کیلیفورنیا کے ساحل پر اٹھتے پُراسرار بلبلوں کی اصل حقیقت سامنے آگئی
اشاعت کی تاریخ: 20th, November 2025 GMT
data-id="863a0a8" data-element_type="widget" data-widget_type="theme-post-content.default">
کیلیفورنیا کے پرسکون ساحلی علاقے میں اس وقت ایک غیر معمولی صورتحال دیکھنے میں آئی جب ہرموسا بیچ کے رہائشیوں نے سمندر کی سطح پر اچانک بلبلوں کے اٹھنے کو نوٹس کیا۔
بین الاقوامی خبر رساں اداروں کے مطابق ابتدا میں کسی کو اندازہ نہیں تھا کہ یہ بلبلے کہاں سے آرہے ہیں اور نہ ہی ان کی مقدار عام سمندری سرگرمیوں سے ملتی جلتی تھی۔ یہی وجہ تھی کہ چند ہی گھنٹوں میں سوشل میڈیا پر مختلف قیاس آرائیاں گردش کرنے لگیں اور ساحل پر موجود لوگوں میں ایک تجسس بھرے خوف کی فضا پیدا ہوگئی۔
اکثر رہائشیوں نے خیال ظاہر کیا کہ شاید یہ کسی بڑی آبی مخلوق کی موجودگی کی علامت ہے جب کہ بعض نے یہ تک سوچ لیا کہ کہیں کوئی زیرِ سمندر سب میرین تو ساحل کے قریب حرکت نہیں کر رہی۔ حالات اس وقت مزید دلچسپ بن گئے جب چند لوگوں نے دعویٰ کیا کہ یہ سرگرمی کسی نامعلوم خلائی وجود کا نتیجہ بھی ہوسکتی ہے۔
بعد ازاں یہ تمام اندازے اس وقت ختم ہو گئے جب معاملے کی حقیقت سامنے آئی۔
تحقیقات اور متعلقہ اداروں سے رابطوں کے بعد معلوم ہوا کہ بلبلوں کا یہ سلسلہ دراصل کسی نامعلوم مخلوق کا عمل نہیں بلکہ ایک معروف ٹیکنالوجی کمپنی کے جاری آپریشن کا حصہ تھا۔ اس موقع پر موجود ٹیم کے سربراہ رِک ڈیوِینے نے وضاحت کی کہ یہ بلبلے تب پیدا ہوئے جب کمپنی کی جانب سے کیلیفورنیا سے ایشیا تک بچھائی جانے والی فائبر آپٹک لائنوں کے لیے ضروری ٹیسٹنگ کا کام کیا جا رہا تھا۔
انہوں نے بتایا کہ کمپنی آنے والے مہینوں میں ایک نئی لائن شامل کرنے کی تیاری میں ہے اور اس کے لیے زیرِ سمندر بچھے ہوئے ڈکٹ سسٹم میں ہوا بھری جا رہی تھی تاکہ اس بات کی تصدیق ہو سکے کہ لائنیں صحیح طریقے سے کام کر رہی ہیں۔
اس پوری صورت حال می رہائشیوں کے خدشات بھی سمجھ میں آنے والے تھے کیوں کہ سمندر کی سطح پر چھوٹے وقفوں سے تیزی سے اٹھنے والے بلبلے کسی بھی غیرمتوقع صورتحال کا تاثر دے سکتے تھے۔
کئی مقامی افراد سمندر کنارے کھڑے اس وقت حیران رہ گئے جب معلوم ہوا کہ اس انوکھی سمندری سرگرمی کے پیچھے کسی مخلوق یا فوجی نقل و حرکت کا ہاتھ نہیں بلکہ جدید ڈیجیٹل انفرا اسٹرکچر کی توسیع کارفرما تھی۔ نئی فائبر آپٹک لائن کا مقصد براعظموں کے درمیان انٹرنیٹ کنیکٹیوٹی کو مزید مضبوط بنانا ہے، اور اس کے لیے پیشگی حفاظتی جانچ ناگزیر ہے۔
.ذریعہ: Jasarat News
پڑھیں:
سوشل میڈیا انفلوئنسر کی پُراسرار موت، پولیس نے تحقیقات میں کیا انکشاف کیا؟
دبئی میں مقیم 32 سالہ مشہور ٹریول انفلوئنسر انونے سُود کی ابتدائی میڈیکل رپورٹ میں ان کی موت کی وجہ ممکنہ طور پر منشیات کے زیادہ استعمال کو قرار دیا گیا ہے۔
لاس ویگاس میٹرو پولیٹن پولیس ڈیپارٹمنٹ کی جاری کردہ ابتدائی رپورٹ میں دبئی کے مقبول ٹریول انفلوئنسر انونے سود کی موت میں ممکنہ منشیات کے استعمال کے اشارے سامنے آئے ہیں۔ 32 سالہ سود کو 4 نومبر 2025 کو وِن لاس ویگاس ہوٹل کے کمرے میں بے ہوش پایا گیا تھا۔
یہ بھی پڑھیں: 25 سالہ ٹک ٹاکر کی اچانک موت، آخری فون کال پر کیا بات کی تھی؟
پولیس رپورٹ کے مطابق واقعے کی رات انونے سود کے ہمراہ 2 خواتین موجود تھیں، جن میں ان کی منگیتر شِوانی پریہار بھی شامل تھیں۔ تینوں نے مبینہ طور پر صبح تقریباً 4 بجے کیسینو فلور پر ایک شخص سے رابطہ کیا تاکہ وہ سفید پاوڈر خرید سکیں، جسے وہ کوکین سمجھ رہے تھے۔
گروپ واپس ہوٹل روم پہنچا اور رول کیے ہوئے 100 ڈالر کے نوٹ سے سفید مادّہ استعمال کیا، جس کے بعد سب سو گئے۔ کچھ دیر بعد خواتین جاگیں تو انہوں نے انونے سود کو بے ہوش اور بے حس و حرکت پایا، جس پر فوری طور پر ایمرجنسی سروسز کو اطلاع دی گئی۔
یہ بھی پڑھیں: معروف ٹک ٹاک اسٹار کو ویڈیو وائرل ہونے کے بعد موت کی دھمکیاں موصول
پیرامیڈکس نے موقع پر CPR اور نالاکسون (Narcan) کی پانچ خوراکیں دیں، تاہم سود کو بچایا نہ جا سکا اور انہیں صبح 7:23 بجے مردہ قرار دے دیا گیا۔ تفتیش کے دوران کمرے سے سفید پاوڈر کی ایک چھوٹی تھیلی اور رول شدہ نوٹ برآمد ہوا۔
انونے سود کی میت کو بھارت منتقل کیے جانے کے بعد 11 نومبر کو ان کے آبائی شہر نوئیڈا میں تدفین کی گئی۔ ان کی منگیتر شِوانی پریہار نے سوشل میڈیا پر جذباتی پیغام میں کہا کہ ’تم میری پناہ، میری زندگی اور میرا سب کچھ تھے۔ میں سمجھ نہیں پا رہی کہ اسے کیسے قبول کروں‘۔
یہ بھی پڑھیں: ٹک ٹاک اکاؤنٹ ڈیلیٹ نہ کرنے پر بیٹی کو قتل کرنے والا باپ گرفتار
واضح رہے کہ اننائے سود دبئی کی آن لائن کمیونٹی میں نمایاں مقام رکھتے تھے۔ انسٹاگرام پر 14 لاکھ فالوورز کے ساتھ وہ اپنی سنیماٹک ٹریول ویڈیوز اور شاہانہ لائف اسٹائل کے باعث مشہور تھے۔ انہیں مسلسل تین برس تک فوربس انڈیا کے ’ٹاپ 100 ڈیجیٹل اسٹارز‘ میں شامل کیا گیا تھا۔ وہ لاس ویگاس میں منعقد ہونے والے Concours آٹوموٹیو ایونٹ میں شرکت کے لیے امریکہ آئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انفلیوئنسر انفلیوئنسر موت انونے سود
سعودی عرب میں بارش کے لیے استسقاء کی نمازیں ادا کی گئیں