بلاول بھٹو زرداری نے 35ویں نیشنل گیمز کا افتتاح کر دیا
اشاعت کی تاریخ: 6th, December 2025 GMT
چیئرمین پیپلز پارٹی بلاول بھٹو زرداری نے کراچی میں 35ویں نیشنل گیمز کا باقاعدہ افتتاح کیا۔ انہوں نے کہا کہ اٹھارہ سال بعد نیشنل گیمز کا انعقاد ہو رہا ہے اور سندھ کے لیے اس کی میزبانی فخر کا موقع ہے۔
نیشنل اسٹیڈیم کراچی میں افتتاحی تقریب سے خطاب کرتے ہوئے بلاول بھٹو نے نوجوانوں کی حوصلہ افزائی کی اور کہا کہ ملک خصوصاً سندھ کے نوجوانوں کو مثبت ماحول میسر ہے۔ انہوں نے کہا، “نوجوان ہمارا مستقبل ہیں اور امید ہے کہ یہی نوجوان کل عالمی سطح پر تمغے جیت کر لائیں گے۔ یہاں موجود تمام ایتھلیٹس 35ویں قومی گیمز کا بھرپور لطف اٹھائیں، اور ملک بھر سے آئے مہمانوں کو کراچی میں خوش آمدید کہتے ہیں۔”
وزیر اعلیٰ سندھ مراد علی شاہ نے بھی افتتاحی تقریب سے خطاب کرتے ہوئے کہا کہ 35ویں نیشنل گیمز کا کراچی میں شاندار آغاز خوش آئند ہے۔ انہوں نے بتایا کہ تقریباً 10 ہزار ایتھلیٹس اس قومی مقابلے میں حصہ لے رہے ہیں اور کراچی کے 24 مقامات پر 31 مختلف اسپورٹس ایونٹس کا انعقاد کیا جائے گا۔ وزیر اعلیٰ نے یاد دلایا کہ 1948ء میں قائداعظم محمد علی جناح نے پہلے نیشنل گیمز کا افتتاح کیا تھا اور 2025ء میں 35 ویں نیشنل گیمز کی میزبانی سندھ کے لیے فخر کا موقع ہے۔
ذریعہ: Daily Mumtaz
کلیدی لفظ: نیشنل گیمز کا کراچی میں
پڑھیں:
نیشنل گیمز کا ایونٹ ملک کے سب سے اہم ایونٹ میں سے ایک ہوتا ہے؛ وزیر اعلیٰ مراد علی شاہ
سٹی 42 : سندھ کے وزیر اعلیٰ سید مراد علی شاہ نے کہا ہے کہ نیشنل گیمز کا آغاز دو دہائیوں کے طویل وقفہ کے بعد دوبارہ کراچی میں منعقد کیے گئے ہیں، ہمیں دیگر صوبوں ، علاقوں اور محکموں کے کھلاڑیوں کی میزبانی کا شرف حاصل ہوا ہے، نیشنل گیمز کا ایونٹ ملک کے سب سے اہم ایونٹ میں سے ایک ہوتاہے۔
سندھ کے وزیر اعلیٰ سید مراد علی شاہ نے 35 ویں نیشنل گیمز کی افتتاحی تقریب کے موقع پر اپنے خطاب کے دوران کہا کہ محترم جناب چیئرمین پاکستان پیپلزپارٹی بلاول بھٹو زرداری صاحب،وزیر کھیل ، صوبائی اسمبلی و کابینہ اراکین ،صدر پاکستان اولمپک ایسوسی ایشن ، معزز مہمانان گرامی،منتظمین، کھلاڑیوں اور خواتین و حضرات ،السلام علیکم، آج پاکستان کے تمام صوبوں اور علاقوں کی خوبصورتی جھلک رہی ہے، یہ ہمارا میگا ایونٹ ہے۔ انہوں نے کہا کہ میں پاکستان بھر سے آئے ہوئے تمام کھلاڑیوں کو خوش آمدید کہتا ہوں، آپ سب نے اس مقام تک پہنچنے میں بے پناہ محنت کی ہوگی، یہ نہ صرف سندھ حکومت بلکہ صوبے کے تمام لوگوں کے لیے باعثِ فخر ہے۔
جعلی ملازمتوں کی پیشکش، ایف آئی اے نے بیرون ملک جانے والوں کو خبردار کردیا
وزیر اعلیٰ سندھ نے کہا کہ نیشنل گیمز کا آغاز دو دہائیوں کے طویل وقفہ کے بعد دوبارہ کراچی میں منعقد کیے گئے ہیں، ہمیں دیگر صوبوں ، علاقوں اور محکموں کے کھلاڑیوں کی میزبانی کا شرف حاصل ہوا ہے۔ انہوں نے کہاکہ سندھ کی عظیم ثقافت میں یہاں کی مہمان نوازی نمایاں ہے۔ نیشنل گیمز کا ایونٹ ملک کے سب سے اہم ایونٹ میں سے ایک ہوتاہے، نیشنل گیمز تمام صوبوں کے اتحاد کی نمائندگی کرتاہے۔ ملک بھر سے کھلاڑی اس ایونٹ میں حصہ لیتے ہیں، ہم اس نیشنل گیمز کو ایک یادگار لمحے میں بدل دیں گے۔
اس سال اب تک سب سے زیادہ فروخت ہونیوالا اسمارٹ فون کونسا ہے؟
وزیراعلیٰ سندھ نے کہا کہ کراچی کے 24 مقامات پر 32 کھیلوں کے مقابلے منعقد کیے گئے ہیں، جن میں تقریباً 10,000 کھلاڑی حصہ لیں گے، نیشنل گیمز کے تمام تر انتظامات مکمل ہیں، کراچی میں نیشنل گیمز کے انعقاد پر محکمہ کھیل اور سندھ اولمپک ایسوسی ایشن کی انتھک کاوشوں کو سلام پیش کرتا ہوں، آپ سب کی موجودگی نے گیمز کی خوبصورتی میں چار چاند لگا دیئے ہیں، آپ پاکستان کا فخر ہیں، جیت ہار کھیل کا حصہ ہے۔
قائد اعظم ٹرافی کا فائنل؛ کراچی بلوز نے 218 رنز سے سیالکوٹ کو مات دیدی
سید مراد علی شاہ نے کہا کہ امید ہے کہ آپ سب اپنے صوبہ اور محکمہ کے وقار کو برقرار رکھتے ہوئے بھرپور نظم و ضبط کا مظاہرہ کریں گے، آپ نہ صرف اپنے علاقے یا محکمے کی نمائندگی کررہے ہو بلکہ آپ پورےپاکستان کی نمائندگی کررہے ہو۔
انہوں نے مزید کہا کہ میں چیئرمین پاکستان پیپلزپارٹی بلاول بھٹو زرداری کا تہہ دل سے مشکور ہوں، چیئرمین صاحب نے بطورِمہمان خصوصی ہماری دعوت قبول کرکے ہمیں عزت و شرف بخشا، حکومت سندھ نوجوانوں کو بااختیار بنانے کے وژن پر کارفرما ہے۔ چیئرمین صاحب کی موجودگی پاکستان کے نوجوانوں سے محبت کی واضح دلیل ہے۔ چیئرمین بلاول بھٹو زرداری پاکستان کے ہر نوجوان کو ابھرتا اور خود مختار دیکھنا چاہتے ہیں۔ پاکستان پائندہ باد
Currency Exchange Rate Friday December 05, 2025
ہانگ کانگ میں آگ لگنے کے حادثے کے بعد امداد جاری