اپنے والد کا سب سے بڑا مداح ہوں، ابھیشیک بچن
اشاعت کی تاریخ: 2nd, December 2025 GMT
معروف بھارتی اداکار ابھیشیک بچن نے حال ہی میں اپنے والد اور لیجنڈ اداکار امیتابھ بچن کی وراثت اور فلمی ورثے کے حوالے سے کھل کر گفتگو کرتے ہوئے کہا ہے کہ وہ کبھی بھی اپنے والد کی کسی بھی کلاسک فلم کو دوبارہ نہیں کریں گے۔
آئی ایف پی کری ایٹو فیسٹیول میں گفتگو کرتے ہوئے 49 سالہ اداکار نے انکشاف کیا کہ وہ بچپن سے ہی امیتابھ بچن کے بڑے مداح رہے ہیں اور انہوں نے اپنی زندگی کا زیادہ تر حصہ والد کی فلمیں بار بار دیکھتے ہوئے گزارا۔
انہوں نے بتایا کہ والد کے کام کے لیے ان کی عزت و احترام صرف بیٹے ہونے تک محدود نہیں، بلکہ وہ دل سے ان کے سب سے بڑے مداح ہیں۔ ابھیشیک نے کہا، ’’میں ان کا سب سے بڑا فین ہوں۔‘‘
اس موقع پر انہوں نے وضاحت کی کہ بسا اوقات اداکاروں کو لگتا ہے کہ وہ کسی کردار کو نئے انداز میں نبھا سکتے ہیں یا اس میں بہتری لا سکتے ہیں، مگر انہیں کبھی ایسا محسوس نہیں ہوا کہ وہ امیتابھ بچن کی کسی بھی کردار نگاری کو بہتر بنا سکتے ہیں۔ انہوں نے کہا، ’’کوئی بھی ان سے بہتر نہیں کر سکتا، اسی لیے ان کی فلموں کو دوبارہ کرنا میرے لیے بے معنی ہے۔‘‘
گفتگو کے دوران ابھیشیک نے اپنے بچپن کی یادیں تازہ کرتے ہوئے بتایا کہ وہ دوستوں کے ساتھ والد کی فلمیں دیکھتے اور پھر ان کے مشہور مناظر کی اداکاری کرتے تھے۔ انہوں نے مسکراتے ہوئے کہا، ’’ہم سب بچپن میں بچن بننا چاہتے تھے۔‘‘ ان کے مطابق ان کی نسل کے لیے شعلے کے ہیرو امیتابھ بچن ہی اصل فلمی آئیکن تھے۔
واضح رہے کہ ابھیشیک بچن کو رواں سال ریلیز ہونے والی فلم *ہاؤس فل 5* میں دیکھا گیا تھا۔ ٹرن منسکھانی کی ہدایتکاری میں بننے والی اس فلم میں اکشے کمار، سونم باجوان اور جیکولین فرنینڈس نے بھی اداکاری کی۔
.
ذریعہ
ذریعہ: Daily Mumtaz
کلیدی لفظ: امیتابھ بچن انہوں نے
پڑھیں:
کراچی: ڈاکٹر آکاش قتل کیس میں گرفتار تینوں ڈاکو اپنے ساتھیوں کی فائرنگ سے ہلاک
ڈاکٹر آکاش قتل کیس میں گرفتار تینوں ڈاکو اپنے فرار ساتھیوں کی فائرنگ سے ہلاک ہوگئے۔اسپیشل انویسٹی گیشن (ایس آئی ایو) نے دعویٰ کیا ہےکہ گلشنِ معمار، عمر بروہی گوٹھ میں گرفتار ڈاکوؤں کی نشاندہی پر ان کے فرار ساتھیوں کی گرفتاری کے لیے چھاپا مارا تو ملزمان نے فائرنگ کردی جس سے پولیس اہلکار بھی زخمی ہوگیا۔ایس آئی یو کا کہنا ہے کہ فائرنگ کےدوران ڈاکٹر آکاش قتل کیس میں گرفتار تینوں ڈاکو اپنے ہی ساتھیوں کی فائرنگ سے مارے گئے۔13 جولائی کو کراچی کے علاقے کلفٹن میں بینک کے باہر ڈاکوؤں کی فائرنگ سے نوجوان ڈاکٹر آکاش جاں بحق ہوگیا تھا جب کہ ملزمان بینک سے نکالے گئے 50 لاکھ روپے میں سے 25 لاکھ لوٹ کر فرار ہوگئے تھے۔ڈاکٹر آکاش قتل کیس میں پولیس نے تفتیشی رپورٹ جوڈیشل مجسٹریٹ جنوبی کی عدالت میں جمع کرائی تھی جس میں واردات میں نامعلوم خاتون کے ملوث ہونے کاانکشاف بھی کیا گیا تھا۔پولیس نے بتایا تھا کہ کلفٹن تین تلوار کے قریب ڈکیتی واردات کے دوران ڈاکٹر آکاش کو فائرنگ کرکے قتل کرنے کے واقعے میں گرفتار ملزمان کے بینکوں کے باہر رقم چھیننے اور تاجر کو لوٹنے کے واقعات میں ملوث ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی