محمود اچکزئی کی بطور اپوزیشن لیڈر نامزدگی سپریم کورٹ کے فیصلے کی خلاف ورزی ہے: اکبر ایس بابر
اشاعت کی تاریخ: 21st, October 2025 GMT
اکبر ایس بابر اور محمود اچکزئی—فائل فوٹوز
پاکستان تحریک انصاف کے بانی رہنما اکبر ایس بابر کا کہنا ہے کہ محمود اچکزئی کو اپوزیشن لیڈر نامزد کرنا قانون اور سپریم کورٹ کے فیصلے کی خلاف ورزی ہے۔
ایک بیان میں اکبر ایس بابر کا کہنا ہے کہ اب اسپیکر قومی اسمبلی اور حکمراں جماعت کا امتحان ہے۔
یہ بھی پڑھیے اکبر ایس بابر نے وفاق سے خیبر پختونخوا میں گورنر راج نافذ کرنے کا مطالبہ کردیا پی ٹی آئی نے محمود اچکزئی کو قومی اسمبلی، ناصر عباس کو سینیٹ میں اپوزیشن لیڈر بنانے کی منظوری دیدیپاکستان تحریکِ انصاف کے بانی رہنما نے یہ بھی کہا ہے کہ اب مزید غلطی کی گنجائش نہیں ہے۔
واضح رہے کہ پاکستان تحریکِ انصاف نے محمود خان اچکزئی کو قومی اسمبلی اور علامہ ناصر عباس کو سینیٹ میں اپوزیشن لیڈر بنانے کی منظوری دے دی ہے۔
دوسری جانب پاکستان پیپلز پارٹی (پی پی پی) نے محمود خان اچکزئی کو نیا اپوزیشن لیڈر بنانے کی حمایت کی ہے۔
پیپلز پارٹی کے رہنما ناصر حسین شاہ نے محمود اچکزئی کو نیا اپوزیشن لیڈر بنانے اور وزیرِ اعلیٰ خیبر پختونخوا سہیل آفریدی کی بانیٔ پی ٹی آئی سے ملاقات کی حمایت کی ہے۔
.ذریعہ: Jang News
کلیدی لفظ: اپوزیشن لیڈر بنانے اکبر ایس بابر محمود اچکزئی اچکزئی کو
پڑھیں:
پی ٹی آئی افغانستان کو برادر ملک سمجھتی ہے، تعلقات مضبوط بنانے کی خواہاں ہے، اسد قیصر
پاکستان تحریکِ انصاف کے رہنماؤں اسد قیصر، عامر ڈوگر اور شہرام تراکئی نے اسلام آباد میں مشترکہ پریس کانفرنس کی، جس میں اپوزیشن لیڈر کے عہدے، افغان تعلقات اور صوبائی حقوق سے متعلق امور پر گفتگو کی گئی۔
اسد قیصر نے کہا کہ عمر ایوب کی نااہلی کے بعد اپوزیشن لیڈر کی نشست خالی تھی اور پارٹی نے اس عہدے کے لیے محمود خان اچکزئی کا نام پیش کیا ہے۔ ان کے مطابق، محمود اچکزئی ایک سینیئر اور باوقار سیاستدان ہیں، امید ہے کہ ان کے انتخاب میں غیر جمہوری حربے استعمال نہیں کیے جائیں گے۔
یہ بھی پڑھیے: ’قائداعظم محمد علی جناح بانی پی ٹی آئی ہیں‘، سہیل آفریدی کی زبان پھسل گئی
انہوں نے مزید کہا کہ افغانستان اور پاکستان کو صبر و تحمل سے کام لینا ہوگا تاکہ باہمی تعلقات بہتر ہوں۔ اسد قیصر نے دوٹوک مؤقف اختیار کرتے ہوئے کہا کہ ہم چاہتے ہیں کہ تجارتی راستے کھولے جائیں اور تجارت کو وسطی ایشیائی ممالک تک پھیلایا جائے، تحریکِ انصاف ہمیشہ افغانستان کو برادر ملک سمجھتی ہے اور تعلقات کو مضبوط بنانے کی خواہاں ہے۔
سہیل آفریدی کے حوالے سے گفتگو کرتے ہوئے انہوں نے کہا کہ ان کا مطالبہ جائز ہے کہ انہیں عمران خان سے ملاقات کی اجازت دی جائے، کیونکہ یہ ان کا قانونی حق ہے۔ جو سہولتیں قاتلوں کو دی جاتی ہیں، وہ کم از کم ایک سابق وزیراعظم کو بھی ملنی چاہئیں۔
انہوں نے وفاقی حکومت پر تنقید کرتے ہوئے کہا کہ خیبر پختونخوا پولیس کو ناکارہ گاڑیاں دی گئیں اور این ایف سی ایوارڈ کے تحت صوبے کا حصہ تاحال ادا نہیں کیا گیا۔ سرتاج عزیز نے وعدہ کیا تھا کہ تین فیصد شیئرز دیے جائیں گے مگر ایک روپیہ بھی نہیں ملا۔
یہ بھی پڑھیے: علی امین گنڈاپور کے استعفے کے بعد اپوزیشن متحرک، کیا پختونخوا میں پی ٹی آئی نئی حکومت بنا سکے گی؟
عامر ڈوگر نے کہا کہ 74 اراکین اسمبلی کے دستخطوں کے ساتھ درخواست جمع کرائی جا چکی ہے اور محمود خان اچکزئی اپوزیشن لیڈر کے لیے نامزد ہیں۔ جمہوریت کی بقا کے لیے اچکزئی کا نام ایک مضبوط علامت ہے۔
انہوں نے مطالبہ کیا کہ اسپیکر جلد نوٹیفکیشن جاری کرے تاکہ اپوزیشن لیڈر کا عہدہ خالی نہ رہے۔
اسد قیصر نے مزید بتایا کہ جمعیت علمائے اسلام (ف) سے مشاورت جاری ہے اور پارٹی کے چیف وہپ اس سلسلے میں رابطہ کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اپوزیشن رہنما اسد قیصر افغانستان
ٹرمپ کو سنبھالنا صرف پاکستانی وزیراعظم شہباز شریف کو آتا ہے: برطانوی اخبار