سی ٹی ڈی پنجاب کی بڑی کارروائی، لاہور، فیصل آباد اور بہاولپور سے را سے منسلک 12 دہشتگرد گرفتار
اشاعت کی تاریخ: 8th, December 2025 GMT
data-id="863a0a8" data-element_type="widget" data-widget_type="theme-post-content.default">
کاؤنٹر ٹیرر ازم ڈپارٹمنٹ پنجاب نے بڑی کارروائیاں کرتے ہوئے لاہور، فیصل آباد اور بہاولپور سے بھارت کی خفیہ ایجنسی را سے تعلق کے الزام میں 12 دہشتگردوں کو گرفتار کرلیا۔ گرفتار ملزمان سے بھاری مقدار میں اسلحہ، بارودی مواد اور ڈیٹونیٹرز برآمد کیے گئے ہیں۔
سی ٹی ڈی پنجاب کے مطابق گرفتار دہشتگرد حساس مقامات اور اداروں کی ویڈیوز اور تصاویر بنانے میں ملوث تھے۔ ملزمان کے قبضے سے ایک مدرسے اور ایک میلے کی تصاویر، ویڈیو فوٹیج اور مکمل لوکیشن بھی برآمد ہوئی ہے جو ممکنہ دہشتگردی کی منصوبہ بندی کا ثبوت ہے۔
ترجمان سی ٹی ڈی کا کہنا ہے کہ لاہور سے گرفتار ہونے والے دہشتگردوں میں سکھ دیپ سنگھ، عظمت، فیضان، نبیل، ابرار، عثمان اور سرفراز شامل ہیں۔ یہ تمام ملزمان مختلف شہروں میں نیٹ ورک کے ذریعے کارروائیوں کی تیاری کر رہے تھے۔
فیصل آباد سے گرفتار دہشتگرد دانش جبکہ بہاولپور سے گرفتار فتنہ الہندوستان کے دہشتگردوں میں رجب، ہاشم، ثاقب اور عارف شامل ہیں۔ سی ٹی ڈی کے مطابق یہ گروہ منظم انداز میں کام کر رہا تھا اور بیرونی ہدایات پر سرگرم تھا۔
ترجمان کے مطابق بھارت سے آپریٹ ہونے والی عادل نامی فیس بک آئی ڈی کے ذریعے دہشتگردوں کا سراغ لگایا گیا۔ گرفتار دہشتگرد سکھ دیپ سنگھ پیدائشی طور پر مسیحی تھا جس نے کچھ عرصہ قبل اپنا مذہب تبدیل کیا تھا۔
سی ٹی ڈی پنجاب کا کہنا ہے کہ دہشتگردوں کو بھارتی خفیہ ایجنسی را کی جانب سے بھاری فنڈنگ بھی فراہم کی جا رہی تھی۔ گرفتار ملزمان کے خلاف مقدمات درج کر کے مزید تفتیش کا آغاز کر دیا گیا ہے اور مزید گرفتاریاں بھی متوقع ہیں۔
.ذریعہ: Jasarat News
کلیدی لفظ: سی ٹی ڈی
پڑھیں:
لاہور: ڈولفن اسکواڈ کا سنڈے ا سپیشل آپریشن، 44 ملزمان گرفتار
data-id="863a0a8" data-element_type="widget" data-widget_type="theme-post-content.default">
251208-08-7
لاہور (آن لائن) ڈولفن سکواڈ نے چھٹی کے روز سنڈے اسپیشل گرینڈ آپریشن کیا، جس میں جرائم پیشہ عناصر، ون ویلنگ کرنے والے اور ہوائی فائرنگ کرنے والوں کے خلاف کارروائی کی گئی۔ ترجمان ڈولفن اسکواڈ کے مطابق شہر کے مختلف علاقوں سے 44 ملزمان گرفتار کیے گئے جبکہ ڈیفنس، مال روڈ، کینال روڈ، جیل روڈ، بند روڈ اور دیگر علاقوں سے 42 ون ویلرز کو حراست میں لیا گیا۔پتنگ بازی میں ملوث 2 ملزمان کو فیکٹری ایریا اور شیراکوٹ سے گرفتار کیا گیا۔ ملزمان کے قبضے سے پتنگیں اور ڈور برآمد کی گئیں۔ گرفتار شدہ ملزمان کو کارروائی کے بعد فیکٹری ایریا، شیرا، ہربنس پورہ اور دیگر متعلقہ علاقوں میں تھانوں کے حوالے کر دیا گیا۔
بنوں میں گاڑی پر حملہ، اسسٹنٹ کمشنر شمالی وزیرستان شہید