سندھی کلچر ڈے منایا گیا، ریلیاں، تقریبات، کراچی، ریلی کے شرکاء کا پولیس سے تصادم، متعدد زیر حراست
اشاعت کی تاریخ: 8th, December 2025 GMT
کراچی +اسلام آباد(این این آئی+خبر نگار خصوصی) سندھ کی ثقافت کو اجاگر کرنے کا دن اتوار کو جوش و خروش سے منایا گیا۔ مختلف شہروں میں ریلیاں نکالی گئیں۔ چھوٹے بڑے شہروں اور دیہات میں تقاریب کا انعقاد کیا گیا۔ کراچی سمیت سندھ کے مختلف شہروں میں کہیں ٹیبلوز تو کہیں نمائش سے سندھ کی ثقافت کے رنگ پیش کیے گئے۔ کلچر ڈے پر سندھی ٹوپی، اجرک اور ثقافتی لباس کی خریداری کا سلسلہ دن بھر جاری رہا۔ دریں اثناء وزیراعلیٰ سندھ سید مراد علی شاہ نے یومِ ثقافت سندھ پر خصوصی پیغام میں کہا ہے کہ سندھ کا آج صرف ثقافت کا دن نہیں بلکہ اپنی پہچان پر فخر کی تجدید ہے۔ وزیراعلیٰ سندھ نے کہا ہماری سرزمین نے دنیا کو امن اور محبت کا علم دیا۔ وزیراعلیٰ نے کہا کہ سندھی کلچر ڈے ہمیں یاد دلاتا ہے کہ اتحاد ہماری اصل طاقت ہے، سندھ کی موسیقی، زبان اور روایتیں مستقبل کی سمت متعین کرتی ہیں۔ ہم نے ماضی کو زندہ رکھا ہے یہی سندھ کی شان ہے۔ مراد علی شاہ نے کہا کہ سندھ کی ثقافت پوری دنیا میں بسنے والے امن چاہنے والوں کی آواز ہے۔اسلام آباد سے خبرنگار خصوصی کے مطابق صدر مملکت آصف علی زرداری نے کہا ہے کہ سندھ کی ثقافت برداشت، امن اور قومی یکجہتی کی علامت ہے جسے نئی نسل تک منتقل کرنا ہم سب کی مشترکہ ذمہ داری ہے۔ ایوان صدر سے جاری بیان میں صدر آصف علی زرداری نے سندھی ثقافت کے دن پر اپنے پیغام میں کہا سندھ وہ پہلا صوبہ تھا جس کی اسمبلی نے قیامِ پاکستان کی قرارداد منظور کر کے تاریخ میں فیصلہ کن کردار ادا کیا۔ سندھ میں اردو بولنے والوں کی بڑی تعداد آباد ہے جو اسے باہمی ہم آہنگی اور وسعتِ نظر کی روشن مثال بناتی ہے۔ سندھ کی ثقافت برداشت، امن اور قومی یکجہتی کی علامت ہے جسے نئی نسل تک منتقل کرنا ہم سب کی مشترکہ ذمہ داری ہے۔ دریں اثناء شہر قائد میں شارع فیصل ایف ٹی سی پر پولیس اور قوم پرست تنظیم کی ریلی کے شرکاء کے درمیان تصادم ہوا، مظاہرین نے پولیس موبائل اور مسافر گاڑیوں کے شیشے توڑ دئیے۔ پولیس نے متعدد مظاہرین کو حراست میں لے لیا، ہوائی فائرنگ اور شیلنگ کے سبب ٹریفک کی روانی بری طرح متاثر ہو گئی۔ مظاہرین نے شارع فیصل پر ہنگامہ کرتے ہوئے گزرنے والی گاڑیوں اور بسوں پر پتھراؤ کیا۔ شرپسند عناصر نے خواتین کو بھی ہراساں کیا۔
.ذریعہ: Nawaiwaqt
کلیدی لفظ: سندھ کی ثقافت کہ سندھ نے کہا
پڑھیں:
سندھ ثقافت ڈے جوش وخروش سے منایا جا رہا ہے
کراچی : شہر قائد سمیت صوبے بھر میں سندھ ثقافت ڈے منایا جا رہا ہے سندھی ٹوپی اور اجرک پہنے لوگ ریلیوں میں شریک ہیں۔ کراچی سمیت صوبے بھر میں سندھی ثقافت کا دن بھرپور جوش وجذبے کے ساتھ منایا جا رہا ہے۔ رنگ ونسل، زبان ومذہب سے بالاتر عوام سندھی ٹوپی اور اجرک پہن کر ریلیوں اور تقریبات میں شریک ہیں۔کراچی میں شہر بھر سے ریلیا نکالی جا رہی ہیں جن کی منزل پریس کلب ہے۔ اس کے علاوہ حیدرآباد، میرپورخاص، سکھر، لاڑکانہ، بدین، کندھکوٹ، شکارپور، خیرپور، بدین، ٹھٹہ سمیت ہر شہر اور قصبے میں بھی ریلیاں اور تقریبات منعقد کی جا رہی ہیں۔ریلیوں کے شرکا بالخصوص نوجوانوں کا جوش وخروش دیدنی ہے۔ لوگ سندھی لوک گیتوں پر رقصاں ہیں اور مقررین اپنی تقاریر میں سندھ کی ثقافت کو اجاگر کر رہے ہیں۔یوم سندھی ثقافت پر وزیر اعلیٰ اور گورنر نے پیغامات جاری کیے ہیں۔وزیراعلیٰ سندھ مراد علی شاہ کا کہنا ہے کہ ہم نے ماضی کو زندہ رکھا، یہی سندھ کی شان ہے۔ آج کا دن یاد دلاتا ہے کہ اتحاد ہماری اصل طاقت ہے۔گورنر کامران ٹیسوری نے کہا کہ آج امن، یکجہتی اور محبت کی تجدید کا دن ہے۔ میئر کراچی مرتضیٰ وہاب نے کہا کہ آج زبان اور دھرتی سے محبت کرنے والوں کیلیے حقیقی خوشی اور جشن کا دن ہے۔
ہمت ہے تو گورنر راج لگا کر دکھائیں‘ وزیراعلیٰ خیبر پختونخوا کا چیلنج