اردن کے شاہ عبداللہ دوئم دو روزہ دورے پر آج پاکستان آئیں گے
اشاعت کی تاریخ: 15th, November 2025 GMT
اسلام آباد (این این آئی)وزیر اعظم محمد شہباز شریف کی دعوت پر اردن کے شاہ عبداللہ دوئم ابن الحسین 15 اور 16 نومبر کو پاکستان کا سرکاری دورہ کریں گے۔ ترجمان دفتر خارجہ کی جانب سے جمعہ کوجاری بیان کے مطابق اعلیٰ سطح کا یہ دورہ پاکستان اور اردن کے درمیان دیرینہ، برادرانہ تعلقات کی عکاسی کرتا ہے۔ بیان میں کہا گیا ہے کہ یہ دورہ پاکستان اور اردن کے تعلقات کی تزویراتی سمت کو مزید مستحکم کرنے اور سیاسی، اقتصادی اور ثقافتی شعبوں میں ایک جامع اور وسیع البنیاد شراکت داری کو شامل کرتے ہوئے انہیں آگے گامزن کرنے کا کام کرے گا۔ اپنے دورے کے دوران شاہ عبداللہ دوئم ابن الحسین صدر مملکت اور وزیراعظم سے اہم ملاقاتیں کریں گے۔ بیان کے مطابق دونوں برادر ممالک کے درمیان دوطرفہ تعلقات سے متعلق تمام امور پر تبادلہ خیال کیا جائے گا، شاہ عبداللہ دوئم کو اعلیٰ ترین سول ایوارڈ سے نوازنے کی خصوصی تقریب ایوان صدر میں ہوگی۔ شاہ عبداللہ دوئم ابن الحسین کا دورہ پاکستان اور اردن کے دیرینہ تعلقات کو مزید مستحکم کرے گا اور دونوں برادر ممالک کے درمیان دوطرفہ تعاون کے دائرہ کار کو وسعت دینے میں معاون ثابت ہوگا۔
.ذریعہ: Nawaiwaqt
پڑھیں:
پاکستان کسی دہشت گرد گروہ ٹی ٹی پی یا بی ایل اے سے مذاکرات نہیں کرے گا: ترجمان دفتر خارجہ
اسکرین گریبترجمان دفتر خارجہ طاہر حسین اندرابی نے کہا ہے کہ پاکستان کسی دہشت گرد گروہ ٹی ٹی پی یا بی ایل اے سے مذاکرات نہیں کرے گا۔
ہفتہ وار پریس بریفنگ میں ترجمان دفتر خارجہ نے کہا کہ پاکستان تمام مسائل بات چیت کے ذریعے حل کرنا چاہتا ہے، افواج پاکستان ہر قسم کی دہشت گردی کا مقابلہ کرنے کی صلاحیت رکھتی ہے۔
ان کا کہنا تھا کہ افغان رجیم کے دوران دہشت گردی واقعات میں اضافہ ہوا، افغان رجیم اپنی سرزمین دہشت گردی کے لیے استعمال ہونے سے روکے، امید ہے افغان طالبان کالعدم ٹی ٹی پی کے خلاف کارروائی کریں گے۔
اردن کے شاہ عبداللّٰہ دوم کا دورہ پاکستان، ترجمان دفتر خارجہترجمان دفتر خارجہ نے کہا کہ اردن کے شاہ عبداللّٰہ دوم 2 روزہ دورے پر کل پاکستان پہنچیں گے، وزیر اعظم شہباز شریف کی دعوت پر اردن کے شاہ عبداللّٰہ دوم یہ دورہ کر رہے ہیں، اعلیٰ سطح کا یہ دورہ پاکستان اور اردن کے درمیان دیرینہ اور برادرانہ تعلقات کا مظہر ہے، شاہ اردن کے دورے سے دونوں ملکوں کے تعلقات کو مزید تقویت ملے گی۔
انہوں نے مزید کہا کہ وزیراعظم شہباز شریف نے صدر آذربائیجان کی دعوت پر باکو کا دورہ کیا، آذربائیجان کے یوم فتح کی تقریب میں شرکت کی، آذربائیجان کے یوم فتح کی تقریب کے موقع پر ترکیے کے صدر سے ملاقات کی، کانفرنس کے موقع پر نائب وزیر اعظم نے دوطرفہ ملاقاتیں بھی کیں، نائب وزیر اعظم نے مارگلہ ڈائیلاگ 2025 سے خطاب کیا۔
ایف سی ہیڈکوارٹر کوئٹہ پردوسرے خودکش حملہ آور کی شناخت ہوگئی