سندھ کو سرداری نظام اور وڈیرہ شاہی نے جکڑ رکھا ہے، ایاز لطیف پلیجو
اشاعت کی تاریخ: 6th, December 2025 GMT
قومی عوامی تحریک کے سربراہ ایاز لطیف پلیجو نے کہا ہے کہ سندھ کو طویل عرصے سے سرداری نظام، وڈیرہ شاہی اور بڑھتے ہوئے جرائم نے اپنی لپیٹ میں لے رکھا ہے، اور عوام اب اس جکڑ بند سے آزادی چاہتے ہیں۔
جاپان کے شہر اوساکا میں کلچرل فیسٹیول سے خطاب کرتے ہوئے ایاز لطیف پلیجو کا کہنا تھا کہ پاکستان عالمی سطح پر امن، ترقی اور رواداری کا پیغام لے کر کھڑا ہے، لیکن اس کے لیے ضروری ہے کہ معاشرے میں برداشت اور تنوع کو جگہ دی جائے۔ انہوں نے کہا کہ کوئی بھی قوم اس وقت تک آگے نہیں بڑھ سکتی جب تک وہ مختلف سوچوں اور طبقات کو قبول کرنے کا حوصلہ نہ دکھائے۔
اپنے خطاب میں انہوں نے سندھ کی موجودہ صورتِ حال پر تشویش کا اظہار کرتے ہوئے کہا کہ صوبہ ایک ایسے نظام میں پھنسا ہوا ہے جہاں سرداری طاقت، وڈیرہ راج اور کرپشن عام لوگوں کی زندگیوں پر بوجھ بن چکے ہیں۔ ایاز لطیف پلیجو نے کہا کہ سندھ کے لوگ امن، شفافیت اور انصاف چاہتے ہیں اور اب وقت آگیا ہے کہ انہیں اس فرسودہ نظام سے نجات دلائی جائے۔
انہوں نے زور دیا کہ سندھ میں حقیقی ترقی اسی وقت ممکن ہے جب وہاں کے عوام کو جرائم اور کرپشن سے پاک ماحول میسر ہو اور سیاسی و سماجی ڈھانچے کو جدید خطوط پر استوار کیا جائے۔
ذریعہ: Daily Mumtaz
کلیدی لفظ: ایاز لطیف پلیجو
پڑھیں:
راوی آلودہ، پانی زراعت کے قابل نہیں : مصدق ملک
ویب ڈیسک :وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نے کہا ہے کہ بڑھتا ہوا درجۂ حرارت اور گلیشیئرز کا تیزی سے پگھلاؤ آلودگی اور موسمیاتی تبدیلی کے براہِ راست نتائج ہیں۔
ان خیالات کا اظہار انہوں نے عالمی ادارہ برائے تحفظِ قدرت (ڈبلیو ڈبلیو ایف) کے زیرِ اہتمام دریائے سندھ کی ڈولفن کے تحفظ کے 25 سال مکمل ہونے کے موقع پر منعقدہ کانفرنس سے خطاب کرتے ہوئے کیا۔
جعلی ملازمتوں کی پیشکش، ایف آئی اے نے بیرون ملک جانے والوں کو خبردار کردیا
انہوں نے دریائے راوی کے پانی کے شدید آلودہ ہونے پر گہری تشویش کا اظہار کرتے ہوئے کہا کہ یہ پانی اب زراعت کے لیے بھی قابلِ استعمال نہیں رہا، حالیہ سیلابوں کے باعث ہونے والا معاشی نقصان مجموعی قومی پیداوار (جی ڈی پی) کے 9.5 فیصد سے تجاوز کر چکا ہے۔
مزید پڑھیں:وفاقی بیوروکریسی میں زیر التواء ترقیوں کا عمل بحال
مصدق ملک نے کہا کہ ان موسمیاتی آفات کی انسانی قیمت اس سے کہیں زیادہ تکلیف دہ ہے، گزشتہ 4 بڑے سیلابوں کے دوران 4,700 سے زائد افراد جاں بحق جبکہ 17,000 سے زائد افراد معذور ہو چکے ہیں۔
اس سال اب تک سب سے زیادہ فروخت ہونیوالا اسمارٹ فون کونسا ہے؟
انہوں نے ملک نے دریائے سندھ کی ڈولفن کے تحفظ کے لیے ڈبلیو ڈبلیو ایف کی دیرینہ خدمات کو سراہتے ہوئے وزارت کی بھرپور حمایت کا اعادہ کیا۔
انہوں نے کہا کہ حکومتِ پاکستان، ڈبلیو ڈبلیو ایف کے شانہ بشانہ کھڑی ہے اور حیاتیاتی تنوع کے تحفظ اور ماحولیاتی پائیداری کے لیے قریبی تعاون جاری رکھا جائے گا۔
مصدق ملک نے اس امر پر زور دیا کہ دریائے سندھ کی ڈولفن کا تحفظ محض ایک ماحولیاتی ذمہ داری نہیں بلکہ یہ زندگی اور انسانیت کے تحفظ کا معاملہ ہے۔
قائد اعظم ٹرافی کا فائنل؛ کراچی بلوز نے 218 رنز سے سیالکوٹ کو مات دیدی
ملک میں نئے یونٹوں کے قیام کے بغیر ترقی ممکن نہیں، ڈاکٹر سلیم حیدر