پنجاب حکومت کا سیلز ٹیکس آن سروسز ایکٹ 2012 میں ترمیم کا فیصلہ
اشاعت کی تاریخ: 27th, October 2025 GMT
سٹی42: پنجاب حکومت نے پنجاب سیلز ٹیکس آن سروسز ایکٹ 2012 میں ترمیم کا فیصلہ کر لیا ہے، جس کے تحت تمام سروسز کو ٹیکس کے دائرے میں لانے کی تیاری کر لی گئی ہے۔
حکومت نے "پازیٹو لسٹ" کی بجائے "نیگیٹو لسٹ" نظام متعارف کروانے کا ارادہ کیا ہے، جس کے مطابق تمام سروسز قابلِ ٹیکس ہوں گی سوائے ان کے جو پہلے شیڈول میں مستثنیٰ قرار دی جائیں گی۔
ہنڈائی ٹکسن ہائبرڈ بغیر سود کے آسان اقساط میں حاصل کریں
ترمیم کے تحت پہلے شیڈول میں ٹیکس فری سروسز اور دوسرے شیڈول میں ٹیکس ایبل سروسز درج ہوں گی۔ ایکٹ کی سیکشن 3 میں بھی تبدیلی کی گئی ہے اور سیکشن 3 اے شامل کی گئی ہے جس میں "ٹیکس فری سروسز" کی وضاحت کی گئی ہے۔
مجوزہ ترمیم میں ان پٹ ٹیکس کریڈٹ کے اصولوں میں نئی پابندیاں شامل کرنے کی گنجائش بھی رکھی گئی ہے، جس کے تحت ٹیلی کام، ٹرانسپورٹ اور دیگر سروسز پر ان پٹ ٹیکس کریڈٹ کی حد مقرر کی جا سکے گی۔ تجارتی املاک کے کرایے کو بھی ٹیکس کے دائرے میں لانے کی تجویز شامل ہے، جبکہ پنجاب حکومت کو نئے شیڈولز میں ردوبدل کرنے کا اختیار بھی دیا گیا ہے۔
برائلر مرغی کے گوشت کی قیمت میں حیران کن کمی
یہ ترامیم پنجاب اسمبلی سے منظوری کے بعد لاگو کی جائیں گی، جس کے بعد صوبے میں سروسز پر ٹیکس کا نظام مزید جامع اور منظم ہو جائے گا۔
ذریعہ: City 42
پڑھیں:
کالے شیشے رکھنے پر 6ماہ تک قید اور50ہزار روپے تک جرمانہ ہوگا ؛صوبائی موٹر وہیکل آرڈیننس 2025(چوتھی ترمیم)پنجاب اسمبلی میں پیش
لاہور(ڈیلی پاکستان آن لائن)صوبائی موٹر وہیکل آرڈیننس 2025(چوتھی ترمیم)پنجاب اسمبلی میں پیش کر دیاگیا۔
نجی ٹی وی چینل جیو نیوز کے مطابق کالے شیشے رکھنے پر 6ماہ تک قید اور50ہزار روپے تک جرمانہ ہوگا ،کم عمر بچوں کے موٹر گاڑی چلانے پر 6ماہ تک قید اور50ہزار تک جرمانہ ہوگا، ون وے پر موٹر گاڑی چلانے پر 6ماہ تک قید اور50ہزار تک جرمانہ ہوگا۔
متن میں مزیدکہا گیا ہے کہ تیز رفتاری پر موٹر سائیکل سوار کو2ہزار، تھر ی وہیلر کو 3ہزار، عام گاڑی کو 5ہزار جرمانہ ہوگا،تیز رفتاری پرلگژری گاڑی اور ٹرانسپورٹ گاڑیوں کو 20ہزار روپے جرمانہ ہوگا،اوور لوڈنگ پر تھری وہیلر کو 3ہزار، عام گاڑی کو 5ہزار روپے جرمانہ ہوگا، اوور لوڈنگ پر لگژری گاڑی کو 10ہزار، ٹرانسپورٹ گاڑی کو 15ہزار جرمانہ ہوگا۔
گیمبلنگ ایپ کی تشہیر: رجب بٹ اور ندیم نانی والا کی راہداری ضمانت منظور
متن میں کہاگیا ہے کہ سگنل توڑنے پر موٹر سائیکل سوار کو 2ہزار، تھری وہیلر کو 3ہزار اور عام گاڑی کو 5ہزار جرمانہ ہوگا، سگنل توڑنے پر لگژری گاڑی کو 10ہزار جبکہ ٹرانسپورٹ گاڑی کو 15ہزار روپے جرمانہ ہوگا۔
صوبائی موٹر وہیکل آرڈیننس کے مطابق رات کو خراب لائٹس کے ساتھ گاڑی چلانے پر موٹر سائیکل سوار کو 2ہزار، تھری وہیلرز کو 3ہزار جرمانہ ہوگا، رات کو خراب لائٹس والی عام گاڑی کو 3ہزار، لگژری گاڑی کو8ہزار اور ٹرانسپورٹ گاڑی کو 10ہزار جرمانہ ہوگا، ون وے کی خلاف ورزی پر موٹر سائیکل سوار کو 2ہزار، تھری وہیلر کو3ہزار اور عام گاڑی کو 5ہزار جرمانہ ہوگا، ون وے کی خلاف ورزی پر لگژری گاڑی کو10ہزار جبکہ ٹرانسپورٹ گاڑی کو 15ہزار روپے جرمانہ ہوگا، زیبراکراسنگ کی خلاف ورزی پر موٹر سائیکل سوار کو 2ہزار، تھری وہیلرکو3ہزاراور عام گاڑی کو 3ہزار جرمانہ ہوگا۔
لاہور؛قوال شیر میاں داد کے گھر چوری کرنیوالی ملازمہ گرفتار
متن کے مطابق زیبراکراسنگ کی خلاف ورزی پر لگژری گاڑی کو8ہزار جبکہ ٹرانسپورٹ گاڑی کو15ہزار روپے جرمانہ ہوگا، ڈرائیونگ لائسنس کے بغیر موٹر سائیکل سوار کو2ہزار، تھری وہیلرکو 3ہزار، عام گاڑی کو 5ہزار جرمانہ ہوگا، ڈرائیونگ لائسنس کے بغیر لگژری گاڑی کو 10ہزار جبکہ ٹرانسپورٹ گاڑی کو15ہزار روپے جرمانہ ہوگا، دھواں چھوڑتی گاڑی پر موٹر سائیکل کو 2ہزار، تھری وہیلر کو 3ہزار، عام گاڑی کو3ہزار جرمانہ ہوگا، دھواں چھوڑنے والی لگژری گاڑی کو 8ہزار جبکہ ٹرانسپورٹ گاڑی کو 15ہزار روپے جرمانہ ہوگا، ہیلمٹ کے بغیر موٹر سائیکل چلانے پر 2ہزار روپے جرمانہ ہوگا، آرڈیننس پنجاب اسمبلی کی متعلقہ کمیٹی کے حوالے کردیا گیا،پنجاب اسمبلی سے منظوری کے بعد آرڈیننس باقاعدہ قانون بن جائے گا، گورنر پنجاب سردار سلیم حیدر خان آرڈیننس کی منظوری دے چکےہیں۔
پاکستان میں کم از کم تنخواہ ایک ہزار ڈالر جتنی کرنے کی درخواست ناقابل سماعت قرار
مزید :
سال 2025 کی آخری ملک گیر انسدادِ پولیو مہم کا افتتاح