حیدرآباد ،جی سی یونیورسٹی میں یوم سیاہ کشمیر منایاگیا
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر) جی سی یونیورسٹی حیدرآباد میں کشمیری عوام سے اظہارِ یکجہتی کے لیے یومِ سیاہ کشمیر ساتھ منایا گیا۔یہ تقریب ڈائریکٹوریٹ آف اسٹوڈنٹس افیئرز کے زیرِ اہتمام ڈاکٹر عبدالرزاق لاڑک کی نگرانی میں منعقد ہوئی۔وائس چانسلر پروفیسر ڈاکٹر امجد علی آرائیں نے شرکا سے خطاب کرتے ہوئے کہا، ”27 اکتوبر ایک غم اور درد کا دن ہے۔ ہم ہر حال میں اپنے کشمیری بھائیوں اور بہنوں کے ساتھ کھڑے ہیں۔ پاکستان عالمی سیاسی و جیو اسٹریٹجک منظرنامے میں ایک اہم کردار رکھتا ہے، اور یہ وقت ہے کہ ہم کشمیر کے لیے بھرپور انداز میں آواز بلند کریں۔”انہوں نے مزید کہا کہ پاکستان نے بھارت کی جارحانہ پالیسیوں کا مؤثر جواب دیا ہے، ”ہم نے بھارت کو منہ توڑ جواب دیا ہے، یہ ایک واضح پیغام ہے کہ پاکستان انصاف اور امن کے لیے پرعزم ہے۔ آج بھارت اپنی ظالمانہ کارروائیوں کے باعث دنیا میں تنہائی کا شکار ہے۔”اس موقع پر ڈینز پروفیسر ڈاکٹر عبدالمنان شیخ اور پروفیسر ڈاکٹر مخدوم محمد روشن صدیقی نے بھی شرکت کی۔پروفیسر ڈاکٹر شاہنواز منگی نے کشمیر کے مسئلے کے تاریخی اور سیاسی پہلوؤں پر لیکچر دیا اور اقوامِ متحدہ کی قراردادوں کے مطابق پرامن حل پر زور دیا۔تقریب میں مختلف شعبہ جات کے سربراہان بشمول پروفیسر ڈاکٹر آغا عماد نبی، ڈاکٹر نیاز سومرو، ڈاکٹر شیبا ساجد، فیکلٹی اراکین اور بڑی تعداد میں طلبہ نے شرکت کی۔طلبہ نے سندھی، اردو اور انگریزی میں پرجوش تقاریر پیش کیں جن میں کشمیری عوام سے اظہارِ یکجہتی اور بھارتی مظالم کی شدید مذمت کی گئی۔تقریب کا اختتام یونیورسٹی احاطے میں یکجہتی ریلی سے ہوا، جس میں شرکا نے بینرز اور پلے کارڈز اٹھا رکھے تھے جن پر کشمیری عوام کی حمایت میں نعرے درج تھے۔ریلی کے شرکا نے اس عزم کا اعادہ کیا کہ وہ کشمیری بھائیوں اور بہنوں کے حقِ خودارادیت کی جدوجہد میں اُن کے ساتھ کھڑے رہیں گے۔
ذریعہ: Jasarat News
کلیدی لفظ: پروفیسر ڈاکٹر
پڑھیں:
حیدرآباد ،لیاقت اسپتال میں مریضوں کی شکایتی ازالے کیلئے کائنٹر کا قیام
data-id="863a0a8" data-element_type="widget" data-widget_type="theme-post-content.default">
251212-2-15
حیدرآباد(اسٹاف رپورٹر)لیاقت یونیورسٹی اسپتال حیدرآباد و جامشورو کے میڈیکل سپرنٹنڈنٹ ڈاکٹر سید ارشاد حسین کاظمی نے کہا ہے اسپتال میں آنے والے مریضوں اور اُن کے تیماداروں کی شکایات کے فوری ازالہ کیلئے اے ایم ایس کی زیر نگرانی سینئر ڈاکٹر ز پر مشتمل اسپتال کے مرکزی دروازے پر ’’شکایت اور سہولت مرکز‘‘ قائم کر دیا گیا ہے ،جہاں مریض اور اُن کے تیمارداروں کی علاج و معالجہ کے حوالے سے کسی بھی طرح کی شکایات کا فوری ازالہ کیا جائے گاجبکہ اسپتال میں مریضوں کے علاج و معالجہ اور خوراک کو عالمی ادارہ صحت(WHO) کے اصولوں کے مطابق بہم پہنچانے میں ہم اسی وقت کامیاب ہوسکیں گے جب پروفیسرز، ڈاکٹرز، نرسز اور پیرامیڈیل اسٹاف میرے ساتھ مل کر شانہ بشانہ شب و روز محنت و لگن سے اپنی ذمہ داریاں انجام دیں گے ۔ان خیالات کا اظہار انہوں نے ڈاکٹرز نرسز اور پیرامیڈیکل اسٹاف کی ایسوسی ایشن کے عہدیداران کے نمائندہ وفود سے ملاقات کے دوران گفتگو کرتے ہوئے کیا۔ڈاکٹر سید ارشاد حسین کاظمی نے مزید کہا کہ ہماری ہر ممکن یہ کوشش ہونا چاہیے کہ مریض جلد صحت یاب ہو کر اپنے گھروں کو واپس لوٹیں اور جہاں بھی ایم آر آئی، سٹی سکن اور دیگر مشنری میں کسی بھی طرح کی خرابی ہو تو وہ ہماری ذمہ داری ہے کہ ہم فوری طور پر اس کی مرمت کرا کر قابل استعمال بنائیں۔انہوں نے اپنی گفتگو میں بتایا کہ شعبہ حادثات و ایمرجنسی (لال بتی) کو ہم نے اپ گریڈ کر کے وہاں سٹی اسکن، ای سی جی، پورٹیبل ایکسرے، اے بی جی، پورٹیبل الٹراسائونڈ ،مائنر OT کے ساتھ فارمیسی اسٹور بھی قائم کر دیا ہے جہاں سینئر ڈاکٹرز ،نرسز ڈسپنسرز اپنی اپنی شفٹوں میں موجودرہ کر اور اپنی ذمہ داریاں انجام دے رہے ہیں۔ انہوں نے مزید بتایا کہ کوئی بھی نازک حالت میں آنے والے مریض جنہیں فوری طور پر آئی سی یو کی ضرورت ہوتی ہے انہیں ایمرجنسی میں ہی قائم آئی سی یو میں فوری طور پر شفٹ کر دیا جاتا ہے۔ڈاکٹر سید ارشاد حسین کاظمی نے موقع پر موجود ڈاکٹرز ،نرسز اور پیرامیڈیکل اسٹاف کو ہدایت کرتے ہوئے کہا کہ مریضوں کے علاج و معالجہ میں اور خوراک کی فراہمی میں کسی بھی طرح کی غفلت یا کوتاہی برداشت نہیں کی جائے گی اور کسی بھی مریض کی شکایت مجھ تک پہنچنے سے قبل ہی قائم کئے گئے شکایت اور سہولت مرکز میں مریض کی شکایت کا فوری ازالہ کیا جائے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر