امپریل کالج لندن کی پاکستان میں کیمپس کھولنے کی تردید، وزیراعلیٰ مریم نواز کو یہ غلط خبر کس نے دی؟
اشاعت کی تاریخ: 23rd, October 2025 GMT
گزشتہ دنوں مسلم لیگ ن کی جانب سے یہ دعویٰ سامنے آیا تھا کہ امپیریل کالج لندن نواز شریف آئی ٹی سٹی لاہور میں اپنا کیمپس قائم کرے گا اور اس کے ساتھ 300 بستروں پر مشتمل ہسپتال بھی تعمیر کیا جائے گا۔
اس دعوے کے بعد ن لیگ کے حامیوں نے وزیراعلیٰ پنجاب مریم نواز کی شدید تعریف کی اور وزیراعلیٰ پنجاب مریم نواز نےمسلم لیگ ن کے آفیشل ایکس ہینڈل کی جانب سے پوسٹ کی گئی اس ٹوئٹ کو ری ٹوئٹ بھی کیا تھا۔
Imperial College London to establish campus at Nawaz Sharif IT City with a 300-bed hospital.
— PMLN (@pmln_org) October 18, 2025
تاہم، امپیریل کالج لندن نے پاکستان میں اوورسیز کیمپس کھولنے کی تمام افواہوں کی سختی سے تردید کر دی ہے۔ کالج کی جانب سے جاری کردہ بیان میں واضح کیا گیا ہے کہ نواز شریف آئی ٹی سٹی لاہور میں کوئی کیمپس قائم کرنے کا کوئی منصوبہ موجود نہیں اور تمام کیمپس برطانیہ میں ہی ہیں۔
نواز شریف آئی ٹی سٹی لاہور میں کیمپس کھولنے کا کوئی ارادہ نہیں، لاہور کیمپس بنانے کی خبریں غلط ہیں۔ امپیریل کالج لندنhttps://t.co/tYoHOLFxg3 https://t.co/AFbMJPe6P2 pic.twitter.com/10GlDlI2HK
— Ahmad Warraich (@ahmadwaraichh) October 21, 2025
حبیب اکرم نے اس پر تبصرہ کرتے ہوئے کہا کہ کوئی پاکستانی یونیورسٹی ہوتی تو اس خبر کی تردید کرنے کی جرات بھی نہ کرتی۔
اٹھارہ اکتوبر کو پنجاب کی صوبائی حکومت کے سرکاری X ہینڈل سے اطلاع دی گئی کہ ایمپیریل کالج لندن نواز شریف IT سٹی میں قائم ہوگا اور اسکے ساتھ 300 بستر کا ہسپتال بھی تعمیر ہوگا۔ ایمپیریل کالج تک یہ اطلاع پہنچی تو وہ جھٹ سے تردید کرنے اۤگئے۔ کوئی پاکستانی یونیورسٹی ہوتی تو تردید کی… pic.twitter.com/W4CcHzl6Uo
— Kismat Khan (@KismatZimri) October 22, 2025
احمد گھمن نے کہا کہ قوم کو خوش فہمیوں میں رکھا جا رہا ہے یا شعوری طور پر گمراہ کیا جا رہا ہے؟ انہوں نے سوال کیا کہ جھوٹ کے سہارے حکمرانی کب تک جاری رکھی جائے گی؟
پنجاب کی وزیرِاعلیٰ کا ایک اور دعویٰ حقیقت کے سامنے پگھل گیا!
مریم نواز نے بڑے فخر سے اعلان کیا کہ امپیریل کالج لندن لاہور میں اپنا کیمپس قائم کر رہا ہے،
مگر خود امپیریل کالج نے دو ٹوک الفاظ میں تردید کر دی:
> “ہمارا کسی اوورسیز کیمپس کا کوئی منصوبہ نہیں!”
سوال یہ ہے کہ —
قوم… pic.twitter.com/r5Vx6hCy62
— Ahmad Ghuman (@ghuman_ar) October 22, 2025
عمران ریاض خان نے سوال کیا کہ مریم نواز اور پنجاب حکومت کو جھوٹ بولنے کی عادت کیوں ہے۔
ایمپیریل کالج پاکستان نہیں آ رہا انتظامیہ نے تردید کر دی ہے پتہ نہیں مریم نواز پنجاب حکومت کو جھوٹ بولنے کی عادت کیوں ہے ۔
عمران ریاض خان pic.twitter.com/6wRAncue4t
— Ahmad Hassan Bobak (@ahmad__bobak) October 22, 2025
سعید بلوچ لکھتے ہیں کہ آپ جعلی حکومت بنا کر آپ اپنےحامیوں کو تو گمراہ کر سکتے ہیں لیکن دنیا کو بے وقوف نہیں بنا سکتے۔
کروڑوں لوگوں کا حق مار کے جعلی حکومت بنا کر آپ اپنے جاہل حامیوں کو تو گمراہ کر سکتے ہیں لیکن دنیا کو بے وقوف نہیں بنا سکتے۔ امپیریل کالج نے میڈم چیف منسٹر کے دعوے کی تردید کر دی ہے۔ انٹرنیشنل بے عزتی https://t.co/0rQeNqHDjQ pic.twitter.com/9ICiUiflPp
— Saeed Baloch (@saeedimrankhan) October 21, 2025
واضح رہے کہ مریم اورنگزیب نے بھی اپنے ایکس اکاؤنٹ پر اس خبر کو شیئر کیا تھا لیکن امپیریل کالج کی تردید کے بعد انہوں نے اپنی ٹوئٹ ڈیلیٹ کر دی۔ تاہم مسلم لیگ ن کے آفیشل پیج پر یہ ٹوئٹ اب بھی موجود ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امپیریل کالج مریم نواز وزیراعلٰی پنجاب
ذریعہ
ذریعہ: WE News
کلیدی لفظ: امپیریل کالج مریم نواز امپیریل کالج لندن نواز شریف مریم نواز لاہور میں کی تردید ا فیشل
پڑھیں:
تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ
وزیر اطلاعات پنجاب عظمیٰ بخاری۔فوٹو: فائلوزیر اطلاعات پنجاب عظمیٰ بخاری کا کہنا ہے کہ تاریخ میں پہلی بار پاکستان کے دو پروجیکٹ اقوام متحدہ کی سطح پر شارٹ لسٹ ہوئے، ورلڈ سمٹ آن دی انفارمیشن سوسائٹی (ڈبلیو ایس آئی ایس) میں دو منصوبوں کی شارٹ لسٹنگ کے ساتھ دنیا کا واحد ملک بن گیا۔
عظمیٰ بخاری نے کہا کہ اقوامِ متحدہ ڈبلیو ایس آئی ایس پرائز 2026 میں پنجاب کا ورچوئل سینٹر فار چائلڈ سیفٹی میرا پیارا عالمی چیمپئن پروجیکٹ قرار پایا، ورچوئل سینٹر فار چائلڈ سیفٹی ’’میرا پیارا‘‘ پروجیکٹ دنیا کے ٹاپ فائیو میں شامل ہوگیا۔
صوبائی وزیر نے کہا کہ پنجاب حکومت کا ورچوئل ویمن پولیس اسٹیشن بھی دنیا بھر کے ٹاپ 20 پروجیکٹس میں شارٹ لسٹ ہوگیا، ورچوئل سینٹر فار چائلڈ سیفٹی کی بدولت 77 ہزار سے زائد گمشدہ بچے بازیاب، ماؤں کی گودیں ہری ہو گئیں، حکومت نے 3 ہزار اسپیشل (معذور) بچوں کو بھی تلاش کر کے خاندانوں سے ملوایا، بدسلوکی، آن لائن استحصال اور کمزور بچوں کے تحفظ کے ہزاروں کیسز حل کیے گئے۔
عظمیٰ بخاری نے کہا کہ پنجاب میں اب تک مختلف کیٹیگریز کے 1,45,772 کیسز رپورٹ، 1,36,157 کیسز کو کامیابی سے حل کیا گیا، رپورٹ ہونے والے مقدمات میں سے 26,274 ایف آئی آرز رجسٹرڈ،7,081 چالان عدالتوں میں جمع کروا دیے گئے۔
صوبائی وزیر نے مزید بتایا کہ گمشدہ اور اغوا ہونے والے 54,741 بچوں میں سے 53,811 بچوں کو کامیابی سے تلاش کر کے اہلخانہ سے ملا دیا گیا، ریسکیو ٹیموں کی کارروائی کے نتیجے میں 22,989 بچے ملے، 21,178 کو خاندانوں کے سپرد کیا گیا، اس وقت سسٹم میں 930 بچے لاپتہ اور 1,811 بچے تاحال غیر شناخت شدہ ہیں۔
وزیر اطلاعات پنجاب نے کہا کہ بچوں پر تشدد اور ابیوز کے 15,447 کیسز رپورٹ ہوئے، 5,075 ایف آئی آرز درج کی گئیں، چائلڈ ابیوز کیسز میں 3,830 ملزمان کو گرفتار کر کے 4,168 مقدمات کے چالان عدالتوں میں جمع کروائے جا چکے ہیں، بچوں کے خلاف آن لائن اور ڈیجیٹل ابیوز کے 191 کیسز سامنے آئے، 14 ایف آئی آرز درج اور 5 ملزمان کو گرفتار کیا گیا۔
عظمیٰ بخاری نے کہا کہ خصوصی افراد کے مجموعی طور پر 4,377 کیسز رپورٹ ہوئے، 2,984 افراد کو بازیاب کروا کے خاندانوں سے ملایا گیا، خصوصی افراد کے تحفظ کو یقینی بنانے کے لیے پولیس نے اب تک 646 ایف آئی آرز درج کیں، چائلڈ پروٹیکشن بیورو میں 251 اور دارالامان میں 14 متاثرہ افراد کو فوری پناہ اور حکومتی سرپرستی فراہم کی گئی۔
انہوں نے کہا کہ وزیر اعلیٰ پنجاب مریم نواز نے میرا پیارا یو این گلوبل چیمپئن قرار دیے جانے پر اظہار تشکر کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ