سیالکوٹ ایئرپورٹ پر ایف آئی اے کی کارروائی، 6 مسافر گرفتار
اشاعت کی تاریخ: 25th, October 2025 GMT
---فائل فوٹو
وفاقی تحقیقاتی ایجنسی (ایف آئی اے) نے سیالکوٹ ایئرپورٹ پر کارروائی کے دوران قطر جانے والے 6 مسافروں گرفتار کرلیا۔
ایف آئی اے کے ترجمان کے مطابق گرفتار افراد کا تعلق گوجرانوالہ اور سیالکوٹ سے ہے، گرفتار افراد کے پاسپورٹ پر قطر کے ورک پرمٹ ویزے تھے۔
ایف آئی اے کے مطابق قطر کے ذریعے یورپ جانے کا ایک نیا روٹ سامنے آیا ہے۔
ایف آئی اے کے ترجمان کا بتانا ہے کہ گرفتار افراد قطر سے لیبیا اور پھر سمندری راستے سے اٹلی جانا چاہتے تھے۔
ایف آئی اے کے ترجمان کے مطابق گرفتار افراد نے ایجنٹ کو 32 لاکھ روپے فی کس ادا کیے تھے۔
.ذریعہ: Jang News
کلیدی لفظ: گرفتار افراد ایف آئی اے
پڑھیں:
بھارت: آندھرا پردیش میں بس حادثہ، 20 مسافر ہلاک،متعدد شدیدزخمی
نئی دلی(ویب ڈیسک)بھارتی ریاست آندھرا پردیش میں مسافر بس موٹرسائیکل سے ٹکرانے کے بعد آگ کی لپیٹ میں آگئی، حادثے میں 20 افراد ہلاک ہوگئے۔غیرملکی میڈیا کے مطابق بھارت کی جنوبی ریاست آندھرا پردیش کے قصبے کرنول میں ایک مسافر بس موٹرسائیکل سے ٹکرانے کے بعد آگ کی لپیٹ میں آگئی، بس حیدر آباد سے بینگلورو جارہی تھی۔بھارتی حکام نے بتایا کہ آگ لگنے سے بس میں سوار 20 مسافر اور بائیک رائیڈر ہلاک ہوگئے۔
مقامی حکام کے مطابق موٹر سائیکل سے ٹکرانے کے بعد بس کچھ دور تک موٹرسائیکل کو گھسیٹے ہوئے لے گئی اور اس دوران پیٹرول لیک ہونے اور چنگاریوں کی وجہ سے آگ بھڑک اٹھی جو بس کے فیول ٹینک تک جاپہنچی اور پوری بس شعلوں کی لپیٹ آگئی جس کے باعث بڑے پیمانے پر جانی نقصان ہوا۔ایک عینی شاہد نے بتایا کہ بس ڈرائیور نے بس میں موجود فائر ایکسٹنگشر سے آگ پر قابو پانے کی کوشش بھی کی تھی، تاہم وہ آگ پر فوری طور پر قابو نہ پاسکا۔حکام کے مطابق بس میں سوار 41 مسافروں میں سے 21 کو بچا لیا گیا جن میں سے کچھ زخمیوں کی حالت تشویشناک ہے۔
پشاور ہائیکورٹ نے بونیر کے 28 سرکاری پرائمری اسکولوں کی نجکاری سے روک دیا