پاکستان اور افغانستان کے درمیان کل ترکی میں سلامتی مذاکرات ہوں گے، دفتر خارجہ
اشاعت کی تاریخ: 25th, October 2025 GMT
اسلام آباد:دفتر خارجہ نے اعلان کیا ہے کہ پاکستان اور افغانستان کے درمیان کل ترکی میں اہم سلامتی مذاکرات ہوں گے، جن میں سرحد پار دہشتگردی اور علاقائی امن و استحکام پر تفصیلی بات چیت کی جائے گی۔
ہفتہ وار بریفنگ کے دوران ترجمان دفتر خارجہ طاہر اندرابی نے کہا کہ پاکستان نے افغان طالبان پر زور دیا ہے کہ وہ پاکستان کے سلامتی سے متعلق خدشات کو دور کریں اور عالمی برادری کے ساتھ کیے گئے وعدوں پر مکمل عمل درآمد یقینی بنائیں۔ انہوں نے کہا کہ مذاکرات کی میزبانی ترکیہ کرے گا، جبکہ یہ مذاکرات دوحہ عمل کے تحت جاری مشاورت کا تسلسل ہیں۔
ترجمان نے بتایا کہ پاکستان خطے میں پائیدار امن کے لیے افغانستان کے ساتھ تعمیری روابط کا خواہاں ہے اور دہشتگردی کے خاتمے کے لیے مشترکہ لائحہ عمل کی تشکیل پر زور دیتا ہے، پاکستان ایک ٹھوس اور قابلِ تصدیق میکنزم کے قیام کی حمایت کرتا ہے تاکہ دونوں ممالک کے درمیان سیکیورٹی تعاون کو مزید مضبوط بنایا جا سکے۔
دفتر خارجہ کے ترجمان نے اس موقع پر اسرائیل کے مغربی کنارے کے حصوں کو ضم کرنے کی کوششوں کی بھی شدید مذمت کی اور کہا کہ پاکستان فلسطینی عوام کے حقِ خود ارادیت کی بھرپور حمایت کرتا ہے۔
خیال رہےکہ حماس کی جانب سے تو جنگ بندی کی مکمل پاسداری کی جارہی ہے لیکن اسرائیل نے اپنی دوغلی پالیسی اپناتے ہوئے 22 سال سے قید فلسطین کے معروف سیاسی رہنما مروان البرغوثی کو رہا کرنے سے انکاری ظاہر کی ہے اور اسرائیل کے متعدد وزیر اپنی انتہا پسندانہ سوچ کے سبب صبح و شام فلسطینی عوام کو دھمکیاں دے رہے ہیں جبکہ امریکی صدر ڈونلڈ ٹرمپ بھی جارحانہ انداز اپناتے ہوئے مسلسل دھمکیاں دے رہے ہیں۔
.
ذریعہ: Al Qamar Online
کلیدی لفظ: کہ پاکستان دفتر خارجہ
پڑھیں:
چینی ایئر کرافٹ کیریئر فارمیشن کی تربیت کے حوالے سے جاپانی پراپیگنڈا حقائق سے بالکل متصادم ہے ، پیپلز لبریشن آرمی نیوی
چینی ایئر کرافٹ کیریئر فارمیشن کی تربیت کے حوالے سے جاپانی پراپیگنڈا حقائق سے بالکل متصادم ہے ، پیپلز لبریشن آرمی نیوی WhatsAppFacebookTwitter 0 8 December, 2025 سب نیوز
بیجنگ : چند روز قبل، چینی بحریہ کی لیاؤننگ ایئرکرافٹ کیریئر فارمیشن نے میاکو خیلیج کے مشرقی پانیوں میں کیریئر بیسڈ طیاروں کی فلائٹ ٹریننگ کا اہتمام کیا جس میں سمندری اور فضائی حدود کا پیشگی اعلان کر دیا گیا تھا ۔ اس کے باوجود تربیت کے دوران، جاپانی سیلف ڈیفنس فورس کے طیارے بار بار چینی بحریہ کی تربیت کے لیے متعین کردہ سمندری اور فضائی حدود کے قریب آ کر خلل ڈالتے رہے ، جس سے چین کی معمول کی تربیت متاثر ہوئی اور محفوظ پرواز کے لیے شدید خطرات پیدا ہوئے ۔
چین کی پیپلز لبریشن آرمی نیوی کے ترجمان نیول کرنل وانگ شوئےمنگ نے کہا ہے کہ اس حوالے سے جاپانی پراپیگنڈا حقائق سے بالکل متصادم ہے، اور ہم سنجیدگی سے مطالبہ کرتے ہیں کہ جاپان فوراً چین کو بدنام کرنا اور غلط بیان دینا بند کرے اور فرنٹ لائن کی کارروائیوں کو محدود رکھے۔ان کا کہنا تھا کہ چینی بحریہ قانون کے مطابق ضروری اقدامات کرے گی تاکہ اپنی سلامتی اور جائز حقوق و مفادات کا مضبوط تحفظ جاری رکھے ۔وزارت دفاع کے ترجمان چانگ شیاؤ گانگ نے صحافیوں کے سوالات کے جواب میں کہا کہ حال ہی میں، جاپان نے عسکری سلامتی کے شعبے میں جارحانہ اقدامات اُٹھائے ہیں اور اس کا اصل مقصد دنیا جانتی ہے۔
اگر جاپان دوبارہ عسکری قوم پرستی کے غلط راستے پر چلتا ہے، تو وہ ایسی کھائی میں گرے گا جس سے واپسی ممکن نہیں ہو گی۔وزارت خارجہ کے ترجمان نے صحافیوں کے سوالات کے جواب میں کہا کہ حقیقت بالکل واضح ہے، جاپانی لڑاکا طیارے کا چین کی معمول کی عسکری سرگرمیوں میں مداخلت اور جاسوسی کرنا سب سے بڑا سمندری اور فضائی سلامتی کا خطرہ ہے۔ چین جاپانی فریق کے دعویٰ شدہ اعتراض قبول نہیں کرتا۔چین نے اسے فوراً ہی مسترد کر دیا تھا، جبکہ چین نے بیجنگ اور ٹوکیو میں علیحدہ علیحدہ جوابی اعتراض پیش کیا ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرہانگ کانگ خصوصی انتظامی علاقے کی قانون ساز کونسل کے آٹھویں انتخابات کی کامیابی سنگِ میل کی حیثیت رکھتی ہے،چینی ریاستی کونسل اگلی خبربھارتی رویے کے باعث 11 سال سے سارک کا عمل جمود کا شکار ہے، صدر مملکت وزیراعظم نے گوادر اور گلگت بلتستان میں بجلی کے منصوبوں کی منظوری دیدی بھارت نے اطلاع دیئے بغیر چناب میں پانی کا ریلا چھوڑ دیا ’ہر طرح کا تعاون کیا پھر بھی مارا گیا‘، جیل سے رہائی کے بعد ڈکی بھائی نے خاموشی توڑ دی انجینئر محمد علی مرزا کی درخواست پر ایف آئی اے، پنجاب قرآن بورڈ سے جواب طلب آئی ایم ایف بورڈ کا اجلاس آج، پاکستان کیلئے 1.2 ارب ڈالر کی قسط منظور ہونےکا امکان بھارتی خفیہ ایجنسی “را” کے 12 دہشت گرد بھاری اسلحہ و بارود سمیت گرفتارCopyright © 2025, All Rights Reserved
رابطہ کریں ہماری ٹیم
متنازع ٹویٹس کیس میں نیا موڑ، اہم شخصیت کا ایمان اور ہادی کی وکالت کرنے کا فیصلہ