بھارتی حملے: اسحاق ڈار کا سیکریٹری جنرل او آئی سی سے رابطہ
اشاعت کی تاریخ: 7th, May 2025 GMT
سیکریٹری جنرل حسین ابراہیم طہٰ اور نائب وزیرِاعظم و وزیرِ خارجہ اسحاق ڈار
نائب وزیرِاعظم و وزیرِ خارجہ اسحاق ڈار نے گزشتہ شب کیے گئے بھارتی حملوں کے حوالے سے سیکریٹری جنرل او آئی سی سے رابطہ کیا ہے۔
ترجمان دفترِ خارجہ کے مطابق اسحاق ڈار نے او آئی سی کے سیکریٹری جنرل حسین ابراہیم طہٰ سے ٹیلیفونک گفتگو کی ہے جس کے دوران انہوں نے سیکریٹری جنرل او آئی سی کو بھارت کی حالیہ جارحیت سے آگاہ کیا ہے۔
اسحاق ڈار نے کہا ہے کہ بھارت کے غیر قانونی حملے پاکستان کی خود مختاری کی کھلی خلاف ورزی ہیں، بھارت کی کارروائیاں اعلانِ جنگ کے مترادف ہیں، بھارتی حملوں سے معصوم شہری شہید ہوئے، خطے کا امن داؤ پر لگ گیا۔
کراچی بھارت نے پہلگام فالس فلیگ آپریشن کے بارے.
نائب وزیرِاعظم و وزیرِ خارجہ نے اس موقع پر پاکستان کی خود مختاری کی خلاف ورزی پر عالمی برادری سے مؤقف اپنانے کی اپیل کی ہے اور او آئی سی پر زور دیا ہے کہ وہ بھارتی جارحیت کا سخت نوٹس لے۔
اسحاق ڈار نے سیکریٹری جنرل او آئی سی کو اسلاموفوبیا کے بڑھتے رجحان پر تشویش سے آگاہ کیا اور کہا کہ بھارت اور مقبوضہ کشمیر میں مسلمانوں کے خلاف تشدد اور نفرت انگیز حملے بڑھ رہے ہیں۔
ترجمان دفترِ خارجہ کے مطابق او آئی سی کے سیکریٹری جنرل حسین ابراہیم طہٰ نے نائب وزیرِ اعظم اسحاق ڈار سے معصوم شہریوں کی شہادت پر اظہارِ تعزیت کیا ہے اور زخمیوں کی جلد صحت یابی کے لیے نیک تمناؤں کا اظہار کیا ہے۔
ترجمان دفترِ خارجہ نے بتایا ہے کہ سیکریٹری جنرل او آئی سی نے پاکستان سے یک جہتی اور کشمیری عوام کی حمایت کا اعادہ کرتے ہوئے کہا ہے کہ جموں و کشمیر تنازع کا منصفانہ حل ناگزیر ہے۔
ذریعہ: Jang News
کلیدی لفظ: سیکریٹری جنرل او ا ئی سی اسحاق ڈار نے کیا ہے
پڑھیں:
اسحاق ڈار کا الجیریا کے وزیر خارجہ سے رابطہ، خطے کی صورتحال سمیت سے آگاہ کیا
ترجمان دفتر خارجہ کے مطابق وزیر خارجہ نے الجیریا کے ہم منصب کو ٹیلیفونک گفتگو میں خطے کی صورتحال سمیت بھارتی الزامات اور غیر قانونی اقدامات سے آگاہ کیا، انہوں نے بھارت کی جانب سے سندھ طاس معاہدے کی یکطرفہ معطلی سے بھی آگاہ کیا۔ اسلام ٹائمز۔ ترجمان دفتر خارجہ کے مطابق نائب وزیراعظم و وزیر خارجہ اسحاق ڈار نے الجیریا کے وزیر خارجہ احمد اتاف سے ٹیلیفونک رابطہ کیا ہے۔ ترجمان کے مطابق اسحاق ڈار نے الجیریا کے ہم منصب کو خطے کی صورتحال سمیت بھارتی الزامات اور غیر قانونی اقدامات سے آگاہ کیا، اسحاق ڈار نے بھارت کی جانب سے سندھ طاس معاہدے کی یکطرفہ معطلی سے بھی آگاہ کیا۔
دفتر خارجہ کے ترجمان نے بتایا کہ الجیریا کے وزیرخارجہ احمد اتاف نے دونوں جانب سے کشیدگی میں کمی کی کوششوں کی اہمیت کو اجاگر گیا۔ اسحاق ڈار نے الجیریا کے ساتھ اقوام متحدہ کی سلامتی کونسل فریم ورک کے مطابق روابط اور تعاون کا اعادہ کیا، دونوں جانب سے دو طرفہ تعاون سمیت تجارت معیشت اور دفاعی شعبہ جات میں معاونت پر اتفاق کیا گیا۔
پاک بھارت کشیدگی، شہری آبادیوں جنگی سائرن لگانے کی ہدایت