رجانہ موٹروے انٹرچینج کے قریب حادثہ، ایک ہی خاندان کے 3 افراد جاں بحق
اشاعت کی تاریخ: 25th, October 2025 GMT
مبشرنقوی: ٹوبہ ٹیک سنگھ میں رجانہ موٹروے انٹرچینج کے قریب ہولناک حادثہ،ٹریفک حادثے میں ایک ہی خاندان کے 3 افراد جاں بحق،11 زخمی ہوگئے۔
مرنے والوں میں بچہ اور 2خواتین شامل ہیں، گیارہ افراد شدید زخمی ہوگئے۔حادثے کا شکار خاندان ملتان سے داتا دربار لاہور جارہا تھا۔
اطلاعات کے مطابق ہنڈائی ڈالا سبزی سے بھرے مزدا سے ٹکرا گیا، ہنڈائی ڈالا میں ایک ہی خاندان کے 14 افراد سوار تھے جو ملتان سے داتا دربار لاہور جا رہے تھے۔
جاں بحق ہونے والوں میں ایک سالہ شفیق،35 سالہ ثمینہ اور 55 سالہ شمیم شامل ہیں۔
پنجاب حکومت کا ڈرون پولیسنگ اور آرمز ریگولیشن کے نئے قوانین متعارف کرانیکا فیصلہ
زخمیوں میں فیضان، جمیل، اورنگزیب، ریشما،عاصمہ، امِ حبیبہ سمیت دیگر افراد شامل ہیں۔
.
ذریعہ
ذریعہ: City 42
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی