پاکستان کیخلاف وائٹ بال سیریز سے قبل جنوبی افریقی ٹیم کو بڑا دھچکا
اشاعت کی تاریخ: 24th, October 2025 GMT
جنوبی افریقی ٹیم کے کپتان سمیت دو اہم کھلاڑی پاکستان کیخلاف ٹی ٹوئنٹی سیریز سے باہر ہوگئے۔
کرکٹ جنوبی افریقا کی جانب سے جاری کردہ پیغام میں کہا گیا ہے کہ کپتان ڈیوڈ ملر اور فاسٹ بولر جیرالڈ کوئٹزے پاکستان کے خلاف ٹی ٹوئنٹی سیریز سے باہر ہوگئے ہیں۔
ڈیوڈ ملر پاکستان کے دورے کے لیے ٹریننگ کے دوران انجری کا شکار ہوئے تھے جو ابھی ری ہیب کے عمل سے گزریں گے۔
دوسری جانب فاسٹ بولر جیرالڈ کوئٹزے نہ صرف ٹی ٹوئنٹی بلکہ ون ڈے سیریز میں بھی حصہ نہیں لے سکیں گے۔
کوئٹزے رواں ماہ کے آغاز میں نمیبیا کے خلاف میچ کے دوران انجری کا شکار ہوئے تھے۔
ڈیوڈ ملر کی غیر موجودگی میں ڈونوان فریرا ٹی ٹوئنٹی ٹیم کی قیادت کریں گے جبکہ میتھیو بریٹزکے اور ٹونی ڈی زورزی کو ٹیم میں متبادل کے طور پر شامل کرلیا گیا ہے۔
ون ڈے سیریز میں جیرالڈ کوئٹزے کی جگہ اوٹنیل بارٹمین کو شامل کیا گیا ہے۔
SQUAD UPDATE ????
The South African Men’s selection panel today confirmed that Proteas Men’s stand-in T20 International (T20I) captain David Miller and fast bowler Gerald Coetzee have been ruled out of the upcoming white-ball tour of Pakistan.
Miller, who was set to lead the T20I… pic.twitter.com/AVvb0ATfQI — Proteas Men (@ProteasMenCSA) October 23, 2025
ذریعہ: Express News
کلیدی لفظ: ٹی ٹوئنٹی
پڑھیں:
قومی ٹیم جنوبی افریقا سے پہلا ٹی ٹوئنٹی گلابی تھیم والی خصوصی کٹ پہن کر کھیلےگی
data-id="863a0a8" data-element_type="widget" data-widget_type="theme-post-content.default">
لاہور: قومی کرکٹ ٹیم جنوبی افریقہ کے خلاف اپنے پہلے ٹی ٹوئنٹی میچ میں گلابی تھیم پر مبنی خصوصی کٹ پہن کر میدان میں اترے گی۔ یہ اقدام پاکستان کرکٹ بورڈ (پی سی بی) کی جانب سے پنک ربن پاکستان کے ساتھ چھاتی کے سرطان سے آگاہی مہم کے حصے کے طور پر اٹھایا گیا ہے۔
پی سی بی کے چیف آپریٹنگ آفیسر سمیر احمد سید کے مطابق، راولپنڈی میں 28 اکتوبر کو کھیلے جانے والے پہلے ٹی ٹوئنٹی میچ کے دوران نہ صرف پاکستان ٹیم بلکہ جنوبی افریقی ٹیم کے کھلاڑی اور میچ آفیشلز بھی گلابی ربن پہنیں گے، تاکہ چھاتی کے سرطان سے متعلق شعور اجاگر کیا جا سکے۔
انہوں نے مزید بتایا کہ قومی ٹیم اس روز خصوصی گلابی رنگ کی کٹ میں نظر آئے گی، جبکہ میدان میں نصب اسٹمپس بھی اسی تھیم کے مطابق گلابی رنگ کی ہوں گی۔ سمیر احمد سید کا کہنا تھا کہ کرکٹ کے ذریعے صحت عامہ سے متعلق پیغامات پہنچانا پی سی بی کی ترجیحات میں شامل ہے، اسی لیے میچ کے دوران کمنٹیٹرز براہِ راست نشریات میں آگاہی پیغامات بھی دیں گے۔
پی سی بی کے مطابق، اس مہم کے تحت پنک ربن اسپتال لاہور میں 28 اکتوبر کو مفت اسکریننگ اور چیک اپ کی سہولت فراہم کی جائے گی۔ واضح رہے کہ پاکستان اور جنوبی افریقہ کے درمیان تین میچوں پر مشتمل ٹی ٹوئنٹی سیریز 28 اکتوبر سے یکم نومبر تک راولپنڈی میں کھیلی جائے گی۔
پیپلز پارٹی کی سینٹرل ایگزیکٹو کمیٹی کا پنجاب حکومت کے رویئے پر تحفظات کا اظہار