اسٹاک ایکسچینج میں تیزی کا رجحان برقرار، انڈیکس میں 1,300 پوائنٹس کا اضافہ
اشاعت کی تاریخ: 20th, November 2025 GMT
پاکستان اسٹاک ایکسچینج میں جمعرات کو مثبت معاشی اشاریوں کے باعث خریداری کا سلسلہ جاری رہا۔
ٹریڈنگ کے ابتدائی لمحات میں بینچ مارک کے ایس ای 100 انڈیکس میں تقریباً 1,300 پوائنٹس کا اضافہ ریکارڈ کیا گیا۔
یہ بھی پڑھیں:اسٹاک ایکسچینج میں سرمایہ کاروں کا اعتماد بحال، انڈیکس 160,000 کی سطح عبور کرگیا
مثبت رجحان پورے کاروباری سیشن کے دوران برقرار رہا اور کے ایس ای 100 انڈیکس ایک موقع پر 163,817.
دوپہر 1 بج کر 40 منٹ پر بینچ مارک انڈیکس 162,870.24 کی سطح پر تھا، جو 643.97 پوائنٹس یعنی 0.40 فیصد اضافے کو ظاہر کرتا ہے۔
Asian markets rallied in early trading Thursday, buoyed by Nvidia's strong earnings amid easing AI valuation fears, while investors await delayed U.S. jobs data. https://t.co/QLCi71cdbr pic.twitter.com/huye0YFlZO
— Investify Pakistan (@investifypk) November 20, 2025
آٹوموبائل اسمبلی، سیمنٹ، کمرشل بینک، کھاد، آئل اینڈ گیس ایکسپلوریشن، آئل مارکیٹنگ کمپنیز، پاور جنریشن اور ریفائنری جیسے نمایاں شعبوں میں خریداری کا رجحان دیکھا گیا۔
انڈیکس میں زیادہ وزن رکھنے والے شیئرز جیسے حبکو، اے آر ایل، مری، او جی ڈی سی، پی او ایل، پی پی ایل، ایف ایف سی، ایم ای بی ایل، یو بی ایل اور این بی پی مثبت میں ٹریڈ ہوئے۔
مزید پڑھیں: پاکستان اسٹاک مارکیٹ کی تاریخی بلندی کا ملک کی معیشت سے کتنا تعلق ہے؟
پاکستان کے بڑے صنعتی پیداواری شعبے میں بہتری کے آثار نظر آئے ہیں، کیونکہ مالی سال 26-2025 کی پہلی سہ ماہی میں اس میں گزشتہ سال کی اسی مدت کے مقابلے میں 4.08 فیصد کی ترقی ریکارڈ کی گئی ہے۔
کارپوریٹ شعبے میں، گھانی کیمیکل انڈسٹریز لمیٹڈ نے مری انرجیز لمیٹڈ کے ساتھ 14 ارب روپے کے ایک بڑے مشترکہ منصوبے کا اعلان کیا ہے، جو پاکستان کے توانائی اور کیمیکل سیکٹرز کے لیے ایک اہم پیش رفت قرار دیا جا رہا ہے۔
گزشتہ روز یعنی بدھ کو مجموعی کاروباری حجم میں کمی اور مارکیٹ کے مخلوط رجحان کے باوجود پاکستان اسٹاک ایکسچینج مثبت زون میں بند ہوئی۔
کے ایس ای 100 انڈیکس 1,291.15 پوائنٹس اضافے کے ساتھ 162,226.28 پر بند ہوا، جو 0.8 فیصد اضافہ ظاہر کرتا ہے۔
مزید پڑھیں: سرمایہ کاروں کا اعتماد اسٹاک ایکسچینج میں بہتری کا باعث، کیا معیشت مستحکم ہورہی ہے؟
عالمی طور پر، جمعرات کو ایشیائی مارکیٹس میں ریلیف ریلی دیکھی گئی، جس میں سرمایہ کاروں نے نیوڈیا کی ریکارڈ آمدنی کا خیرمقدم کیا۔
امریکی ڈالر بھی مضبوط ہوا کیونکہ تاجر دیر سے جاری ہونے والے روزگار کے اعداد و شمار کے منتظر تھے۔
ایم ایس سی آئی کے ایشیا پیسیفک انڈیکس میں 0.6 فیصد اضافہ ہوا، جبکہ نیوڈیا نے بدھ کو جاری کی گئی اپنی آمدنی میں اگلی سہ ماہی کی ایسی آمدنی کی پیشگوئی کی جو وال اسٹریٹ کے اندازوں سے کہیں زیادہ تھی۔
اینوڈیا کے سی ای او جن سن ہوانگ نے بتایا کہ بڑی کلاؤڈ کمپنیوں کی جانب سے اس کے اے آئی چِپس کی زبردست طلب برقرار ہے اور انہوں نے اے آئی ببل سے متعلق خدشات کو مسترد کر دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آٹوموبائل آئل اینڈ گیس انڈیکس اینوڈیا پاکستان اسٹاک ایکسچینج پاور جنریشن ڈالر ریفائنری کلاؤڈ کمرشل بینک کھاد
ذریعہ
ذریعہ: WE News
کلیدی لفظ: آٹوموبائل ا ئل اینڈ گیس انڈیکس اینوڈیا پاکستان اسٹاک ایکسچینج پاور جنریشن ڈالر ریفائنری کلاؤڈ کھاد اسٹاک ایکسچینج میں پاکستان اسٹاک انڈیکس میں
پڑھیں:
سپریم کورٹ: 5 سالہ بچی سے زیادتی و قتل کے مجرم کی سزائے موت برقرار، فیصلہ سنا دیا گیا
فائل فوٹو
سپریم کورٹ نے 5 سالہ بچی سے زیادتی اور قتل کے مجرم کی اپیل مسترد کرتے ہوئے فیصلے میں کہا کہ رضا کارانہ نشہ جرم کا دفاع نہیں بن سکتا۔
سپریم کورٹ کے جسٹس ہاشم خان کاکڑ نے فیصلہ تحریر کیا اور اپیل خارج کر دی گئی، تین رکنی بینچ میں جسٹس صلاح الدین پنہور اور جسٹس اشتیاق ابراہیم شامل تھے۔
عدالتی فیصلے میں کہا گیا کہ رضاکارانہ طور پر نشہ کرنے والا شخص جرم سے استثنیٰ کا دعویٰ نہیں کر سکتا، اپنی مرضی سے شراب یا نشہ آور چیز استعمال کرنے والا مجرمانہ ذمہ داری سے بچنے کا حق نہیں رکھتا، جرم سے استثنیٰ صرف اس صورت میں ممکن ہے جب کسی شخص کو اس کی مرضی کے خلاف یا لاعلمی میں نشہ دیا گیا ہو۔
سپریم کورٹ نے ٹرائل کورٹ اور ہائیکورٹ کی جانب سے دی گئی سزائے موت برقرار رکھی، مجرم کے وکیل نے نشے کی حالت کو بنیاد بنا کر سزائے موت عمر قید میں تبدیل کرنے کی استدعا کی، مجرم نے خود تسلیم کیا کہ اس نے اپنی مرضی سے شراب پی تھی۔
فیصلے میں کہا گیا کہ رضاکارانہ نشہ مجرمانہ عمل کے دفاع کے طور پر استعمال نہیں کیا جا سکتا، مجرم نے بے دردی سے کمسن بچی کو زیادتی کے بعد قتل کیا، جرم انتہائی سنگین نوعیت کا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ