1888 کے بعد سب سے چھوٹا ایشز ٹیسٹ، صرف 2 دن ہی میں فیصلہ ہوگیا
اشاعت کی تاریخ: 22nd, November 2025 GMT
آسٹریلیا اور انگلینڈ کے درمیان 5 میچوں پر مشتمل ایشز سیریز کا پہلا ٹیسٹ صرف 2 دن میں ختم ہوگیا، جو اوورز کے اعتبار سے 1888 کے بعد سب سے مختصر ایشز ٹیسٹ کے طور پر ریکارڈ میں شامل ہوا۔
اس موقع پر آسٹریلیا نے انگلینڈ کے دیے گئے 205 رنز کے ہدف کو محض 2 وکٹوں کے نقصان پر حاصل کر لیا۔
ٹریوس ہیڈ نے دھواں دھار بیٹنگ کرتے ہوئے 69 گیندوں پر سنچری مکمل کی اور مجموعی طور پر 123 رنز اسکور کر کے اپنی ٹیم کی جیت میں اہم کردار ادا کیا۔
انگلینڈ کی ٹیم دوسری اننگز میں آسٹریلین پیسرز کے سامنے بے بس نظر آئی اور صرف 164 رنز بنا کر آؤٹ ہو گئی، جبکہ پہلی اننگز میں وہ 174 رنز پر ڈھیر ہوئی تھی۔ آسٹریلیا کی پہلی اننگز میں 132 رنز پر آؤٹ ہوئی تھی۔
آسٹریلیا کے فاسٹ باؤلر مچل اسٹارک نے پہلی اننگز میں 7 اور دوسری اننگز میں 3 وکٹیں حاصل کیں، جس کے ساتھ وہ ایشز کے کسی بھی ایک ٹیسٹ میں پہلی بار 10 وکٹیں لینے میں کامیاب ہوئے۔
اسٹارک کی شاندار بولنگ اور ہیڈ کی سنچری نے ٹیم کو چھوٹے ٹیسٹ میں واضح فتح دلائی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.
ذریعہ
ذریعہ: WE News
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ