چھکا مار کر خود ہی آؤٹ، تسکین احمد کا ناقابلِ یقین لمحہ کرکٹ تاریخ کا حصہ بن گیا
اشاعت کی تاریخ: 29th, October 2025 GMT
data-id="863a0a8" data-element_type="widget" data-widget_type="theme-post-content.default">
کرکٹ کی دنیا دلچسپ اور ڈرامائی لمحات سے بھری پڑی ہے، مگر بنگلادیش اور ویسٹ انڈیز کے درمیان ہونے والے حالیہ ٹی ٹوئنٹی میچ میں پیش آنے والا واقعہ اپنی نوعیت میں منفرد اور حیران کن تھا۔ 27 اکتوبر کو ڈھاکا کے میدان میں ایسا لمحہ دیکھنے کو ملا جس نے شائقین کو ہنسانے کے ساتھ ساتھ حیران بھی کر دیا۔
میچ کے آخری اوور میں بنگلادیش کو جیت کے لیے 3 گیندوں پر 17 رنز درکار تھے اور صرف ایک وکٹ باقی تھی۔ فاسٹ بولر تسکین احمد نے پورے زور سے شاٹ کھیلا، گیند باؤنڈری لائن کے پار جا کر چھکے میں تبدیل ہوئی، شائقین خوشی سے جھوم اٹھے، ٹیم کے کھلاڑی بھی جشن منانے لگے۔ لیکن اسی لمحے ری پلے نے سب کو چونکا دیا — تسکین کا پاؤں شاٹ کھیلتے ہوئے اسٹمپ سے ٹکرا گیا تھا، بیلز گر گئیں اور امپائر نے فوراً ہِٹ وکٹ آؤٹ قرار دے دیا۔
یوں جیت کی خوشی کا لمحہ چند سیکنڈ میں مایوسی میں بدل گیا۔ بنگلادیش کی ٹیم 19.
یہ منظر سوشل میڈیا پر تیزی سے وائرل ہوگیا جہاں مداحوں نے اسے “کرکٹ کا سب سے بدقسمت چھکا” قرار دیا۔ ماہرین نے بھی اسے بین الاقوامی کرکٹ کے نایاب واقعات میں شمار کیا، کیونکہ ایک ہی گیند پر چھکا لگنا اور ہِٹ وکٹ ہونا تقریباً ناممکن سا لگتا ہے۔
تسکین احمد کے لیے یہ لمحہ شاید بھلایا نہ جا سکے، مگر شائقین کے لیے یہ یاد دہانی ضرور تھی کہ کرکٹ میں کچھ بھی ہو سکتا ہے — ایسا بھی جو پہلے کبھی نہ دیکھا گیا ہو۔
ذریعہ: Jasarat News
پڑھیں:
2 نئی پی ایس ایل ٹیموں کے لیے بولی جمع کرانے کی تاریخ میں توسیع
پاکستان کرکٹ بورڈ نے پاکستان سپر لیگ کی 2 نئی ٹیموں کے لیے بولی جمع کرانے کی آخری تاریخ میں ایک ہفتے کی توسیع کر دی ہے۔ پی سی بی کے مطابق یورپ، امریکا اور مشرقِ وسطیٰ سے بڑھتی ہوئی دلچسپی کے باعث یہ فیصلہ کیا گیا ہے۔
یہ بھی پڑھیں:پی ایس ایل، 2 نئی فرنچائزز کے لیے بنیادی قیمت کتنی مقرر کی گئی ہے؟
میڈیا رپورٹ کے مطابق پی سی بی کے چیئرمین محسن نقوی نے سوشل میڈیا پلیٹ فارم ایکس پر جاری بیان میں کہا کہ بولی جمع کرانے کی آخری تاریخ جو پہلے 15 دسمبر مقرر تھی، اب بڑھا کر 22 دسمبر 2025 کر دی گئی ہے۔
ان کا کہنا تھا کہ مختلف خطوں سے سرمایہ کاروں کی غیر معمولی دلچسپی کو مدنظر رکھتے ہوئے یہ توسیع کی گئی ہے، اور وہ پی ایس ایل فیملی میں نئے فرنچائز مالکان کو خوش آمدید کہنے کے لیے پُرجوش ہیں۔
HBL PSL arrives in New York City on 13 December at 4pm ????
Featuring Salman Ali Agha, Abrar Ahmed, Faheem Ashraf, Saim Ayub, Shan Masood and Saud Shakeel, with special appearances by Wasim Akram, Ramiz Raja and Ali Zafar.
For investor information: [email protected]#HBLPSL pic.twitter.com/SEHlaEQ5SM
— PakistanSuperLeague (@thePSLt20) December 11, 2025
واضح رہے کہ پاکستان سپر لیگ کا آغاز 2016 میں پانچ ٹیموں سے ہوا تھا، جبکہ 2018 میں ایک ٹیم کے اضافے کے بعد لیگ 6 ٹیموں پر مشتمل ہو گئی تھی۔
اب آئندہ 11ویں ایڈیشن سے لیگ میں مزید دو ٹیموں کا اضافہ کیا جا رہا ہے، جس کے بعد فرنچائزز کی مجموعی تعداد 8 ہو جائے گی۔ یہ گزشتہ 7 برسوں میں پی ایس ایل کی پہلی بڑی توسیع ہوگی۔
دوسری جانب پی سی بی عالمی سرمایہ کاروں سے روابط کے سلسلے میں آج نیویارک میں پی ایس ایل روڈ شو کا انعقاد کر رہا ہے۔ یہ روڈ شو 6 جنوری کو ہونے والی نئی فرنچائزز کی نیلامی سے قبل منعقد کیا جا رہا ہے۔
اس موقع پر چیئرمین محسن نقوی کے علاوہ قومی ٹی ٹوئنٹی کپتان سلمان علی آغا، شان مسعود، ابرار احمد، فہیم اشرف، صائم ایوب اور سعود شکیل بھی شرکت کریں گے۔
پی سی بی اس سے قبل لندن کے تاریخی لارڈز کرکٹ گراؤنڈ میں بھی ایک کامیاب روڈ شو منعقد کر چکا ہے، جہاں بڑی تعداد میں سرمایہ کاروں نے شرکت کی اور نئی پی ایس ایل فرنچائزز خریدنے میں گہری دلچسپی کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ایس ایل پی سی بی محسن نقوی
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر