ستارۂ جراّت اور نشان حیدر رکھنے والے میجر شبیر شریف شہید کا یوم شہادت
اشاعت کی تاریخ: 6th, December 2025 GMT
---فائل فوٹو
1971 کی جنگ کے ہیرو میجر شبیر شریف شہید (نشانِ حیدر) کا آج 54واں یومِ شہادت پوری عقیدت اور احترام سے منایا جا رہا ہے۔
ملک بھر کی مساجد میں آج دن کا آغاز قرآن خوانی اور دعاؤں کے ساتھ ہوا۔ علمائے کرام کی جانب سے شہید کے درجات کی سربلندی کے لیے خصوصی دعاؤں کا اہتمام کیا گیا۔
میانی صاحب قبرستان میں میجر شبیر شریف شہید کو خراجِ عقیدت پیش کرنے کی تقریب منعقد کی گئی۔
پاک فوج کے دستے نے میجر شبیر شریف شہید کی قبر پر سلامی دی۔
جی سی او لاہور میجر جنرل فیصل غفار رانا نے شہید کے مزار پر حاضری دی، قبر پر پھول رکھے اور فاتحہ پڑھی۔
میجر شبیر شریف شہید کی ہمشیرہ نے بھی قبر پر پھول رکھے اور فاتحہ پڑھی۔
’میجر شبیر شریف شہید ہمیشہ کےلیے امر ہوگئے‘
میجر محمد اکرم شہید نشانِ حیدر کی 54ویں برسی کے موقع پر مسلح افواج اور آرمی چیف فیلڈ مارشل سید عاصم منیر کی جانب سے خراجِ عقیدت پیش کیا گیا ہے۔
وفاقی وزیرِ داخلہ محسن نقوی نے میجر شبیر شریف شہید کو بےمثال جراّت پر خراجِ عقیدت پیش کرتے ہوئے کہا کہ میجر شبیر شریف شہید نشانِ حیدر دفاع وطن کی روشن علامت ہیں، اس مردِ آہن نے جذبۂ ایمانی اور شجاعت کی نئی تاریخ رقم کی، میجر شبیر شریف شہید جراّت اور شجاعت کا ناقابلِ فراموش مظاہرہ کر کے ہمیشہ کے لیے امر ہو گئے۔
محسن نقوی نے کہا کہ میجر شبیر شریف نے قیادت، حکمت عملی اور غیر معمولی دلیری سے دشمن کے مضبوط قلعے لرزا دیے، میجر شبیر شریف وہ منفرد سپاہی ہیں جن کے پاس ستارۂ جراّت بھی ہے اور نشان حیدر بھی، پاک وطن کا ہر سپاہی جذبے میں ہمت میں اور وفا میں میجر شبیر شریف کا وارث ہے۔
.ذریعہ: Jang News
پڑھیں:
وزیر داخلہ کا ہِلّی کے محاذ پر بہادری کی مثال قائم کرنیوالے میجر محمد اکرم شہید کو خراج عقیدت
وفاقی وزیر داخلہ محسن نقوی نے ہِلّی کے محاذ پر بہادری کی عظیم داستان رقم کرنیوالے میجر محمد اکرم شہید کو خراج عقیدت پیش کیا ہے۔
تفصیلات کے مطابق محسن نقوی کا کہنا تھا کہ ہِلّی کی سرزمین آج بھی شہید میجر محمد اکرم کی شجاعت اور بہادری کی گواہ ہے۔ میجر مجمد اکرم دشمن کی یلغار کے سامنے دیوار بن کر کھڑے رہے اور دشمن کے عزائم چکناچور کئے۔
انہوں نے کہا کہ گولہ باری اور دشمن کی پیش قدمی کے باوجود میجر محمد اکرم ثابت قدم رہے اور بے مثال جرات کا مظاہرہ کیا۔ ہر مورچے پر پہنچ کر جوانوں کے حوصلے کو بلند کرنا میجر محمد اکرم کا وہ کارنامہ تھا جس نے ہِلّی کے دفاع کو ٹوٹنے نہیں دیا ۔
وزیر داخلہ نے مزید کہا کہ ہِلّی کا معرکہ ثابت کرتا ہے کہ کم وسائل کے ساتھ بھی مضبوط ارادے۔ جذبہ ایمانی اور بلند عزم دشمن کو روک سکتے ہیں۔ شہادت کا عظیم جذبہ یہ پیغام دیتا ہے کہ مشکل میں ڈٹ جانا ہی اصل قوت ہے۔
محسن نقوی نے کہا کہ میجر محمد اکرم کی جدوجہد یاد دلاتی ہے کہ ایمان، فرض شناسی اور عزم کی طاقت کسی بھی معرکے کا فیصلہ بدل سکتی ہے۔ میجر محمد اکرم شہید جیسے بہادر سپوت پاک وطن کا سرمایہ افتخار ہیں۔ پاک سرزمین کی حفاظت ہمارے عظیم شہداء نےاسلام ممکن بنائی ہے اور شہداء کی قربانیاں وجرات قوم کی سب سے بڑی طاقت ہے۔
کسی دبائویاخوف سے پیچھے ہٹنے والےنہیں،سہیل آفریدی