معدنیات کے تاجروں کیخلاف غیر قانونی کارروائیاں ناقابل برداشت ہیں، سید علی رضوی
اشاعت کی تاریخ: 23rd, October 2025 GMT
ایم ڈبلیو ایم گلگت بلتستان کے صدر نے ایک بیان میں کہا کہ وفاقی ادارے اور حکومت گلگت بلتستان میں بھی بلوچستان جیسی صورتحال پیدا کرنے کی کوشش نہ کریں۔ اسلام ٹائمز۔ مجلس وحدت مسلمین گلگت بلتستان کے صدر سید علی رضوی نے کہا ہے کہ گلگت بلتستان کے معدنیات اور زمینی وسائل پر مقامی عوام کا مکمل حق ہے اور کوئی ادارہ یا فرد ان حقوق پر تسلط نہیں جما سکتا۔ جو بھی ادارہ یا افراد مقامی زمینوں اور معدنیات پر غیر قانونی یا ظالمانہ قبضہ کرنے کی کوشش کرینگے تو مقامی لوگ ان کیخلاف سخت ردعمل دینگے۔ ان کا کہنا تھا کہ راتوں رات معدنیات سے وابستہ افراد کیخلاف غیر قانونی کارروائیاں ناقابل برداشت ہیں، حکومت اور متعلقہ ادارے مقامی تاجروں اور کارکنان کو تنگ کرنے کا سلسلہ بند کریں۔ انہوں ںے اس عمل کو علاقے کے امن و استحکام کیخلاف سازش قرار دیا اور کہا کہ وفاقی ادارے اور حکومت گلگت بلتستان میں بھی بلوچستان جیسی صورتحال پیدا کرنے کی کوشش نہ کریں۔ بلوچستان میں معدنیات اور قدرتی وسائل کے حوالے سے مقامی لوگوں کو حقوق سے محروم رکھنے سے مسائل پیدا ہوئے اور اس قسم کی صورتحال یہاں برداشت نہیں کی جائے گی۔ انہوں نے کہا کہ بلوچستان میں موجود وسائل کی تقسیم اور مقامی آبادی کے ساتھ سلوک سے سبق لیا جانا چاہیے تاکہ گلگت بلتستان میں کشیدگی پیدا نہ ہو۔ سید علی رضوی نے وزیر اعظم اور وفاقی حکومت پر سخت تنقید کرتے ہوئے کہا کہ امریکہ کے صدر کو امن ایوارڈ دینے کی سفارش غلامی کی بدترین مثال ہے۔
.ذریعہ: Islam Times
کلیدی لفظ: گلگت بلتستان کہا کہ
پڑھیں:
پنجاب میں ڈالا کلچر اور بدمعاشی کو برداشت نہیں کیا جائےگا: مریم نواز کی زیرصدارت اجلاس میں اہم فیصلے
وزیراعلیٰ پنجاب مریم نواز کی زیر صدارت امن و امان سے متعلق اعلیٰ سطح کے اجلاس میں صوبے میں لاؤڈ اسپیکر ایکٹ پر سختی سے عملدرآمد اور اس کے نفاذ کو مزید مؤثر بنانے کا فیصلہ کرلیا گیا۔
اجلاس میں یہ طے پایا کہ پنجاب کے تمام اضلاع میں ’وِسل بلور سیل‘ قائم کیے جائیں گے، جبکہ انتہا پسند جماعتوں اور غیر قانونی طور پر مقیم غیر ملکیوں کے خلاف فوری کارروائی کے لیے پولیس ہیلپ لائن 15 پر خصوصی سیل فعال کر دیا گیا ہے۔
یہ بھی پڑھیں: حکومت پنجاب کا دھواں چھوڑنے والی چھوٹی اور بڑی گاڑیوں کیخلاف سخت کارروائی کا فیصلہ
وزیراعلیٰ کی زیر صدارت اجلاس میں ہدایت کی گئی کہ عوام کسی بھی انتہا پسند تنظیم یا غیر قانونی تارک وطن کے بارے میں اطلاع دینے کے لیے ہیلپ لائن 15 سے فوری رابطہ کریں۔ صوبے کو غیر قانونی اسلحے سے پاک کرنے کے لیے جاری مہم کو مزید تیز اور سخت بنانے کا بھی فیصلہ کیا گیا۔
اجلاس میں واضح کیا گیا کہ پنجاب میں ڈالا کلچر، بدمعاشی اور مافیا عناصر کو کسی صورت برداشت نہیں کیا جائے گا۔ امن کمیٹیوں کو مؤثر بنانے اور ان کی فوری ازسرِنو تنظیم نو کے احکامات جاری کیے گئے۔
مزید یہ طے پایا کہ پنجاب امن کمیٹیوں کو تمام جاری آپریشنز سے آگاہ رکھا جائے گا، جبکہ شہریوں کی سہولت کے لیے موبائل پولیس اسٹیشنز کی خدمات ہر گھر کی دہلیز تک پہنچانے کا بھی فیصلہ کیا گیا۔
اجلاس میں زور دیا گیا کہ کومبنگ آپریشنز کا ہدف مخصوص انتہا پسند سوچ رکھنے والے گروہ ہیں، کسی مسلک یا عقیدے کو نشانہ نہیں بنایا جا رہا۔ انتہا پسند جتھوں کے اشتہارات، بینرز اور پلے کارڈز پر مکمل پابندی عائد کر دی گئی اور خلاف ورزی کرنے والوں کے خلاف کارروائی کا حکم دیا گیا۔
ضلعی انتظامیہ کو ہدایت کی گئی کہ غیر قانونی طور پر مقیم غیر ملکیوں کے خلاف روزانہ کی بنیاد پر کومبنگ آپریشنز کی رپورٹس اپ ڈیٹ کی جائیں۔ یہ بھی طے کیا گیا کہ ضلعی رپورٹس میں واضح ہو کہ کتنے غیر قانونی باشندے مختلف کاروبار سے منسلک ہیں اور کتنے کو ڈی پورٹیشن مراکز منتقل کیا گیا ہے۔
مزید یہ فیصلہ کیا گیا کہ عوام کسی غیر قانونی رہائشی کو مکان یا دکان کرائے پر نہ دیں، بصورت دیگر کرایہ داری یا پاسپورٹ ایکٹ کے تحت کارروائی عمل میں لائی جائے گی۔ سوشل میڈیا پر نفرت انگیز یا شرانگیز مواد پھیلانے والوں کے خلاف پیکا ایکٹ کے تحت مقدمات درج کیے جائیں گے۔
یہ بھی پڑھیں: ایپکس کمیٹی پنجاب کا اجلاس: دہشتگردی سے نمٹنے کے لیے سیکیورٹی اقدامات سخت کرنے کا فیصلہ
اجلاس میں پنجاب بھر میں سوشل میڈیا پر نفرت انگیزی کے خلاف زیرو ٹالرنس پالیسی نافذ کرنے کا فیصلہ بھی کیا گیا، جبکہ غیر قانونی اجتماعات یا کاروباری مراکز بند کرانے والوں پر دہشتگردی قوانین کے تحت کارروائی عمل میں لانے کی ہدایت دی گئی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ڈالا کلچر لاؤڈ اسپیکر ایکٹ مریم نواز وزیراعلٰی پنجاب وی نیوز
خیبر پختونخوا، اسلام آباد میں زلزلے کے جھٹکے