ماہرہ خان کا صبا قمر سے متعلق افواہوں پر مؤقف
اشاعت کی تاریخ: 20th, November 2025 GMT
پاکستانی فلم انڈسٹری کی مقبول اداکارہ ماہرہ خان نے اپنے اور صبا قمر کے درمیان چپقلش سے متعلق گردش کرنے والی خبروں کی تردید کر دی ہے۔ نئی فلم ’نیلوفر‘ کی تشہیر کے دوران فواد خان کے ہمراہ ایک نجی ٹی وی پروگرام میں گفتگو کرتے ہوئے ماہرہ سے پوچھا گیا کہ میڈیا میں بارہا دونوں کے درمیان ’خاموش دشمنی‘ کا تاثر کیوں دیا جاتا ہے۔ اس پر ماہرہ خان نے مسکراتے ہوئے کہا کہ اس تاثر میں بالکل بھی حقیقت نہیں ہے۔ انہوں نے واضح کیا کہ ان کی جانب سے کبھی کوئی مخالفت یا رقابت نہیں رہی اور انہیں یہ سوال کئی مرتبہ سننے کو ملا ہے ماہرہ نے صبا قمر کو بے حد باصلاحیت اور مضبوط اداکارہ قرار دیتے ہوئے کہا کہ دنیا بھر میں یہ رجحان پایا جاتا ہے کہ جب دو کامیاب خواتین ایک ساتھ نظر آئیں تو لوگ خود ساختہ مقابلہ یا دشمنی کی کہانی بنا دیتے ہیں۔ ان کے مطابق اس طرح کی افواہیں غیر ضروری طور پر رقابت کا ماحول پیدا کرتی ہیں۔ ماہرہ کا کہنا تھا کہ اگر دونوں کو ایک ساتھ کام کرنے کا موقع ملے تو یہ نہ صرف ان کی کارکردگی مضبوط کرے گا بلکہ ایک معیار ساز پروجیکٹ بھی سامنے آ سکتا ہے۔ انہوں نے بتایا کہ ابھی تک صبا قمر کے ساتھ کسی مشترکہ پروجیکٹ میں کام نہیں کیا، مگر موقع ملا تو وہ ضرور ان کے ساتھ کام کرنا چاہیں گی۔
.
ذریعہ
ذریعہ: Nawaiwaqt
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار