جیا بچن کا اپنی نواسی کو شادی سے متعلق حیران کن مشورہ
اشاعت کی تاریخ: 1st, December 2025 GMT
MUMBAI:
جیا بچن بالی ووڈ کی مشہور اداکارہ اور سیاسی رہنما بھی ہیں اور وہ بعض اوقات متنازع بیانات کی وجہ سے بھی خبروں میں رہتی ہیں، چاہے بات فلم انڈسٹری کی ہویا سیاست کی، اور ایسا ہی ایک بیان انہوں نے اپنی نواسی نویا نویل نندا کو شادی سے متعلق مشورے پر دیا ہے۔
بھارتی میڈیا کی رپورٹ کے مطابق جیا بچن نے وی دا ویمن ایونٹ میں انٹرویو کے دوران ایک سوال پر کہا کہ آج کے دور میں شادی کا تصور پرانا ہو چکا ہے اور یہ بھی مشورہ دیا کہ ان کی نواسی نویا نویل نندا، جو ایک ہفتے میں 28 سال کی ہو جائیں گی، کو شادی نہیں کرنی چاہیے۔
انہوں نے کہا کہ آج کی نوجوان خواتین جانتی ہیں کہ بچوں کی پرورش کیسے بہتر طریقے سے کی جائے اور آج کے بچے پہلے سے کہیں زیادہ ذہین ہوتے جا رہے ہیں۔
جیا بچن نے کہا کہ انہیں لگتا ہے کہ شادی ایک پرانا تصور ہے اور وہ نہیں چاہتیں کہ ان کی نواسی نویا نویلی نندا شادی کرے۔
رپورٹ کے مطابق جیا بچن سے جب شادی کی قانونی حیثیت کے بارے میں سوال کیا گیا تو انہوں نے بے فکری سے کہا کہ ’بس زندگی کا مزہ لو‘، اسی دوران ان سے پوچھا گیا کہ اگر ان کی نواسی نویا نندا ان کی طرح شادی کے بعد اپنا کیریئر چھوڑ دیں تو کیا انہیں اعتراض ہو گا تو انہوں نے جواب دیا کہ’میں نہیں چاہتی کہ نویا شادی کرے’۔
جیا بچن سے وضاحت کے لیے پوچھا گیا کہ شادی کو وہ پرانا تصور کیوں سمجھتی ہیں تو انہوں نے دعویٰ کیا کہ آج کے بچے ہر معاملے میں دوسروں سے آگے نکل سکتے ہیں، ان کے لیے شادی کسی میٹھی ڈش کی طرح ہے اور شادی کو دہلی کے لڈو سے تشبیہ دیتے ہوئے کہا کہ ’اگر کھالو تو مشکل میں پڑ جاؤ گے اور اگر نہ کھاؤ تو پچھتاؤ گے‘۔
خیال رہے کہ 27 سالہ نویا نویلی نندا نے آرا ہیلتھ کے نام سے ایک ٹیک پلیٹ فارم کی بنیاد رکھی ہے، وہ جیا بچن اور امیتابھ بچن کی نواسی اور ابھیشک کی بھانجی ہیں، ان کے بھائی اگستیا نندا نے ایک سال قبل اداکاری کی دنیا میں قدم رکھا ہے۔
نویا نویلی نندا کے والد نکھل نندا کا تعلق دہلی سے ہے اور ایک صنعت کار ہیں، نویا نے 2020 میں امریکا سے گریجویشن کی ہے اور بھارت کی ایک یونیورسٹی سے ایم بی اے کر رہی ہیں۔
.ذریعہ: Express News
کلیدی لفظ: انہوں نے کی نواسی جیا بچن کہا کہ ہے اور
پڑھیں:
کیا سحر خان شادی کر رہی ہیں؟
مختصر وقت پاکستانی شوبز انڈسٹری میں اپنی جگہ بنانے والی معروف اداکارہ سحر خان نے مداحوں کو شش و پنج میں مبتلا کر دیا۔
اداکارہ نے فوٹوز اینڈ ویڈیوز شیئرنگ پلیٹ فارم انسٹاگرام پر مبہم اسٹوری شیئر کر کے اپنی شادی سے متعلق قیاس آرائیوں کو جنم دے دیا۔
ان کی انسٹا اسٹوری میں دو لوگ دکھائی دے رہے ہیں، ممکنہ طور پر ان میں سے ایک سفید جوڑے میں سحر خان خود ہیں جبکہ ان کے ساتھ ہلکے گلابی لباس میں ’مسٹری مین‘ بھی موجود ہے۔
انسٹا اسٹوری سے معلوم ہوتا ہے کہ یہ دونوں کسی گاڑی میں بیٹھے ہیں جبکہ انسٹا اسٹوری کے بیک گراؤنڈ میں ’آج سجیا‘ گانا چل رہا ہے اور انہوں نے لکھا کہ ’بڑا دن ہے، الحمدللّٰہ۔‘
سحر خان کی انسٹا اسٹوری نے ہر ایک کو تذبذب کا شکار کر دیا ہے، صارفین اداکارہ کی انسٹا اسٹوری پر تبصرہ کرتے ہوئے تجسس کا اظہار کر رہے ہیں۔
ایک صارف نے لکھا کہ سحر یہ کیا ہو رہا ہے؟ ایک کا کہنا ہے کہ شاید سحر نے شادی کرلی ہے؟ جبکہ ایک اور صارف نے لکھا کہ شاید ان کی اچھی سہیلی کا نکاح ہے۔ بعض صارفین اداکارہ کے لیے خوشی کا اظہار کر رہے ہیں اور انہیں مبارکباد بھی دے رہے ہیں۔
ترقیاتی بجٹ کرپشن کی نذر ہو جاتا ہے، نواز خان ناجی