50 سالہ فرحان علی آغا کی فٹنس دیکھ کر مداح حیران رہ گئے
اشاعت کی تاریخ: 3rd, December 2025 GMT
پاکستانی ڈرامہ انڈسٹری کے معروف اداکار فرحان علی آغا کی فٹنس دیکھ کر مداح حیران رہ گئے۔
ماڈلنگ سے اپنے کیریئر کا آغاز کرنے کے بعد اداکاری کی دنیا میں اپنی پہچان بنانے والے فرحان علی آغا ایک بار پھر سوشل میڈیا پر توجہ کا مرکز بن گئے ہیں۔
تیرے بن اور سنو چندا جیسے مقبول ڈراموں میں اپنی جاندار اداکاری سے دل جیتنے والے فرحان، پیشہ ورانہ کامیابیوں کے ساتھ ساتھ اپنی فٹنس کے معاملے میں بھی ہمیشہ سنجیدہ رہے ہیں۔
50 سالہ فرحان علی آغا مستقل مزاجی کے ساتھ ورزش اور صحت مند طرزِ زندگی کو فالو کرتے ہیں اور اپنے چاہنے والوں کے لیے انسٹا گرام پر باقاعدگی سے اپنی ورک آؤٹ ویڈیوز شیئر کرتے رہتے ہیں۔
حال ہی میں انہوں نے ایک اور ویڈیو پوسٹ کی جس نے انٹرنیٹ پر دھوم مچا دی۔
View this post on Instagram
A post shared by Farhan Ally Agha (@farhanallyaghaofficial)
مداح ان کی فٹنس، ڈسپلن اور جوان نظر آنے والی توانائی پر نہ صرف حیران ہیں بلکہ دل کھول کر تعریفیں بھی کر رہے ہیں۔
ویڈیو کے نیچے کیے گئے تبصروں میں لوگوں نے ان کی محنت کو خوب سراہا۔
ایک صارف نے لکھا،’آپ باقاعدہ ہیرو کے روپ میں آسکتے ہیں، ہالی ووڈ بھی ٹرائی کریں۔‘
ایک اور نے کہا،’آپ نے ثابت کر دیا کہ عمر صرف ایک عدد ہے۔‘
جبکہ کسی نے محبت بھرے انداز میں لکھا،فرحان بھائی، آپ کبھی بوڑھے نہیں ہوں گے۔‘
مداحوں کے اس ردِعمل سے واضح ہوتا ہے کہ فرحان علی آغا نہ صرف اپنی اداکاری سے بلکہ اپنی فٹنس سے بھی سب کو متاثر کر رہے ہیں۔
.ذریعہ: Daily Mumtaz
کلیدی لفظ: فرحان علی آغا
پڑھیں:
بھارت پاکستانی ڈراموں کی مقبولیت سے خوفزدہ، نیٹ فلکس پر رسائی محدود کرنے کی کوشش:فرحان سعید
پاکستانی اداکار و گلوکار فرحان سعید نے کہا ہے کہ بھارت پاکستانی ڈراموں کی بڑھتی ہوئی مقبولیت سے خوفزدہ ہے اور اسی وجہ سے وہ پاکستانی کانٹینٹ کی نیٹ فلکس تک رسائی کو محدود کرنے کی کوشش کرتا ہے۔ ایک پوڈکاسٹ میں گفتگو کرتے ہوئے فرحان سعید نے بتایا کہ پاکستان کی شوبز انڈسٹری کے موجودہ حالات کے مطابق بہترین طریقہ عالمی اسٹریمنگ پلیٹ فارمز کے لیے معیاری کانٹینٹ تیار کرنا ہے، کیونکہ نیٹ فلکس پر آنے کے بعد پاکستانی ڈرامے دنیا بھر میں دیکھے جا سکتے ہیں۔ انہوں نے کہا کہ سیاسی وجوہات کے سبب بھارت پاکستان کے ڈراموں کو بلاک کرنے کی کوشش کرتا ہے، لیکن معیار کے لحاظ سے یہ ڈرامے پہلے ہی بھارت میں مقبول ہو چکے ہیں۔ فرحان سعید نے بتایا کہ دہلی ایئرپورٹ پر انہوں نے خود دیکھا کہ پاکستانی ڈرامہ ’’میوٹ‘‘ ہونے کے باوجود سب لوگ اسے دلچسپی سے دیکھ رہے تھے۔ اداکار نے مزید کہا کہ اچھا کانٹینٹ بلاک کرنے سے نہیں رکتا، لوگ ہر حال میں اسے دیکھتے ہیں، اور ضرورت اس بات کی ہے کہ پاکستان خود اپنے کانٹینٹ کا کنٹرول سنبھالے تاکہ مستقبل میں کسی بھی پابندی کے خدشات سے بچا جا سکے۔
عمران خان کے انتقال کی افواہوں پر اداکارہ مشی خان رو پڑیں، ویڈیو وائرل