عوام عمران خان کے ساتھ کھڑے ہیں، سلمان اکرم راجہ
اشاعت کی تاریخ: 6th, December 2025 GMT
اسلام آباد (ڈیلی پاکستان آن لائن) سینئر قانون دان اور پی ٹی آئی رہنما سلمان اکرم راجہ نے کہا ہے کہ پاکستان کی تاریخ گواہ ہے کہ جبر، دھونس اور طاقت کے زور پر کبھی ترقی ممکن نہیں ہوئی۔ اگر ایسا ہوتا تو ایوب خان، ضیا الحق اور پرویز مشرف کے ادوار میں ہو چکا ہوتا، مگر ہر دور میں اشرافیہ امیر ہوتی گئی اور عوام مزید غریب ہوئے۔
تحریکِ انصاف کے رہنماؤں کے ہمراہ پریس کانفرنس کرتے ہوئے انہوں نے کہا کہ ریاستی فیصلوں میں بار بار یہی طے کیا گیا کہ مقبول رہنما نیشنل سیکیورٹی تھریٹ ہیں اور انہیں منظر سے ہٹانا ضروری ہے، مگر ہر کوشش ناکام رہی۔عوام کے دلوں سے مقبول رہنماؤں کو فیصلوں سے نہیں نکالا جا سکتا۔ عوام عمران خان کے ساتھ کھڑے ہیں، کوئی وجہ ہے، یہ دیوانے یا سحر زدہ نہیں ہیں۔
بھارت نے تیسرے ون ڈے میں جنوبی افریقا کو شکست دے کر سیریز جیت لی
سلمان اکرم راجہ نے کہا کہ وہ سیاسی جماعتیں جو جمہوریت کا نام لیتی تھیں، آج ’معتوب‘ ہونے کے بعد ’مغلوب‘ ہو چکی ہیں اور سر جھکا کر نوکری کر رہی ہیں۔ ان کے مطابق عوام اچھی طرح جانتے ہیں کہ ایک ہی قیادت اور ایک ہی جماعت ہے جو حقیقتاً عوام کی بات کرنے کا حوصلہ رکھتی ہے۔
انہوں نے کہا کہ ہم ملک کے مخالف نہیں ضامن ہیں۔ عمران خان ملک کی فلاح کے لیے ہر قدم اٹھائے گا۔ انتشار اور عوام کو دبانے کی کوئی ضرورت نہیں۔ 9 مئی کے بعد جو کچھ ہوا، میں آج بھی رات کو روتا ہوں۔ بس کرو، یہ اس قوم کا مقدر نہیں تھا۔
وزیر داخلہ برطانیہ پہنچ گئے، چند پاکستانیوں کی حوالگی کے معاملے پر برطانوی حکام سے بات چیت کا امکان
انہوں نے کہا کہ جب کوئی پارٹی یا لیڈر عوام کے دلوں میں جگہ بنا لے تو اسے تقریر، الزام یا نوٹی فکیشن سے ختم نہیں کیا جا سکتا۔ کیا نوٹی فکیشن سے کوئی پارٹی عوام کے دل سے ختم ہو جائے گی؟ 10 سال یلغار کی گئی، کیا بھٹو کو ختم کیا جا سکا؟ تب بھی نہیں ہوا، اب بھی نہیں ہو گا، حوصلہ رکھیں۔
مزید :.
ذریعہ
ذریعہ: Daily Pakistan
کلیدی لفظ: نے کہا کہ
پڑھیں:
نواز شریف این او سی لے کر گلگت بلتستان گئے، راناثنا
وزیر اعظم کے مشیر برائے سیاسی امور رانا ثنا اللّٰہ نے کہا ہے کہ نواز شریف گلگت بلتستان کے الیکشن کمیشن سے این او سی لیکر وہاں گئے تھے، کوئی حکومتی وزیر گلگت بلتستان نہیں گیا نہ کسی نے وہاں مہم چلائی۔
پروگرام آج شاہ زیب خانزادہ کے ساتھ میں بات کرتے ہوئے رانا ثنا اللّٰہ نے کہا کہ پی ٹی آئی کے چیئرمین گوہر خان گلگت بلتستان میں جلسے کر رہے ہیں، میٹنگز کر رہے ہیں انہیں تو کوئی نہیں روک رہا۔
رانا ثنا نے کہا کہ اگر بیرسٹر گوہر خان اجازت لیکر جا سکتے ہیں تو سلمان اکرام راجا کو بھی ایسا ہی کرنا چاہیے۔
انہوں نے مزید کہا کہ گلگت بلتستان میں پی ٹی آئی کا کوئی اُمیدوار مقابلے میں ہے ہی نہیں، وہاں صاف، شفاف اور کریڈیبل انتخابات ہونگے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ