امریکی جم ٹیچر نے ایک گھنٹے میں تھری پوائنٹرز کا نیا عالمی ریکارڈ بنایا
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
واشنگٹن: امریکا میں باسکٹ بال کے شوقین ایک ہائی اسکول جم انسٹرکٹر نے ایسا کارنامہ انجام دے دیا ہے جس نے دنیا بھر میں کھیل کے شائقین کو حیران کر دیا ہے۔
راین مارٹن نامی اس استاد نے محض ایک گھنٹے کے اندر تھری پوائنٹر شاٹس کی وہ تعداد مکمل کی جو اب تک کوئی اور کھلاڑی نہیں کر سکا تھا۔ انہوں نے یکے بعد دیگرے 1516 تھری پوائنٹرز باسکٹ میں ڈال کر نہ صرف نیا گینیز ورلڈ ریکارڈ قائم کیا بلکہ اپنی مہارت، رفتار اور درستگی کا شاندار مظاہرہ بھی پیش کیا۔
یہ ریکارڈ معمولی نہیں بلکہ ایک انتہائی سخت اور تھکا دینے والے چیلنج کا نتیجہ ہے۔ گینیز ورلڈ ریکارڈ کے مطابق راین مارٹن نے اپنی کوشش کے دوران کل 1683 شاٹس پھینکے جن میں سے حیران کن طور پر 1516 اپنی جگہ پر مکمل درست نشانے کے ساتھ باسکٹ میں جا گرے۔ ان کی کامیابی کی یہ شرح پیشہ ور کھلاڑیوں کے لیے بھی ایک مثال بن چکی ہے، جس نے اس کاوش کو مزید قابلِ قدر بنا دیا ہے۔
دلچسپ بات یہ ہے کہ راین مارٹن کا اصل ہدف 1372 شاٹس پورے کرنا تھا، لیکن غیر معمولی یکسوئی اور مسلسل نشانہ بازی کے ساتھ انہوں نے اپنے ہی مقرر کردہ مقصد سے 145 زائد پوائنٹس اسکور کر لیے۔ اس حیران کن کارکردگی نے ان کے اعتماد اور صلاحیتوں کو نئی بلندیوں تک پہنچا دیا اور انہیں یہ اعزاز حاصل ہوا کہ وہ نہ صرف اپنا ہدف عبور کرنے میں کامیاب ہوئے بلکہ دنیا بھر میں ایک نیا معیار بھی قائم کیا۔
رپورٹس کے مطابق راین مارٹن کے لیے یہ کوئی پہلی بار نہیں کہ انہوں نے اپنا نام عالمی ریکارڈ میں درج کروایا ہو۔ اس کامیابی سے قبل بھی وہ دو مرتبہ گینیز ورلڈ ریکارڈ حاصل کر چکے ہیں اور یہ تازہ کارنامہ اُن کے کیریئر کا تیسرا عالمی اعزاز بن گیا ہے۔ انہیں کھیل اور خاص طور پر باسکٹ بال سے جس سطح کی لگن ہے، وہ اس کامیابی سے بخوبی جھلکتی ہے۔
واضح رہے کہ ایک گھنٹے کے اندر اتنی بڑی تعداد میں شاٹس پھینکنے کے لیے نہ صرف مضبوط جسمانی توانائی درکار ہوتی ہے بلکہ غیر معمولی ذہنی ارتکاز بھی ضروری ہے۔ راین مارٹن نے اس امتحان میں اعلیٰ کارکردگی دکھا کر یہ ثابت کیا کہ کھیل سے محبت، مسلسل مشق اور مضبوط ارادے کے ساتھ انسان ناممکن کو ممکن بنا سکتا ہے۔
.ذریعہ: Jasarat News
کلیدی لفظ: راین مارٹن
پڑھیں:
معروف گلوکار ایکون کو پولیس نے حراست میں لے لیا، 6 گھنٹے بعد رہائی
معروف امریکی گلوکار ایکون کو گزشتہ ہفتے امریکی ریاست جارجیا کے ڈی کالب کاؤنٹی DeKalb County میں پولیس نے گرفتار کر لیا۔
رپورٹس کے مطابق چیمبلی پولیس ڈیپارٹمنٹ کے اہلکاروں نے ایکون کو اس وقت حراست میں لیا جب ٹنٹ ورلڈ (Tint World) نامی آٹو اسٹائلنگ سینٹر کے باہر سیکیورٹی کیمروں نے ایک ایسی گاڑی کی نشاندہی کی جس کے خلاف وارنٹ جاری تھا۔
پولیس جب موقع پر پہنچی تو گاڑی کے مالک کی شناخت معروف گلوکار ایکون کے طور پر ہوئی، حکام کے مطابق انہوں نے گرفتاری کے دوران کوئی مزاحمت نہیں کی۔
پولیس ریکارڈ کے مطابق ایکون کو تقریباً چھ گھنٹے جیل میں رکھا گیا، جس کے بعد انہیں باقاعدہ کارروائی کے بعد رہا کر دیا گیا، تاہم تاحال یہ واضح نہیں ہو سکا کہ وارنٹ کس نوعیت کے مقدمے کے سلسلے میں جاری کیا گیا تھا۔
ذرائع کے مطابق یہ وارنٹ روس ویل پولیس ڈیپارٹمنٹ نے جاری کیا تھا۔
یاد رہے کہ چند ماہ قبل پولیس نے ایکون کا ڈرائیونگ لائسنس معطل پایا تھا، جب ان کی ٹیسلا سائبر ٹرک بیٹری ختم ہونے کے باعث سڑک پر بند ہوگیا تھا۔
52 سالہ ایکون نے اب تک اس واقعے پر کوئی بیان جاری نہیں کیا، تاہم وہ اس وقت بھارت میں اپنے میوزک ٹور پر موجود ہیں۔
افغان سرزمین سے پاکستان میں دہشتگردی کے ناقابلِ تردید شواہد ایک بار پھر سامنے آگئے