اسرائیلی جارحیت غزہ جنگ بندی معاہدے کی خلاف ورزی، آزاد فلسطینی ریاست کا قیام ناگزیر ہے، پاکستان
اشاعت کی تاریخ: 22nd, October 2025 GMT
پاکستان نے 1967 سے قبل کی سرحدوں کے مطابق ایک آزاد اور خودمختار فلسطینی ریاست کے قیام پر زور دیتے ہوئے القدس الشریف کو فلسطین کا دارالحکومت تسلیم کرنے کے اپنے مستقل مؤقف کو دہرایا ہے۔
دفترِ خارجہ کی جانب سے جاری بیان میں کہا گیا ہے کہ پاکستان اسرائیل کی جانب سے غزہ امن معاہدے کی مسلسل خلاف ورزیوں کی سخت مذمت کرتا ہے۔
????PR No.
Pakistan Strongly Condemns Israel’s Violations of the Gaza Peace Agreement
????⬇️https://t.co/OSMlF2aHt6 pic.twitter.com/trSE1DZHaP
— Ministry of Foreign Affairs – Pakistan (@ForeignOfficePk) October 22, 2025
ترجمان کے مطابق اسرائیلی فوج کے تازہ فضائی حملوں کے نتیجے میں متعدد بے گناہ فلسطینی شہری شہید ہوئے ہیں، جو شرم الشیخ امن معاہدے کی روح کے منافی ہیں۔
پاکستان نے عالمی برادری پر زور دیا ہے کہ وہ اسرائیلی خلاف ورزیوں کو فوری طور پر روکنے کے لیے مؤثر اقدامات کرے۔
ترجمان دفترِ خارجہ نے کہا کہ عالمی ادارے جنگ بندی کے مکمل نفاذ اور فلسطینی عوام کے تحفظ کو یقینی بنائیں۔
مزید برآں پاکستان نے فلسطینی عوام کے حقِ خودارادیت اور اُن کی جدوجہدِ آزادی کے لیے اپنی غیر متزلزل حمایت کا اعادہ کیا ہے، اور اسرائیلی جارحیت کے فوری خاتمے کا مطالبہ کیا ہے۔
یہ بھی پڑھیں: فلسطین سے متعلق پاکستان کی پالیسی واضح، غزہ امن منصوبے پر سیاست نہ کی جائے، اسحاق ڈار
واضح رہے کہ امریکی صدر ڈونلڈ ٹرمپ کے امن منصوبے کو مانتے ہوئے ثالثی ملکوں نے غزہ جنگ بندی معاہدے پر دستخط کیے ہیں، تاہم اس کے باوجود اسرائیل کی جانب سے جارحیت کا سلسلہ جاری ہے۔ جس پر دنیا میں تشویش کی لہر دوڑ گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آزاد فلسطینی ریاست پاکستان دفتر خارجہ غزہ جنگ بندی معاہدہ وی نیوزذریعہ: WE News
کلیدی لفظ: ا زاد فلسطینی ریاست پاکستان دفتر خارجہ غزہ جنگ بندی معاہدہ وی نیوز
پڑھیں:
امریکی صدر کا بیان:حماس جنگ بندی کی خلاف ورزی میں ملوث نہیں
ادھر امریکی صدر ڈونلڈ ٹرمپ نے ایئر فورس ون میں صحافیوں سے بات کرتے ہوئے کہا کہ حماس کی قیادت جنگ بندی کی خلاف ورزی میں ملوث نظر نہیں آتی۔
صدر ٹرمپ کا کہنا تھا کہ جو سیز فائر معاہدہ ہوا تھا، وہ اب بھی قائم ہے، تاہم بعض واقعات کی مکمل جانچ کی جا رہی ہے۔ ان کا کہنا تھا’’میں یہ نہیں کہہ سکتا کہ اسرائیلی حملے جائز تھے یا نہیں، مجھے مزید معلومات لینا ہوں گی۔‘‘
دوسری طرف، سیز فائر کے باوجود اتوار کے روز غزہ میںایک مرتبہ پھر تشدد بھڑک اٹھا۔ حماس اور اسرائیلی فوج کے درمیان جھڑپ کے بعد اسرائیلی فورسز نے غزہ پر فضائی حملے کیے۔
اسرائیلی فوج کے مطابق ایک کارروائی میں ان کے دو فوجی ہلاک ہوئے، جس کے بعد جوابی کارروائی میں کئی مقامات کو نشانہ بنایا گیا۔فلسطینی حکام کے مطابق ان حملوں میں کم از کم 45 افراد شہید ہوئے، جن میں بڑی تعداد عام شہریوں کی تھی۔
حملوں کے بعد فریقین نے ایک بار پھر سیز فائر کی شروعات کر دی ہے، تاہم خطے میں کشیدگی بدستور برقرار ہے۔
وزیر اعظم کا گورنر سندھ سے حلیم اور نہاری کھانے کی خواہش کا اظہار