کےسی اور جےکے سی او کی جانب سے قونصل جنرل کے اعزازمیں الوداعیہ
اشاعت کی تاریخ: 1st, December 2025 GMT
data-id="863a0a8" data-element_type="widget" data-widget_type="theme-post-content.default">
جدہ (سید مسرت خلیل) کشمیرکمیٹی (کے سی) اورجموں کشمیر کمیونٹٰی اوورسیز (جے کے سی او) کے زیراہتمام مقامی ہوٹل میں سبکدوش ہونے والے قونصل جنرل اسلامی جمہوریہ پاکستان عزت ماٰب خالد مجید کے اعزاز میں ایک پروقار الوداعی تقریب منعقد ہوئی۔ جس میں کمیونٹی کی معزز شخصیات کے علاوہ سفیرپاکستان محمد فاروق ریاض سے خصوصی طور پرتشریف لائے۔ تاکہ اپنے رفیقِ کار کو محبت اور احترام کے ساتھ رخصت کریں۔ تقریب کا آغاز قاری محمد آصف نے تلاوت قران پاک سے کیا۔ کشمیرکمیٹی کے رکن جان گلزار کے نظامت کے فرائض انجام دیتے ہوئے کشمیر کمیٹی جدہ کے چیئرمین مسعود احمد پوری کو خطبہ استقبالیہ کی دعوت دی۔ مسعودی پوری نے مہمانوں کو خوش آمدہد کہتے ہوئے کہا کہ اگرمیں تھوڑا وقت زیادہ لے لوں تو ناراض نہ ہونا کیوںکہ یہ قصہ چھ سالوں کا ہے دوچار دنوں کی بات نہيں خالد مجید صاحب جیسے لوگوں کی مداح سرائی کرنا کوئی پاپ نہیں۔ انھوں نے کہا ہم سب یہاں ایک نہایت محترم شخصیت خالد مجید قونصل جنرل آف پاکستان کو خراج تحسین پیش کرنے کے لئے جمع ہوئے ہیں جن کی مد ِت تعیناتی اس ماہ کے اختتام پرمکمل ہو رہی ہے۔ انہوں نے اپنے پورے دورِ ملازمت میں پاکستانی کمیونٹی کے مسائل کو ترجیحی بنیادوں پر حل کیا اور کشمیر کاز کے لیے موثر کردار ادا کیا۔ قونصل جنرل خالد مجید کا دور خدمت دیانت، محنت اورعوامی رابطوں کی مضبوطی کا مثالی باب ہے۔ پاکستان کے سفیر احمد فاروق نے خطاب کرتے ہوئے کہا کہ مغربی ریجن میں قونصل جنرل خالد مجید کی خدمات ہمیشہ یاد رکھی جائیں گی۔ انہوں نے کہا کہ خالد مجید نے کمیونٹی ویلفیئر، قونصلر سروسز، اور پاکستانی شہریوں کے مسائل کے حل کے لیے انتہائی متحرک اور قابلِ ستائش کردار ادا کیا۔ قونصل جنرل خالد مجید نے اپنے خطاب میں بتایا کہ وہ پاکستان سے جدہ چار اہم ذمہ داریاں لے کر آئے تھے: کمیونٹی کی خدمت، جیل کے کیسز کا حل، قونصلر سروسز میں بہتری، اور قونصل خانے کی نئی عمارت کی تکمیل۔ انہوں نے کہا، “اللہ کا شکر ہے کہ یہ چاروں اہداف کامیابی سے مکمل ہوئے اور مجھے دلی اطمینان ہے کہ میں نے اپنی ذمہ داری پوری دیانت داری کے ساتھ ادا کی”۔ انہوں نے مزید کہا کہ پاکستانی کمیونٹی نے انہیں اور ان کے خاندان کو جس محبت، عزت اور تعاون سے نوازا، خصوصاً بیماری کے دوران ساتھ دیا، وہ ہمیشہ یاد رہے گا۔ سرداراقبال اور دیگر مقررین نے بھی قونصل جنرل کی نمایاں خدمات کو خراجِ تحسین پیش کیا اور ان کے مستقبل کے لیے نیک خواہشات کا اظہار کیا۔ دیگر نے بھی خالد مجید کی کمیونٹی کے لیے خدمات کو مثالی قرار دیا۔ تقریب میں قونصل جنرل کو سفیرپاکستان ، کشمیر کمیٹی اور جموں کشمیرکمیونٹی اوورسیزکے ممبران نے ان کی خدمات پر یادگاری شیلڈ پیش کی۔
ذریعہ: Jasarat News
کلیدی لفظ: خالد مجید انہوں نے کہا کہ کے لیے
پڑھیں:
حیدرآباد: سرپرست الخدمت فائونڈیشن وامیرجماعت اسلامی حیدرآباد حافظ طاہر مجید ودیگر سینٹرل جیل میں قیدیوں میں گرم کمبل تقسیم کررہے ہیں
data-id="863a0a8" data-element_type="widget" data-widget_type="theme-post-content.default"> جسارت نیوز
گلزار
گولارچی، محتسب اعلیٰ کی کچہری ، شہریوں نے شکا یتوں کے انبار لگا دیے