50 سالہ فرحان علی آغا کی فٹنس دیکھ کر مداح حیران رہ گئے
اشاعت کی تاریخ: 3rd, December 2025 GMT
پاکستانی ڈرامہ انڈسٹری کے معروف اداکار فرحان علی آغا کی فٹنس دیکھ کر مداح حیران رہ گئے۔
ماڈلنگ سے اپنے کیریئر کا آغاز کرنے کے بعد اداکاری کی دنیا میں اپنی پہچان بنانے والے فرحان علی آغا ایک بار پھر سوشل میڈیا پر توجہ کا مرکز بن گئے ہیں۔
تیرے بن اور سنو چندا جیسے مقبول ڈراموں میں اپنی جاندار اداکاری سے دل جیتنے والے فرحان، پیشہ ورانہ کامیابیوں کے ساتھ ساتھ اپنی فٹنس کے معاملے میں بھی ہمیشہ سنجیدہ رہے ہیں۔
50 سالہ فرحان علی آغا مستقل مزاجی کے ساتھ ورزش اور صحت مند طرزِ زندگی کو فالو کرتے ہیں اور اپنے چاہنے والوں کے لیے انسٹا گرام پر باقاعدگی سے اپنی ورک آؤٹ ویڈیوز شیئر کرتے رہتے ہیں۔
حال ہی میں انہوں نے ایک اور ویڈیو پوسٹ کی جس نے انٹرنیٹ پر دھوم مچا دی۔
View this post on Instagramمداح ان کی فٹنس، ڈسپلن اور جوان نظر آنے والی توانائی پر نہ صرف حیران ہیں بلکہ دل کھول کر تعریفیں بھی کر رہے ہیں۔
ویڈیو کے نیچے کیے گئے تبصروں میں لوگوں نے ان کی محنت کو خوب سراہا۔
ایک صارف نے لکھا،’آپ باقاعدہ ہیرو کے روپ میں آسکتے ہیں، ہالی ووڈ بھی ٹرائی کریں۔‘
ایک اور نے کہا،’آپ نے ثابت کر دیا کہ عمر صرف ایک عدد ہے۔‘
جبکہ کسی نے محبت بھرے انداز میں لکھا،فرحان بھائی، آپ کبھی بوڑھے نہیں ہوں گے۔‘
مداحوں کے اس ردِعمل سے واضح ہوتا ہے کہ فرحان علی آغا نہ صرف اپنی اداکاری سے بلکہ اپنی فٹنس سے بھی سب کو متاثر کر رہے ہیں۔
.ذریعہ: Express News
کلیدی لفظ: فرحان علی آغا
پڑھیں:
بھارت پاکستانی کانٹینٹ کو نیٹ فلکس پر بلاک کرنا چاہتا ہے، فرحان سعید کا دعویٰ
پاکستانی اداکار و گلوکار فرحان سعید نے کہا ہے کہ بھارت پاکستانی ڈراموں کی بڑھتی ہوئی مقبولیت سے خوفزدہ ہے اور اسی وجہ سے وہ پاکستانی کانٹینٹ کی نیٹ فلکس تک رسائی کو محدود کرنے کی کوشش کرتا ہے۔
ایک پوڈکاسٹ میں گفتگو کرتے ہوئے فرحان سعید کا کہنا تھا کہ پاکستان کی شوبز انڈسٹری کے موجودہ حالات کے مطابق سب سے بہتر راستہ عالمی اسٹریمنگ پلیٹ فارمز کے لیے معیاری کانٹینٹ بنانا ہے، کیونکہ نیٹ فلکس پر آنے کے بعد پاکستانی ڈراموں کو پوری دنیا دیکھ سکتی ہے۔
انہوں نے کہا کہ سیاسی وجوہات کے باعث پڑوسی ملک پاکستان کے ڈراموں کو بلاک کرنے کی کوشش کرتا ہے، جبکہ ہمارے ڈرامے معیار کے لحاظ سے پہلے ہی بھارت تک پہنچ چکے ہیں اور وہاں بے حد مقبول ہیں۔
فرحان سعید نے بتایا کہ انہوں نے دہلی ایئرپورٹ پر اپنی آنکھوں سے دیکھا کہ پاکستانی ڈرامہ میوٹ ہونے کے باوجود سب لوگ اسے دلچسپی سے دیکھ رہے تھے۔
اداکار کا کہنا تھا کہ اچھا کانٹینٹ بلاک کرنے سے نہیں رکتا، لوگ ہر حال میں اسے دیکھتے ہیں۔ ضرورت اس بات کی ہے کہ پاکستان اسٹریمنگ پلیٹ فارمز پر اپنے کانٹینٹ کا کنٹرول خود سنبھالے تاکہ مستقبل میں کسی بھی قسم کی پابندی کے خدشے سے بچا جا سکے۔
تائیوان میں مداخلت کی ہر کوشش کچل دیں گے‘ چین