قلعہ عبداللہ: خوارجیوں کا چیک پوسٹ پرحملہ، دوفوجی جوان شہید
اشاعت کی تاریخ: 28th, January 2025 GMT
روالپنڈی: قلعہ عبداللہ میں خوارجیوں نے چیک پوسٹ پرحملہ کرکے 2فوجی جوانوں کو شہید کردیا۔
پاک فوج کے شعبہ برائےتعلقاتِ عامہ (آئی ایس پی آر) کے مطابق خوارجیوں نے بلوچستان کےضلع قلعہ عبداللہ کےعلاقےگلستان میں دھماکہ خیزمواد سے لدی گاڑی چیک پوسٹ کی دیوار میں مار کر خودکش حملہ کرنے کی کوشش کی، لیکن جوانوں کی بروقت کارروائی کے باعث دوخود کش بمباروں سمیت 5 خوارج مارے گئے جبکہ نائک طاہرخان اورلانس نائیک طاہراقبال بہادری سے لڑتے ہوئے شہید ہوگئے۔
ترجمان پاک فوج کے مطابق حملے کے فوری بعد ہی سیکیورٹی فورسزنےدہشت گردوں کی تلاش کے لیے آپریشن شروع کردیا ہے۔ انہوں نے مزید کہا کہ پاک فوج کے جوان سیکیورٹی فورسزدہشت گردی کے خاتمے کے لئےعزم ہیں، جوانوں کی یہ قربانیاں ہمارے عزم کو تقویت دیتی ہیں۔
.ذریعہ: Jasarat News
پڑھیں:
ہانیہ عامر کی پراسرار پوسٹ نے مداحوں کو الجھن میں ڈال دیا، "کس نے نظر لگائی پریتی کو؟"
مشہور و چنچل اداکارہ ہانیہ عامر، جو اپنی ہر پوسٹ سے مداحوں کو دیوانہ بنا دیتی ہیں، اس بار ایک پراسرار پوسٹ کے باعث خبروں کی زینت بن گئیں۔ ہانیہ کی تازہ انسٹاگرام پوسٹ نے مداحوں کو تشویش میں مبتلا کر دیا ہے۔ اداکارہ نے اپنی پوسٹ میں چند تصاویر شیئر کیں جن میں سے اکثر میں وہ ہمیشہ کی طرح شوخ انداز میں زندگی کا لطف اٹھاتی دکھائی دیں، تاہم دو تصاویر ایسی تھیں جنہوں نے سب کو حیران کر دیا۔ ان تصاویر کے ساتھ ہانیہ نے صرف ایک مبہم جملہ لکھا: "کس نے نظر لگائی پریتی کو؟" اور ساتھ ایک جملہ جوڑ دیا، "کیا براہ مہربانی اس قانون کو توڑ سکتے ہیں۔" اس پوسٹ کے بعد سوشل میڈیا پر قیاس آرائیاں شروع ہو گئیں۔ کچھ صارفین نے اندازہ لگایا کہ شاید ہانیہ بیمار ہیں، جبکہ دیگر نے کہا کہ ممکن ہے یہ کسی نئے ڈرامے یا پروجیکٹ کا منظر ہو۔ دلچسپ بات یہ ہے کہ حال ہی میں ہانیہ عامر نے ایک ویڈیو رییل میں دپیکا پڈوکون کے فلم کبیر سنگھ کے کردار "پریتی" کو نبھاتے ہوئے سب کو چونکا دیا تھا، جس سے مداحوں نے قیاس کیا کہ شاید وہ اسی کردار کی طرف اشارہ کر رہی ہیں۔ تاہم اب تک ہانیہ عامر نے اپنی پوسٹ پر کسی وضاحت یا تبصرے سے گریز کیا ہے، جس کے باعث مداحوں میں تجسس مزید بڑھ گیا ہے اور وہ یہ جاننے کے منتظر ہیں کہ آیا یہ ان کی اصل حالت ہے یا کسی آنے والے پروجیکٹ کی جھلک۔
پاکستان میں ہائی اسپیڈ انٹرنیٹ کا نیا دور، ایمازون کا 2026 تک پروجیکٹ کائپر متعارف کرانے کا ارادہ