لاپتہ سکھ خاتون یاتری نے اسلام قبول کر کے پاکستانی شہری سے شادی کرلی
اشاعت کی تاریخ: 15th, November 2025 GMT
پاکستان میں بابا گرو نانک کے جنم دن کی یاترا کے لیے بھارت سے آنیوالے جتھے میں شامل سکھ خاتون سربجیت کور نے اسلام قبول کر کے ایک پاکستانی شہری سے شادی کرلی۔خاتون کا اسلامی نام نور رکھا گیا ہے، نکاح نامے کے مطابق 48 سالہ سربجیت کور نے 5 نومبر کو ضلع شیخوپورہ کے فاروق آباد کے رہائشی پاکستانی شہری ناصر حسین سے نکاح کیا۔ نکاح میں 10 ہزار روپے حق مہر درج ہے جو ادا کیا جا چکا ہے۔ سربجیت کور 4 نومبر کو بھارتی یاتریوں کے ساتھ پاکستان آئی تھیں لیکن 13 نومبر کو بھارت واپس جانے والے یاتریوں میں شامل نہیں تھیں جب کہ اسی روز ان کا ویزہ بھی ختم ہوگیا تھا۔ اسی بنا پر انہیں لاپتہ قرار دے کر تلاش شروع کی گئی تاہم بعد ازاں معلوم ہوا کہ خاتون نے اسلام قبول کر کے پاکستانی شہری سے شادی کر لی ہے۔
.ذریعہ: Nawaiwaqt
کلیدی لفظ: پاکستانی شہری
پڑھیں:
افغانستان خود کش حملہ آوروں کے ذریعے ہی لانگ رینج حملے کرسکتا ہے، طلال چوہدری
وزیرمملکت داخلہ طلال چوہدری نے کہا ہے کہ اسلام آباد خود کش دھماکے کا حملہ آور پاکستانی نہیں تھا، نہ اسے پاکستانی زبان آتی تھی نہ پاکستانی کرنسی کے بارے میں کچھ جانتا تھا،افغانستان خود کش حملہ آوروں کے ذریعے ہی لانگ رینج حملے کرسکتا ہے۔
یہ بھی پڑھیں: اسلام آباد میں خود کش دھماکا، وانا کیڈٹ کالج پر بھی وار، آخر یہ ہو کیا رہا ہے؟
نجی ٹی وی پروگرام سے گفتگو کے دوران وزیرمملکت داخلہ طلال چوہدری سے سوال کیا گیا کہ اسلام آباد میں خود کش بمبار کہاں سے آیا؟ جواب میں طلال چوہدری نے کہا کہ خود کش بمبار نے اسلام آباد میں داخلے کے لیے کرائے پر لی گئی گاڑیاں اور موٹرسائیکلز استعمال کی ہیں۔
طلال چوہدری نے کہا کہ ہمارے پاس شواہد موجود ہیں کہ جن لوگوں نے اس کو ٹرانسپورٹ کیا، ان سے تفتیش میں معلوم ہوا کہ جب اس نے نوٹ آگے کیے تو نہ وہ یہ بتاسکتا تھا کہ یہ نوٹ کتنے کا ہے اور نہ وہ یہ جانتا تھا کہ کرنسی میں کتنے پیسے اس نے دینے ہیں، نہ اسے پاکستانی زبان آتی تھی، ان لوگوں نے بھی اسے انجانے میں اسلام آباد پہنچایا۔
انہوں نے کہا کہ اس حوالے سے مزید تحقیقات جاری ہیں، اس لیے وہ اس معاملے پر کھل کر بات نہیں کرسکتے لیکن صرف اتنا بتا سکتے ہیں کہ اسلام آباد میں جو خودکش دھماکا ہوا، اس کا خود کش بمبار پاکستانی نہیں تھا۔
یہ بھی پڑھیں: افغانی پاکستان کے غدار، فوری نکالا جائے، اسلام آباد حملے کے زخمیوں کا ردعمل
انہوں کا کہنا تھا کہ ہم نے دہشتگردی کے حوالے سے حقائق دنیا کے سامنے رکھے ہیں، اسی لیے ٹی ٹی پی ہو یا بی ایل اے انہیں دنیا نے انہیں کالعدم قرار دیا ہے، بین الاقوامی ممالک نے ہمارے شواہد کی تصدیق کرنے کے بعد ان پر پابندی لگائی ہے، ہم اسلام آباد دھماکے میں ملوث دہشتگردوں کے شواہد بھی دنیا کے سامنے رکھیں گے۔
ان کا کہنا تھا کہ افغانستان صرف خود کش حملہ آوروں کے ذریعے ہی لانگ رینج حملے کرسکتا ہے، ٹی ٹی پی افغان حکومت سے ساتھ نظریاتی طور پر بھی اور آپریشنل طور پر بھی اتحادی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ملائیشیا اور تھائی لینڈ کی سرحد پر تارکین وطن کی کشتیاں ڈوب گئیں، 300 افراد لاپتہ