بدین: کار حادثے میں صوبائی وزیر کی ہمشیرہ سمیت 2افراد جاںبحق
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
251025-08-9
بدین (نمائندہ جسارت )سندھ کے معروف ہاری رہنما محمد فاضل راہو کی صاحبزادی،صوبائی وزیر محمد اسماعیل راہو اور سابق تعلقہ ناظم محمد اسلم راہو کی ہمشیرہ حسنہ راہو سمیت دو افراد ٹریفک حادثے کے نتیجے میں جاں بحق ہوگئے۔تفصیلات کے مطابق حادثہ اس وقت پیش آیا جب حسنہ راہو اپنے آبائی گاؤں راہوکی سے کراچی جارہی تھیں کہ تعلقہ گولارچی کے علاقے کھورواہ چوک کے قریب قومی شاہراہ پر ان کی گاڑی سے مخالف سمت سے آنے والی گاڑی ٹکرا گئی جس کے نتیجے میں حسنہ راہو سمیت دونوں گاڑیوں میں سوار 6 افراد ستار چانڈیو ،علی رضا چانڈیو ،ولی محمد درس اور سہیل زخمی ہوگئے۔ زخمیوں کو فوری طور پر تعلقہ اسپتال گولارچی لایا گیا جہاں سے ابتدائی طبی امداد کے بعد حسنہ راہو کو فوری طور پر کراچی جبکہ دو زخمیوں کو حیدرآباد منتقل کر دیا گیا۔حسنہ راہو زخموں کی تاب نہ لاتے ہوئے چل بسی جبکہ حیدرآباد پہنچنے سے قبل ہی ایک اور شدید زخمی زخموں کی تاب نہ لاتے ہوئے دم توڑ گیا۔ حسنہ راہو کی تدفین انکے آبائی گاؤں راہوکی میں کی گئی مرحومہ کے نمازجنازہ میں صوبائی وزیر ریاض شاہ شیرازی،رکن قومی اسمبلی رسول بخش چانڈیو ، رکن صوبائی اسمبلی تاج محمد ملاح ، سابق آئی جی سندھ اے ڈی خواجہ ، ویرجی کولہی ، سیٹھ محمد قاسم میمن ، حاجی سلیم میمن ، عزیز بھٹی ، سمیت سینکڑوں افراد نے شرکت کی۔
ذریعہ: Jasarat News
کلیدی لفظ: حسنہ راہو
پڑھیں:
مکران کوسٹل ہائی وے پر خوفناک حادثہ، 3 افراد جاں بحق، ایک زخمی
کوئٹہ:مکران کوسٹل ہائی وے کے علاقے دلتوس کے قریب افسوسناک ٹریفک حادثے میں تین افراد جاں بحق جبکہ ایک شخص شدید زخمی ہوگیا۔
ریسکیو حکام نے ایکسپریس نیوز کو بتایا کہ اورماڑہ سے کراچی جانے والا ٹریلر بریک فیل ہونے اور تیز رفتاری کے باعث بے قابو ہوکر الٹ گیا۔ حادثے کے نتیجے میں تین افراد موقع پر جاں بحق ہوگئے جبکہ ایک شخص شدید زخمی ہوا۔
حادثے کی اطلاع ملتے ہی ریسکیو 1122 کی ٹیمیں جائے وقوعہ پر پہنچ گئیں اور امدادی کارروائیاں شروع کر دیں، زخمی شخص کو موقع پر ابتدائی طبی امداد فراہم کرنے کے بعد ڈسٹرکٹ ہیڈکوارٹر اسپتال اوتھل منتقل کیا گیا۔
جاں بحق افراد کی شناخت مدثر ولد خان بہادر، محمد یوسف ولد بادشاہواز کے ناموں سے ہوگئی ہے، جبکہ ایک جاں بحق شخص کی شناخت تاحال نہیں ہو سکی۔ زخمی شخص کی شناخت سید ملک کے نام سے ہوئی ہے۔
تمام افراد کا تعلق کراچی سے بتایا جا رہا ہے، جاں بحق افراد کی لاشوں کو ضابطے کی کارروائی کے بعد مقامی انتظامیہ کے حوالے کر دیا گیا۔
بہاؤالدین زکریا یونیورسٹی اور نصف صدی کا قصہ