کوچ گوتم گمبھیر سے اختلافات: کوہلی کا اہم ٹورنامنٹ کھیلنے سے انکار
اشاعت کی تاریخ: 3rd, December 2025 GMT
data-id="863a0a8" data-element_type="widget" data-widget_type="theme-post-content.default">
بھارت کے اسٹار بیٹر ویرات کوہلی نے ملک کے اہم ڈومیسٹک ون ڈے ٹورنامنٹ ’وجے ہزارے ٹرافی‘ میں شرکت سے انکار کر دیا ہے۔
آسٹریلیا کے خلاف بارڈر–گواسکر ٹرافی میں شکست کے بعد سے بی سی سی آئی، ہیڈ کوچ گوتم گمبھیر اور چیف سلیکٹر اجیت اگرکر یہ واضح کرچکے ہیں کہ سینٹرل کانٹریکٹ یافتہ کھلاڑیوں کو بین الاقوامی کرکٹ سے فرصت کے دوران لازمی طور پر ڈومیسٹک مقابلوں میں حصہ لینا ہوگا تاکہ انٹرنیشنل کرکٹ کی ضروریات اور فٹنس کے معیار کو برقرار رکھا جاسکے۔
بھارتی بورڈ نے حال ہی میں ویرات کوہلی اور روہت شرما کو بھی یہی ہدایت دی تھی کہ قومی ٹیم میں جگہ برقرار رکھنے کے لیے ڈومیسٹک کرکٹ کھیلنا ضروری ہے۔
تاہم بھارتی میڈیا کے مطابق ویرات کوہلی نے بی سی سی آئی کی اس ہدایت پر سخت مؤقف اختیار کرتے ہوئے اس ماہ کے آخر میں شروع ہونے والی وجے ہزارے ٹرافی میں شرکت سے صاف انکار کر دیا ہے۔
رپورٹس کے مطابق اتوار کو جنوبی افریقا کے خلاف اپنی 52ویں ون ڈے سنچری بنانے کے باوجود کوہلی نے ڈومیسٹک کرکٹ کھیلنے سے معذرت کر لی ہے، جس کے باعث بورڈ اور ٹیم منیجمنٹ میں نئی بحث جنم لے رہی ہے۔
میڈیا کا کہنا ہے کہ روہت شرما ممبئی کی نمائندگی کے لیے ٹورنامنٹ کھیلنے پر آمادہ ہیں، تاہم کوہلی کے انکار سے ان کا بی سی سی آئی اور ٹیم مینجمنٹ کے ساتھ ممکنہ ٹکراؤ پیدا ہوسکتا ہے۔
ذریعہ: Jasarat News
پڑھیں:
انگلش آل راؤنڈر معین علی نے بھی آئی پی ایل چھوڑ کر پی ایس ایل کھیلنے کا فیصلہ کر لیا
data-id="863a0a8" data-element_type="widget" data-widget_type="theme-post-content.default">
پاکستان سپر لیگ (پی ایس ایل) میں شامل ہونے کے لیے سابق انگلش کرکٹر معین علی نے انڈین پریمیئر لیگ (آئی پی ایل) چھوڑنے کا اعلان کر دیا ہے، جس کے بعد یہ سلسلہ جنوبی افریقی سابق کپتان فاف ڈو پلیسی تک بھی پہنچ چکا ہے۔
فوٹو اور ویڈیو شیئرنگ کی معروف ایپلیکیشن انسٹاگرام پر انسٹا پوسٹ شیئر کرتے ہوئے سابق انگلش کرکٹر معین علی نے کہا کہ یہ ان کے کیریئر میں نئی شروعات کا وقت ہے اور وہ ایچ بی ایل پی ایس ایل کے نئے دور میں شامل ہونے پر بے حد پرجوش ہیں۔
انہوں نے مزید کہا کہ پی ایس ایل اپنے اعلیٰ معیار اور عالمی سطح کے ٹیلنٹ کی وجہ سے ٹی ٹوئنٹی کرکٹ میں ایک نمایاں مقام رکھتی ہے۔
سابق انگلش کرکٹر نے پاکستان میں کھیلنے کے تجربے کی تعریف کرتے ہوئے کہا کہ یہاں اعلیٰ معیار کی کرکٹ اور شائقین کا غیرمعمولی جوش و جذبہ دیکھنے کو ملتا ہے، جس سے کھلاڑی اپنی بہترین کارکردگی پیش کرنے کے لیے متاثر ہوتا ہے۔
معین علی نے یقین دلایا کہ وہ اس نئے تجربے سے یادگار لمحات حاصل کرنے کے لیے پوری طرح تیار ہیں اور انشاء اللہ یہ سفر ان کے لیے یادگار ثابت ہوگا۔
یاد رہے کہ چند روز قبل ہی فاف ڈو پلیسی نے سوشل میڈیا کے ذریعے آئی پی ایل میں شرکت نہ کرنے اور پاکستان سپر لیگ میں کھیلنے کا اعلان کیا تھا، جس سے کرکٹ دنیا میں دلچسپی اور جوش بڑھ گیا ہے
پی ٹی آئی یوم سیاہ، تقریب میں کارکنوں کی تعداد انتہائی کم