ملک کے 3 اضلاع کے ماحولیاتی نمونوں میں میں پولیو وائرس کی تصدیق
اشاعت کی تاریخ: 26th, January 2025 GMT
اسلام آباد:
ملک کے 3 اضلاع ٹھٹھہ، عمرکوٹ اور نوشہرو فیروز کے ماحولیاتی نمونوں میں پولیو وائرس کی تصدیق ہوگئی۔
محکمہ انسداد پولیو مہم کے مطابق مثبت نمونوں کا جنیاتی تعلق ڈبلیو پی وی 1 پولیو وائرس کلسٹر سے ہے، ماحولیاتی نمونوں کے سیمپلز 23 اور 24 دسمبر 2024 کو لیے گئے۔
سال 2025 کی پہلی انسداد پولیو مہم 3 فروری سے شروع ہوگی، ملک گیر پولیو مہم 3 سے 9 فروری تک جاری رہے گی۔
ملک میں تین کروڑ 50 لاکھ سے زائد بچوں کو پولیو سے بچاؤ کے قطرے پلائے جائیں گے۔ سال 2025 میں ایک بچہ جبکہ 2024 میں 73 بچے پولیو سے متاثر ہوچکے ہیں۔
.ذریعہ: Express News
پڑھیں:
انسداد دہشت گردی عدالت نے 26 نومبر احتجاج میں گرفتار 560 ملزمان کی رہائی روک دی
انسداد دہشت گردی عدالت راولپنڈی نے 26 نومبر احتجاج میں گرفتار 560 ملزمان کی ضمانت پر رہائی روک دی۔
اے ٹی سی کے جج امجد علی شاہ نے گرفتار ملزمان کی ضمانت پر رہائی روکنے کا حکم دیا، پراسیکیوشن نے 560 ملزمان کی ضمانتی مچلکوں کی مالیت میں اضافے کی درخواست دائر کی۔
جس میں کہا گیا کہ ضمانت پر 560 ملزمان نے صرف 50، 50 ہزار روپے کے مچلکے جمع کروائے ہیں، ملزمان کو فی کس 10، 10 لاکھ کے دو مچلکے اور دو ضامن دینے کا حکم دیا جائے۔
82 ملزمان نے عدالت میں اپنے اعترافی بیان جمع کرایا کہ پاکستان تحریک انصاف کی قیادت نے انہیں اکسایا تھا۔
پراسیکیوشن نے درخواست اے ٹی اے ایکٹ کی شق 21 ڈی کے تحت دائر کی، جس میں کہا گیا کہ 26 نومبر کے 24 مقدمات میں 560 ملزمان پر فرد جرم عائد ہوچکی ہے، 1074 ملزمان دانستہ طور پر ضمانت کے بعد عدالت سے غیر حاضر ہوئے۔
عدالت نے رہائی روکتے ہوئے ملزمان کو طلبی کےنوٹس جاری کردیے اور درخواست پر فیصلے تک جیل حکام کو رہائی روکنے کی ہدایت کی۔
ٹرمپ آرگنائزیشن دبئی میں کون سی اہم عمارت تعمیر کرنے والی ہے؟