بھارتی ایتھلیٹ روہنی کلام نے 35 برس کی عمر میں خودکشی کرلی
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
نئی دہلی: بھارت میں افسوسناک واقعہ پیش آیا ہے جہاں جوجسٹو ایتھلیٹ اور ایشین گیمز میں بھارت کی نمائندگی کرنے والی 35 سالہ روہنی کلام اپنے گھر میں مردہ پائی گئیں۔
پولیس کے مطابق روہنی کلام کی لاش ریاست مدھیا پردیش کے شہر دیواس میں ان کے گھر سے برآمد ہوئی۔
تفصیلات کے مطابق روہنی کی چھوٹی بہن روشنی نے پولیس کو بتایا کہ مرحومہ آشٹا شہر کے ایک پرائیویٹ اسکول میں مارشل آرٹ کوچ کے طور پر خدمات انجام دے رہی تھیں۔ ہفتے کے روز وہ اپنے گھر والوں سے ملنے دیواس آئی تھیں، اتوار کی صبح ناشتہ کرنے کے بعد وہ اپنے کمرے میں گئیں اور فون پر کسی سے بات کرنے کے بعد کمرہ بند کرلیا۔ کچھ دیر بعد جب دروازہ نہ کھولا گیا تو گھر والوں نے دروازہ توڑا اور روہنی کو لٹکا ہوا پایا۔ انہیں فوری طور پر اسپتال منتقل کیا گیا جہاں ڈاکٹرز نے ان کی موت کی تصدیق کردی۔
اہل خانہ کا کہنا ہے کہ روہنی گزشتہ کچھ عرصے سے شدید ذہنی دباؤ میں تھیں۔ وہ ملازمت سے متعلق مسائل اور شادی کے متعدد پروپوزل مسترد ہونے کی وجہ سے پریشانی میں مبتلا تھیں۔ ان کی بہن کے مطابق فون پر آخری گفتگو سے اندازہ ہوتا ہے کہ اسکول پرنسپل کی جانب سے انہیں ہراسانی کا سامنا تھا، جس سے وہ شدید ذہنی تناؤ میں تھیں۔
پولیس کے مطابق ابتدائی شواہد سے واقعہ خودکشی معلوم ہوتا ہے، تاہم تفتیش کا عمل جاری ہے۔ واقعے کے وقت گھر میں صرف روہنی اور ان کی بہن موجود تھیں۔ پولیس نے موبائل فون اور دیگر شواہد قبضے میں لے لیے ہیں تاکہ موت کے اصل اسباب کا تعین کیا جا سکے۔
واضح رہے کہ روہنی کلام نے ابوظبی میں ہونے والی 8ویں ایشیائی چمپیئن شپ میں بھارت کے لیے کانسی کا تمغہ جیتا تھا اور وہ بھارت کی جوجسٹو کمیونٹی میں ایک نمایاں کھلاڑی سمجھی جاتی تھیں۔ ان کی اچانک موت نے کھیلوں کے حلقوں میں افسوس اور صدمے کی لہر دوڑا دی ہے۔
.ذریعہ: Jasarat News
کلیدی لفظ: روہنی کلام کے مطابق
پڑھیں:
بھارتی کرکٹر شریاس آئیر خطرناک چوٹ کے باعث آئی سی یو میں داخل
بھارت کے معروف بلے باز شریاس آئیر کو آسٹریلیا کے خلاف ون ڈے سیریز کے دوران شدید زخمی ہونے کے بعد سڈنی کے اسپتال کے آئی سی یو میں داخل کر لیا گیا۔
30 سالہ کھلاڑی کی طبیعت اچانک بگڑنے پر انہیں فوری طور پر اسپتال منتقل کیا گیا، جہاں ڈاکٹروں نے اندرونی خون رسنے (internal bleeding) کی تشخیص کی۔
میچز ختم ہونے کے بعد ٹیم بھارت واپس روانہ ہوگئی، تاہم شریاس آئیر کی طبیعت خراب ہونے کے باعث وہ سڈنی میں ہی رک گئے۔
مقامی بھارتی میڈیا کی رپورٹ کے مطابق، اندرونی خون بہنے کی علامات ظاہر ہونے پر انہیں انتہائی نگہداشت کے وارڈ میں منتقل کیا گیا۔
میڈیکل ٹیم کے مطابق، اگر فوری علاج نہ کیا جاتا تو معاملہ جان لیوا ثابت ہوسکتا تھا، کیونکہ ڈریسنگ روم میں ہی ان کے وائٹلز غیر مستحکم ہونے لگے تھے۔
یہ بھی پڑھیے ویرات کوہلی اور روہت شرما آئی سی سی ون ڈے رینکنگ سے باہر، ریٹائرمنٹ کی افواہیں زور پکڑ گئیں
ایک ٹیم آفیشل نے بتایا ’شریاس گزشتہ 2 دن سے آئی سی یو میں زیرِ علاج ہیں۔ رپورٹس میں اندرونی بلیڈنگ سامنے آنے کے بعد انہیں فوراً اسپتال منتقل کیا گیا۔ وہ 2 سے 7 دن تک ڈاکٹروں کی نگرانی میں رہیں گے تاکہ کسی انفیکشن کا خطرہ نہ رہے۔ شریاس آئیر کی اب حالت مستحکم ہے، مگر معاملہ سنگین ہوسکتا تھا۔ وہ سخت جان کھلاڑی ہیں، جلد صحتیاب ہو جائیں گے۔‘
چوٹ لگنے کا واقعہ، ایلیکس کیری کا کیچ پکڑتے ہوئے پسلیوں پر چوٹیہ واقعہ اُس وقت پیش آیا جب آئیر نے ایلیکس کیری کا کیچ پکڑنے کے لیے پیچھے دوڑ لگائی۔
یہ بھی پڑھیں:بھارتی کھلاڑی ویرات کوہلی کی تازہ تصویر نے مداحوں کو چونکا دیا
کیچ تو انہوں نے شاندار انداز میں مکمل کر لیا، مگر پھسلنے کے باعث ان کی پسلیوں پر زور دار چوٹ لگی جس سے اندرونی زخم پیدا ہوئے۔
واپسی غیر یقینی، جنوبی افریقہ سیریز میں شرکت مشکوکڈاکٹروں کے مطابق، شریاس آئیر کو کم از کم ایک ہفتہ اسپتال میں زیرِ علاج رہنا ہوگا۔
ان کی بھارت واپسی کا انحصار مکمل صحتیابی پر ہوگا، جبکہ ان کی آئندہ جنوبی افریقہ کے خلاف ون ڈے سیریز (30 نومبر سے شروع ہونے والی) میں شرکت پر بھی شدید شکوک پیدا ہو گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا کرکٹ ٹیم شریاس آئیر
جنوبی افریقا نے پاکستان ویمنز کو 150 رنز سے ہرایا، ورلڈکپ کی دوڑ سے باہر