کراچی: ایس آئی یو پولیس حراست میں نوجوان کی ہلاکت، جسم، چہرے، کمر پر تشدد کے 7 نشانات
اشاعت کی تاریخ: 24th, October 2025 GMT
کراچی میں ایس آئی یو پولیس کی حراست میں 14 سالہ نوجوان کی ہلاکت کے معاملے کے حوالے سے مزید انکشافات سامنے آئے ہیں۔
پولیس ذرائع کا کہنا ہے کہ نوجوان عرفان بدھ 22 اکتوبر کو ہی پولیس حراست میں جاں بحق ہو گیا تھا، پوسٹ مارٹم کے وقت عرفان کی لاش 36 گھنٹے سے زائد پرانی تھی۔
پولیس ذرائع کے مطابق عرفان کو بدھ کی صبح حراست میں لیا گیا تھا، اس کی لاش بدھ کی شام 7 بجے جناح اسپتال پہنچائی گئی، ایم ایل او کی جانب سے پوسٹ مارٹم سے انکار کے بعد اہلکار لاش واپس لے گئے۔
پولیس ذرائع کا کہنا ہے کہ جمعرات 23 اکتوبر کو پولیس اہلکاروں نے عرفان کا دوبارہ پوسٹ مارٹم کرانے کی کوشش کی تھی، تاہم اس کا پوسٹ مارٹم آج مجسٹریٹ کی نگرانی میں کیا گیا۔
پولیس ذرائع نے بتایا ہے کہ عرفان کے جسم پر تشدد کے 7 بڑے نشانات پائے گئے، سر پر چوٹ کے نشان تھے، چہرے اور کمر پر بھی تشدد کیا گیا، تاہم اس کی موت کا تعین کیمیکل ایگزامن رپورٹ کے بعد ہو سکے گا۔
واضح رہے کہ اسپیشل انویسٹی گیشن یونٹ (ایس آئی یو) کی حراست میں مبینہ تشدد سے 14 سالہ عرفان نامی نوجوان دم توڑ گیا تھا۔
عرفان کے رشتے دار اظہر ضیاء کے مطابق عرفان کو اس کے دیگر 3 رشتے داروں کے ہمراہ بدھ کی صبح عائشہ منزل سے حراست میں لیا گیا تھا، عرفان احمد پور شرقیہ کا رہائشی تھا اور وہاں پر آنے والے سیلاب کے باعث وہ کراچی میں محنت مزدوری کرنے آیا تھا۔
انہوں نے بتایا کہ حراست میں لیے جانے کے بعد چاروں لڑکوں کے موبائل فون بند کر دیے گئے، اہلِ خانہ مختلف مقامات پر انہیں ڈھونڈتے رہے، جمعرات کی شام کو عرفان کے چچا کو فون کر کے ایس آئی یو کے دفتر بلا کر عرفان کی موت کے بارے میں بتایا گیا۔
اظہر ضیاء کے مطابق بدھ کو ناشتہ کرنے کے بعد عرفان دوستوں کے ساتھ ٹک ٹاک ویڈیو بنا رہا تھا کہ ایس آئی یو اہلکاروں نے مشکوک سمجھ کر انہیں حراست میں لیا، انہیں موبائل میں بٹھا کر گھماتے رہے اور ان پر بیہیمانہ تشدد کیا گیا۔
عرفان کی موت کے بعد پولیس اہلکار اس کی لاش جناح اسپتال لائے اور بتایا کہ اس کی موت دل کے دورے کے باعث واقع ہوئی ہے، باقی 3 لڑکوں کو بھی تشدد کا نشانہ بنایا گیا ہے اور واقعے کے بعد جب انہیں چھوڑا گیا تو ان کی آنکھوں سے پٹی ہٹائی گئی۔
انہوں نے بتایا کہ عرفان کے والدین بہاولپور میں ہیں، اس کی ہلاکت کی اطلاع ملتے ہی اس کی والدہ کی طبیعت خراب ہو گئی تھی۔
ورثاء نے الزام عائد کیا ہے کہ عرفان ایس آئی یو پولیس کے تشدد سے ہلاک ہوا ہے اور ملوث اہلکاروں کے خلاف قتل کی دفعہ کے تحت مقدمہ درج کیا جائے۔
ورثاء نے سی آئی اے سینٹر کے باہر احتجاج بھی کیا اور وزیرِ اعلیٰ سندھ اور آئی جی سے اپیل کی کہ انہیں انصاف فراہم کیا جائے۔
دوسری جانب واقعے میں ملوث 7 پولیس اہلکاروں کو معطل کیے جانے کی اطلاع ہے۔
.ذریعہ: Jang News
کلیدی لفظ: پولیس ذرائع ایس ا ئی یو پوسٹ مارٹم عرفان کے گیا تھا کے بعد کی موت
پڑھیں:
مٹیاری وگردنواح میں منشیات کا استعمال بڑھ گیا، پولیس خاموش
data-id="863a0a8" data-element_type="widget" data-widget_type="theme-post-content.default">
251208-11-16
مٹیاری(نمائندہ جسارت) مٹیاری اور گردونواح میں منشیات اور مین پوری کا کاروبار رک نہ سکا۔ نوجوان نسل نشے کی عادی بن گئی۔ سول سوسائٹی کا چیف سیکریٹری اور آئی۔جی سندھ سے نوٹس لینے کا مطالبہ۔مٹیاری ضلع کے ہیڈکواٹر شہر مٹیاری اور گردو نواح کے شہروں الہ ڈینو ساند۔ شاہپور۔ پلیجانی۔ اڈیرولعل۔ کھیبر اور کھنڈو سمیت چھوٹے بڑے گاؤں میں منشیات کا کاروبار کھلے عام جاری ہے۔ مٹیاری شہر کے پیرزادہ علاقے میں ہیروئن کا کاروبار کئی سال سے جاری ہے۔ ہیروئن کا نشہ کرنے کے باعث کئی نوجوان موت کا شکار بن گئے جبکہ کئی لوگوں کی زندگیاں داؤ پر لگی ہوئی ہیں۔ مٹیاری شہر کے باقیل پوتہ محلے میں شراب اور مین پوری کا کاروبار بھی جاری ہے جس کے باعث نوجوان نسل تیزی سے نشے کی عادی ہو رہی ہے۔
متنازع ٹویٹس کیس میں نیا موڑ، اہم شخصیت کا ایمان اور ہادی کی وکالت کرنے کا فیصلہ