پنجاب حکومت نے بلدیاتی ایکٹ میں بار بارترمیم کرکے تمام شہری حقوق چھین لیے،لیاقت بلوچ
اشاعت کی تاریخ: 9th, December 2025 GMT
data-id="863a0a8" data-element_type="widget" data-widget_type="theme-post-content.default">
251209-01-18
اوکاڑہ(جسارت نیوز)نائب امیر جماعت اِسلامی، سیکرٹری جنرل ملّی یکجہتی کونسل لیاقت بلوچ نے کہا ہے کہ پنجاب حکومت نے بلدیاتی ایکٹ میں بار بار ترامیم کرکے تمام شہری حقوق چھین لیے ہیں، بلدیاتی انتخابات فرضی کارروائی بنادی گئی ہے، ضلعی، میٹرو پولیٹن کارپوریشن، سٹی کارپریشنز کا خاتمہ کردیا گیا ہے اور یونین کونسل کی سطح پر 9 کونسلرز کا بنیادی انتخاب غیرجماعتی کردیا گیا ہے، چیئرمین اور وائس چیئرمین کے انتخاب کے لیے کونسلرز پہلے پارٹی جوائن کریں گے اور سارا نظام یونین کونسل، ٹاؤن کی سطح پر نوکرشاہی کے ماتحت کردیا گیا ہے۔ طلبہ یونین انتخاب ختم کرکے نوجوانوں کو جمہوری حقوق سے محروم کردیا گیا ہے۔ سندھ، بلوچستان، خیبرپختونخوا کے بعد پنجاب میں بھی بے اختیار بلدیاتی نظام، بیوروکریسی کے شکنجے میں جکھڑا نظام کالا قانون اور عوام کے شہری حقوق پر ڈاکا زنی ہے۔ عوام نے پنجاب کے کالے، بے اختیار بلدیاتی نظام کو مسترد کردیا ہے۔ گلی محلوں اور شہری سطح پر عوامی حقوق چھیننے والے حکمرانوں کے خلاف پنجاب کے عوام بھرپور پرامن جمہوری مزاحمت کریں گے۔ 21 دسمبر کو دھرنے ہوںگے اور ملک کے تمام شہروں میں بلدیاتی اسٹیک ہولڈرز کی کانفرنسز اور سیمینارز منعقد ہوں گے۔ ان خیالات کا اظہار انہوں نے نے اوکاڑہ میں بلدیاتی کالے قانون کے خلاف احتجاجی مظاہرین سے خطاب اور صحافیوں سے گفتگو کرتے ہوئے کیا۔ قبل ازیں لیاقت بلوچ نے اوکاڑہ کے سینئر صحافی، پریس کلب کے سابق صدر وارث حیدری مرحوم کی رہائش گاہ پر ان کے اہل خانہ، خاندان ، صحافیوں، سیاسی رہنماؤں اور کارکنان سے تعزیت کی اور کہا کہ وارث حیدری کہنہ مشق، ذہین صحافی تھے، علاقائی صحافت میں مرحوم نے محنت سے بڑا مقام پیدا کیا۔ مزید برآںلیاقت بلوچ سے سینئر سیاسی رہنما،کالم نویس اور سابق وزیراعظم ذوالفقارعلی بھٹو مرحوم کے دیرینہ ساتھی قیوم نظامی نے ٹیلیفون پر رابطہ کیا اور ملک کی سیاسی فضا میں کشیدگی کی انتہا پر تشویش کا اظہار کرتے ہوئے تجویز کیا کہ قومی قیادت، جمہوری قوتوں سے رابطوں کے لیے وفود بنائے جائیں، کوئی تو آگے آئے اور سیاسی شدّت کی آگ کو ٹھنڈا کرے۔ لیاقت بلوچ نے قیوم نظامی کی تجویز کا خیرمقدم کرتے ہوئے کہا کہ سیاسی درجہ حرارت انتہائی بلندی پر ہے، کوئی بھی بلنڈر سب کچھ بھسم کردے گا۔ اسٹیبلشمنٹ کی منہ زور طاقت سب کے لیے خطرہ ہے، اتحادوں کے بجائے قومی قیادت کا قومی ترجیحات کے کم از کم ایجنڈے پر متفق ہونا قومی فرض بن گیا ہے۔ جمہوریت، آئین، صوبوں کے حقوق اور بنیادی انسانی معاشی، سماجی حقوق کا تحفظ فیصلہ کن موڑ پر ہے۔ افواجِ پاکستان دِفاع پاکستان کے لیے قابل اعتماد بنیادی قومی ادارہ ہے۔ عوامی اعتماد ہی قومی سلامتی کی اصل طاقت ہے۔ افواج پاکستان کی قیادت خود بھی 25 کروڑ عوام کا اعتماد حاصل کرنے کا اہتمام کرے۔ طاقت ظاہری حسن پیدا کرتی ہے لیکن قومی وجود میں بے اعتمادی دیمک کی طرح سرایت کرکے سب کچھ چاٹ جاتی ہے۔ جماعت اسلامی سیاسی استحکام کے لیے قومی فعال کردار ادا کرے گی۔
ذریعہ: Jasarat News
کلیدی لفظ: کردیا گیا ہے لیاقت بلوچ کے لیے
پڑھیں:
اجتماع عام میں بھرپور تعاون پر جماعت اسلامی لاہور انتظامیہ کی مشکور
لاہور:نائب امیر جماعت اسلامی پاکستان لیاقت بلوچ کی قیادت میں جماعت اسلامی کے وفد نے ڈپٹی کمشنر لاہور سید موسیٰ رضا کاظمی سے ان کے دفتر میں ملاقات کی۔
ملاقات کے دوران لیاقت بلوچ نے ڈپٹی کمشنر کا جماعت اسلامی کے حالیہ اجتماع عام میں انتظامات اور تعاون فراہم کرنے پر شکریہ ادا کیا۔
انہوں نے کہا کہ ڈپٹی کمشنر کی سرپرستی میں تمام سرکاری محکموں نے بھرپور تعاون کیا۔ اس موقع پر لیاقت بلوچ نے ڈپٹی کمشنر کو شیلڈ بھی پیش کی۔
ملاقات کے موقع پر امیر جماعت اسلامی لاہور ضیا الدین انصاری ایڈووکیٹ، ناظم مالیات نذیر احمد جنجوعہ، نائب امیر لاہور ڈاکٹر ذکر اللہ مجاہد، احمد سلمان بلوچ، محمود الاحد اور ملک محمد الیاس بھی موجود تھے۔
جوان نظر آنے کیلیے صبا فیصل کی کاسمیٹک ٹریٹمنٹ کروانے کی تصاویر وائرل؛ کڑی تنقید