عمر ایوب کی نااہلی سے خالی نشست پر ضمنی انتخاب، پی ٹی آئی اور ن لیگ میں کانٹے دار مقابلے کا امکان
اشاعت کی تاریخ: 22nd, October 2025 GMT
این اے-18 ہری پور کی نشست، جو عمر ایوب خان کی نااہلی کے باعث خالی ہوئی تھی، پر ہونے والے ضمنی انتخاب کے لیے ریٹرننگ افسر نوید الرحمان نے امیدواروں کی حتمی فہرست جاری کر دی ہے، جس کے مطابق 13 امیدواروں کے کاغذات نامزدگی درست قرار دیے گئے ہیں جبکہ ایک امیدوار کے کاغذات مسترد کر دیے گئے ہیں۔ ضمنی انتخاب میں پاکستان تحریک انصاف اور پاکستان مسلم لیگ (ن) کے درمیان سخت مقابلے کی توقع کی جا رہی ہے۔
ریٹرننگ افسر کی جانب سے جاری کردہ فارم 32 کے مطابق پاکستان پیپلزپارٹی کی ارم فاطمہ ترک، مسلم لیگ (ن) کے بابر نواز خان، پیر صابر شاہ، سردار محمد مشتاق، اور صاحبزادہ حامد شاہ سمیت مختلف امیدوار انتخابی دوڑ میں شامل ہیں۔ پی ٹی آئی کی جانب سے شہرناز عمر ایوب کو میدان میں اتارا گیا ہے، جن کے کاغذات نامزدگی درست قرار دے دیے گئے ہیں۔
دوسری جانب ہری پور کی یونین کونسل کے چیئرمین عبدالرشید تنولی کے کاغذات مسترد کر دیے گئے ہیں۔ قبل ازیں پی ٹی آئی کی جانب سے مسلم لیگ (ن) کے امیدوار بابر نواز خان کے کاغذات پر اعتراضات اٹھائے گئے تھے، تاہم ریٹرننگ افسر نے ان اعتراضات کو مسترد کرتے ہوئے بابر نواز کی نامزدگی برقرار رکھی۔
واضح رہے کہ یہ نشست سابق اپوزیشن لیڈر عمر ایوب خان کی 9 مئی کے مقدمات میں سزا اور اس کے نتیجے میں نااہلی کے باعث خالی ہوئی تھی۔ اب اس حلقے میں 23 نومبر کو ووٹنگ ہوگی، جہاں شہرناز عمر ایوب اور بابر نواز خان کے درمیان سخت مقابلے کی فضا بن چکی ہے، اور سیاسی حلقوں کی نظریں اس اہم ضمنی انتخاب پر مرکوز ہیں۔
ذریعہ: Daily Mumtaz
کلیدی لفظ: دیے گئے ہیں کے کاغذات بابر نواز عمر ایوب
پڑھیں:
بھارتی پولیس اپوزیشن امیدواروں کو کاغذات نامزدگی جمع کرانے سے روک رہی ہے، شرومنی اکالی دل
ذرائع کے مطابق سکھبیر سنگھ بادل نے سوشل میڈیا پر ایک پوسٹ میں اپنے دعوے کے حق میں ایک آڈیو کلپ بھی جاری کیا ہے ۔جس میں مبینہ طور پر پٹیالہ کے ایس ایس پی ورون شرما اور دیگر پولیس افسران کو اپوزیشن کے امیدواروں کو کاغذات نامزدگی جمع کرانے سے روکنے کی حکمت عملی پر تبادلہ خیال کیا جا رہا ہے۔ اسلام ٹائمز۔ بھارت میں سکھوں کی تنظیم شرومنی اکالی دل کے صدر سکھبیر سنگھ بادل نے کہا ہے کہ پنجاب پولیس اپوزیشن امیدواروں کو ضلع پریشد اور بلاک سمیتی انتخابات کیلئے اپنے کاغذات نامزدگی جمع کرانے سے روک کر جمہوریت کا قتل کر رہی ہے۔ ذرائع کے مطابق سکھبیر سنگھ بادل نے سوشل میڈیا پر ایک پوسٹ میں اپنے دعوے کے حق میں ایک آڈیو کلپ بھی جاری کیا ہے ۔جس میں مبینہ طور پر پٹیالہ کے ایس ایس پی ورون شرما اور دیگر پولیس افسران کو اپوزیشن کے امیدواروں کو کاغذات نامزدگی جمع کرانے سے روکنے کی حکمت عملی پر تبادلہ خیال کیا جا رہا ہے۔ شرومنی اکالی دل الیکشن کمیشن میں ایک تحریری شکایت بھی درج کرائی ہے، جس میں ملوث پولیس اہلکاروں کے خلاف فوری کارروائی اور سی بی آئی اور این آئی اے جیسی تحقیقاتی ادارون کے ذریعے تحقیقات کا مطالبہ کیا گیا ہے۔ سکھبیر سنگھ نے مزید کہا کہ آڈیو کلپ میں جو دراصل گزشتہ شب ہونے والی ایک کانفرنس کی ریکارڈنگ ہے، کئی ڈی ایس پیز کو مبینہ طور پر یہ دعوی کرتے ہوئے سنا جا سکتا ہے کہ وہ مقامی سیاست دانوں کے ساتھ مل کر کام کر رہے ہیں اور اگر کوئی غلط کام کرنا ہے تو اسے نامزدگی مراکز کے باہر، گائوں، گھروں یا راستے میں کیا جانا چاہیے۔ اپوزیشن لیڈر اور کانگریس کے ایم ایل اے پرتاپ باجوہ نے حکومت پر کڑی تنقید کرتے ہوئے ریاستی الیکشن کمیشن پر زور دیا کہ وہ سخت کارروائی کرے اور آزادانہ اور منصفانہ انتخابات کو یقینی بنائے۔ پرتاپ باجوہ نے پولیس کی غیر ضروری مداخلت کو لاقانونیت قرار دیا۔
غزہ میں عالمی امن فورس کی تعیناتی اور حماس کو غیر مسلح کرنیکے ٹرمپ منصوبے کو سنگین مسائل کا سامنا