افغان جارحیت میں شہید 12 جوانوں کی چکلالہ چھاؤنی میں نمازِ جنازہ ادا کر دی گئی
اشاعت کی تاریخ: 13th, October 2025 GMT
data-id="863a0a8" data-element_type="widget" data-widget_type="theme-post-content.default">
راولپنڈی: افغانستان کی جانب سے کی گئی بلااشتعال اور بزدلانہ جارحیت کے خلاف وطن عزیز کا دفاع کرتے ہوئے جامِ شہادت نوش کرنے والے 12 بہادر سپوتوں کی نمازِ جنازہ چکلالہ گیریژن میں ادا کی گئی، شہدا نے 11 اور 12 اکتوبر 2025 کی درمیانی شب مادرِ وطن کی سرحدوں پر دشمن کے حملے کا دلیری سے مقابلہ کرتے ہوئے اپنی جانیں وطن پر نچھاور کیں۔
پاک فوج کے شعبہ تعلقاتِ عامہ (آئی ایس پی آر) کے مطابق نمازِ جنازہ میں فیلڈ مارشل سید عاصم منیر کے علاوہ وفاقی وزرا، گورنر خیبرپختونخوا، اعلیٰ عسکری و سول حکام اور شہریوں کی بڑی تعداد نے شرکت کی، فضا میں شہداء کے حق میں نعروں کی گونج سنائی دیتی رہی، جب کہ حاضرین کی آنکھیں اشکبار اور دل جذبۂ فخر سے لبریز تھے۔
اس موقع پر وزیرِ دفاع خواجہ آصف نے اپنے خطاب میں شہداء کو خراجِ عقیدت پیش کرتے ہوئے کہا کہ پاکستان کے عوام ان جوانوں کے بے مثال عزم اور قربانی کے شکر گزار ہیں جنہوں نے افغان طالبان حکومت اور بھارت کی حمایت یافتہ دہشتگرد تنظیموں کی بزدلانہ جارحیت کے سامنے سر نہ جھکایا، یہ سپوت پاکستان کی علاقائی سالمیت اور قومی وقار کے تحفظ کی راہ میں قربانی کی لازوال مثال بن گئے ہیں۔
وزیرِ دفاع نے واضح کیا کہ پاکستان کی مسلح افواج، قوم کی مکمل تائید کے ساتھ، ملک کے خلاف کسی بھی جارحیت، دہشتگردی یا بیرونی سازش کو ناکام بنانے کے لیے ہمہ وقت تیار ہیں، یہ قربانیاں قوم کے حوصلے کو کمزور نہیں بلکہ مضبوط کرتی ہیں، اور دشمن کو ایک واضح پیغام دیتی ہیں کہ پاکستان اپنی سرحدوں اور خودمختاری کے دفاع میں کسی قیمت پر سمجھوتہ نہیں کرے گا۔”
شہداء کے جسدِ خاکی کو بعدازاں مکمل فوجی اعزاز کے ساتھ اُن کے آبائی علاقوں کو روانہ کردیا گیا جہاں انہیں سپردِ خاک کیا جائے گا۔ چکلالہ گیریژن میں موجود اہلِ وطن نے اس عزم کا اعادہ کیا کہ شہداء کے خون کا قرض پاکستان کی مضبوطی، استحکام اور اتحاد سے ادا کیا جائے گا۔
ذریعہ: Jasarat News
پڑھیں:
چین میں مُردوں کو دفنانے کے بجائے جلانے کے سرکاری احکامات کے بعد احتجاج
چین کے جنوبی صوبے گُئیژو میں تدفین کے طریقہ کار سے متعلق حکومتی ہدایات کے خلاف احتجاج ہوا ہے۔
شیدونگ نامی قصبے میں احتجاج اس وقت شروع ہوا جب مقامی حکام کی جانب سے شہریوں کو تدفین کے بجائے مُردوں کو نذرِ آتش کرنے کی ہدایت جاری کی گئی۔ گُئیژو ایک پسماندہ صوبہ ہے جہاں مِیاؤ اقلیتی برادری کی بڑی تعداد آباد ہے اور ان کے ہاں روایتی تدفین کو ثقافتی اہمیت حاصل ہے۔
یہ بھی پڑھیے: بھارتی بینک میں بیف پارٹی، ملازمین کا انوکھا احتجاج
سوشل میڈیا پر سامنے آنے والی ویڈیوز میں مظاہرین کو حکومتی فیصلے کے خلاف نعرے لگاتے دیکھا گیا، جبکہ ایک ویڈیو میں مشتعل افراد نے پولیس گاڑی کو گھیرے میں لے رکھا تھا۔
مقامی حکومت نے منگل کے روز وضاحت جاری کی کہ یہ پالیسی 2003 کے قانون کے تحت نافذ کی گئی ہے اور اس کا مقصد زمین کے وسائل کا تحفظ اور ‘سادہ طرزِ جنازہ’ کو فروغ دینا ہے۔
یہ بھی پڑھیے: غزہ: اسپتالوں کے اندر اور باہر لاشوں کے انبار مگر دفنانے والا کوئی نہیں
فریڈم ہاؤس کے چین ڈیسینٹ مانیٹر کے مطابق 2025 میں اب تک 661 دیہی احتجاج ریکارڈ ہو چکے ہیں۔ ماہرین کے مطابق جب معاملہ ثقافت، وراثت یا ذاتی معاملات سے متعلق ہو تو احتجاج زیادہ شدت اختیار کر لیتا ہے اور طویل مدت تک جاری رہتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج جنازہ چین
کوپ 30: موسمیاتی مذاکرات میں رکاوٹ، اہم فیصلے مؤخر