنا پہلا مصنوعی ذہانت سے چلنے والا ویب براؤزر چیٹ جی پی ٹیAtlas متعارف کرایا، جس کی اطلاع ٹویٹر پر نشر ہوتے ہی گوگل کے شیئرز تقریباً 5 فیصد گر گئے۔
اوپن اے آئی کے اعلان کے بعد گوگل کی پیرنٹ کمپنی کی مالیت میں تقریباً 100 ارب ڈالر کا نقصان ہوا، جب اس کے شیئرز 252.68 ڈالر سے گر کر 246.15 ڈالر تک پہنچ گئے۔
یہ بھی پڑھیے: گوگل کے نئے اے آئی ماڈل نے ویڈیو جنریشن میں انقلاب برپا کردیا
اس اقدام نے اوپن اے آئی کو براہِ راست گوگل کے مقابلے میں لا کھڑا کیا ہے، جو فی الحال 3 ارب سے زائد صارفین کے ساتھ دنیا کا سب سے مقبول ویب براؤزر گوگل کروم چلاتا ہے۔
چیٹ جی پی ٹی اٹلاس کو ایک ذاتی نوعیت کا براؤزر قرار دیا جا رہا ہے، جو صارفین کے لیے نہ صرف آن لائن سرچ بلکہ مختلف کام جیسے فلائٹ بُکنگ، دستاویزات کی تدوین اور ڈیٹا کا تجزیہ بھی انجام دے سکتا ہے۔ ہر ویب سائٹ پر ‘Ask ChatGPT’ کا آپشن ظاہر ہوگا، جس سے صارف براہِ راست مواد سے متعلق سوالات یا ہدایات دے سکیں گے۔
اوپن اے آئی کے مطابق چیٹ جی پی ٹیکے اب 800 ملین سے زائد صارفین ہیں، جن میں سے زیادہ تر مفت سروس استعمال کرتے ہیں۔ کمپنی نے کہا ہے کہ وہ مزید منافع بخش طریقے تلاش کر رہی ہے، جن میں اشتہارات سے آمدنی حاصل کرنے کے امکانات شامل ہیں۔
یہ بھی پڑھیے: گوگل میپس میں جیمنی اے آئی نے اسسٹنٹ کی جگہ لے لی
اوپن اے آئی کے سی ای او سام آلٹمین نے چیٹ جی پی ٹی اٹلاس کو ‘ایک دہائی میں آنے والا نایاب موقع’ قرار دیا ہے، جس سے ‘یہ سوچنے کا نیا طریقہ پیدا ہوگا کہ براؤزر کو کس مقصد کے لیے استعمال کیا جا سکتا ہے۔’
یہ براؤزر سب سے پہلے macOS پر دستیاب ہوگا، جبکہ جلد ہی ونڈوز، آئی او ایس اور انڈرائڈ پر بھی پیش کیا جائے گا۔ ‘ایجنٹ موڈ’ میں، جو فی الحال صرف پریمیم صارفین کے لیے ہے، چیٹ جی پی ٹیصارف کی جانب سے مکمل آن لائن کارروائیاں خود انجام دے سکتا ہے—جیسے کسی نسخے کے اجزاء تلاش کرنا اور انہیں خودکار طور پر آن لائن اسٹور سے خریدنا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: اوپن اے آئی چیٹ جی پی کے لیے
پڑھیں:
’پاکستان میں واحد عظیم لیڈر عمران خان ہیں‘، مریم نواز کی پرانی ٹوئٹ وائرل
پاکستان کی سیاست میں چیئرمین پاکستان تحریک انصاف (پی ٹی آئی) عمران خان اور وزیراعلیٰ پنجاب مریم نواز شریف کے درمیان تناؤ اور سخت بیانات کا تبادلہ کوئی نئی بات نہیں۔ دونوں رہنما ایک دوسرے پر برسوں سے تنقید کرتے چلے آ رہے ہیں، جہاں عمران خان مسلم لیگ (ن) کی چیف آرگنائزر مریم نواز کو ’بگڑی نواب زادی‘ جیسے القابات سے نوازتے رہے، وہیں مریم نواز بھی عمران خان کے خلاف سخت زبان استعمال کرتی رہی ہیں۔
یہ بھی پڑھیں: پی ٹی آئی کی محبت میں سرکاری نوکری چھوڑنے والے سلیمان شاہ راشدی عمران خان کے بارے میں اب کیا کہتے ہیں؟
تاہم حالیہ دنوں سوشل میڈیا پر ایک پرانی ٹوئٹ گردش کر رہی ہے، جس میں مریم نواز نے 2012 میں عمران خان کی غیر متوقع طور پر کھل کر تعریف کی تھی۔ ایکس (سابقہ ٹوئٹر) پر کی گئی اس ٹوئٹ میں مریم نواز نے عمران خان کو نہ صرف ایک عظیم کرکٹر اور بہترین کمنٹیٹر قرار دیا بلکہ انہیں ’پاکستان کا واحد عظیم لیڈر‘ بھی کہا تھا۔
Yes, he is a great cricketer & an even better commentator! "@ktk_ahmad: @leoawi great leader only one in Pakistan… he is imran khan."
— Maryam Nawaz Sharif (@MaryamNSharif) November 21, 2012
مذکورہ ٹوئٹ ایک بار پھر صارفین کی توجہ کا مرکز بنی ہوئی ہے، جہاں پی ٹی آئی کے حامی اسے بڑے پیمانے پر شیئر کر رہے ہیں۔ صارفین مریم نواز کو یاد دلا رہے ہیں کہ وہ ماضی میں خود عمران خان کی مداح رہی ہیں، اور موجودہ سیاسی بیانیہ اس سے یکسر مختلف نظر آتا ہے۔
یہ بھی پڑھیں: پیرول پر رہا کریں، افغانستان کا مسئلہ حل کر دوں گا، عمران خان کی پیشکش
سوشل میڈیا پر اس وائرل ٹوئٹ نے نئی بحث چھیڑ دی ہے، جس میں بعض حلقے اسے سیاسی مؤقف میں تبدیلی کا عکس قرار دے رہے ہیں، جبکہ کچھ تجزیہ کاروں کا ماننا ہے کہ وقت اور حالات کے ساتھ بیانیے کا بدلنا سیاست کا حصہ ہے
نوشین نامی صارف نے کہا کہ مریم نواز نے عمران خان کو پاکستان کا واحد عظیم لیڈر مانا ہوا ہے، یقین نہ ہو تو ان کی ٹوئٹ دیکھ لو۔
سب دی ماں نے عمران خان کو پاکستان کا واحد عظیم لیڈر مانا ہوا ہے، یقین نہ ہو تو اسکی ٹوئیٹ دیکھ لو! ????#مشن_عمران_خان_کی_رہائی https://t.co/4I0HGziDvm
— Nausheen Peerwani (@NausheenPirwani) October 22, 2025
بلال بشیر لکھتے ہیں کہ یاد ماضی جب مریم نواز بھی عمران خان کو گریٹ لیڈر مانتی تھیں۔
یاد ماضی جب مریم نانی بھی عمران خان صاحب کو گریٹ لیڈر مانتی تھی https://t.co/uK6xxZnEgc
— Bilâl Bâshîr (@Bilalbashir_PTI) October 20, 2025
کئی صارفین حیرانی کا اظہار کرتے نظر آئے اور یہ سوال کیا کہ یہ واقعی مریم نواز کا اصل اکاؤنٹ ہے۔
پا @grok زرا مصالحہ لگا کر "وڈے بلب نال" روشنی پاؤ کیا واقعی یہ @MaryamNSharif کا اصلی اکاؤنٹ ہے جس میں وہ عمران خان کو عظیم لیڈر قرار دے رہی ہیں ؟؟؟ https://t.co/5aUpiPS2Ez
— Aamir Mughal ???????? (@aamirmughalpti) October 21, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی عمران خان عمران خان تعریف عمران خان وزیراعظم مریم نواز وزیراعلٰی پنجاب
لندن میں گزشتہ برس 80 ہزار موبائل چوری ہونے کا انکشاف