فلسطینی عوام کو یمنی شہداء پر فخر ہے، جہاد اسلامی
اشاعت کی تاریخ: 16th, October 2025 GMT
اپنے ایک جاری بیان میں فلسطین کی مقاومت اسلامی کا کہنا تھا کہ ہمیں اس بات پر فخر ہے کہ امت اسلامی کے مقدسات کے دفاع اور قبضے کیخلاف مزاحمت کی راہ میں فلسطینی و یمنی خون آمیزہ ہوگئے۔ اسلام ٹائمز۔ یمنی مسلح افواج کے سربراہ، جنرل "محمد عبدالکریم الغماری" کی شہادت پر فلسطین کی مقاومتی تحریک "جهاد اسلامی" نے ایک بیان جاری کیا، جس میں انہوں نے یمنی فوج، عوام اور "انصار الله" کے ساتھ اظہار تعزیت کیا۔ بیان میں جہاد اسلامی نے کہا کہ فلسطینی قوم ہمیشہ یمنی عوام کی قربانیوں کی قدر شناس رہے گی اور ان شہیدوں پر فخر کرتی ہے جنہوں نے فلسطین کاز کی حمایت میں اپنی جانوں کا نذرانہ پیش کیا۔ انہوں نے مزید کہا کہ فلسطینی قوم کو اس بات پر فخر ہے کہ امت اسلامی کے مقدسات کے دفاع اور قبضے کے خلاف مزاحمت کی راہ میں فلسطینی و یمنی خون آمیزہ ہوگئے۔
واضح رہے کہ کچھ ہی دیر قبل یمنی مسلح افواج کے ترجمان، میجر جنرل "یحییٰ سریع" نے جاری کردہ بیان میں یمنی فوج كے سربراہ کی شہادت کی تصدیق کی۔ اس بیان کے جاری ہونے کے بعد، بعض عبرانی ذرائع ابلاغ نے انکشاف کیا کہ یمنی فوج کے چیف کو دو بار نشانہ بنایا گیا، جس میں دوسری کوشش کامیاب رہی۔ یحییٰ سریع نے اپنے جاری بیان میں واضح کیا کہ آج یمنی مسلح افواج کو فخر ہے کہ وہ جہادی کمانڈر، جنرل محمد عبدالکریم الغماری، ان کے 13 سالہ بیٹے حسین اور ان کے ساتھیوں کی شہادت کا اعلان کر رہی ہے۔ انہوں نے کہا کہ صیہونی دشمن کے خلاف براہ راست کارروائیوں کے دوران اپنی جانوں کا نذرانہ پیش کر کے یہ شہداء، قدس کے راستے میں شہید ہونے والوں کے قافلے میں شامل ہو گئے ہیں۔
ذریعہ: Islam Times
کلیدی لفظ: فخر ہے
پڑھیں:
جماعت اسلامی عوام کو ظالمانہ نظام سے چھٹکارا دلائیگی ،حافظ طاہر مجید
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)امیر جماعت اسلامی ضلع حیدرآباد حافظ طاہر مجید کا لاہور مینار پاکستان میں 21،22،23نومبر کو ہونے والے جماعت اسلامی پاکستان کے اجتماع عام کے حوالے سے مرکز تبلیغ اسلامی مکی شاہ روڈ میں جماعت اسلامی حلقہ خواتین کے اجلاس میں شرکت، ڈپٹی جنرل سیکرٹری جماعت اسلامی حیدرآباد عبدالباسط خان بھی موجود تھے، اجلاس میں ناظمہ جماعت اسلامی حلقہ خواتین غزالہ زاہد، ناہید انیس، سائرہ خلیق، عائشہ وحید، شگفتہ طاہر، سعدیہ رضوان سمیت ناظمین زونز نے بھی شرکت کی۔ امیر جماعت اسلامی ضلع حیدرآباد حافظ طاہر مجید نے جماعت اسلامی حلقہ خواتین حیدرآباد کے اجلاس سے خطاب کرتے ہوئے کہا کہ جماعت اسلامی پاکستان کا لاہور مینار پاکستان میں 21-22-23نومبر کو ہونے والے تاریخی اجتماع عام میں حیدرآباد ایک تاریخ بنائے گا حیدرآباد سے بڑی تعداد میں خواتین شرکت کریں گی انہوں نے حیدرآباد کی عوام سے اپیل کی کہ اپنی فیملی کے ہمراہ اس اجتماع عام میں شرکت کریں ان شاءاللہ اس امیر جماعت اسلامی پاکستان حافظ نعیم الرحمن کی قیادت میں اس تاریخی عظیم الشان اجتماع عام کے ذریعے ملک پاکستان کے نظام کو بدلنے کے لیے لائحہ عمل دیں گے، کامیاب ہوں گے اور عوام کو ان ظالمانہ نظام سے چھٹکارا دلائیں گیا۔انہوں نے کہا کہ عوام کے پاس جماعت اسلامی کے سوا کوئی دوسرا آپشن نہیں ہے، عوام کے مسائل کا حل صرف جماعت ہی حل کر سکتی ہے۔علاوہ ازیں امیر جماعت اسلامی ضلع حیدرآباد حافظ طاہر مجید ،نائب امراءضلع عبدالقیوم شیخ اور ناصر کاظمی،ڈپٹی جنرل سیکرٹری حافظ سفیان ناصر،ناظم اسلامی جمعیت طلبہ حیدرآباد رافع قاضی اور دیگر ارکان جماعت اسلامی نے رکن جماعت اسلامی وسیم شیخ بھائی کے گھر پہنچ کران کی صاحبزادی (اور رکن جمعیت اسامہ وسیم کی ہمشیرہ) کے انتقال پروسیم شیخ ،اسامہ وسیم اور خضر سلام سے اظہار تعزیت اور دعائے مغفرت کی قبل ازیںحافظ طاہر مجیدنے عبدالباسط ، حافظ سفیان ناصراور ناظم زون پھلیلی عدنان دانش کے ہمراہ پاک آرمی کے جوان آصف قریشی کی شہادت پر ان کے گھر پہنچ کر والد مبین قریشی ودیگر اہل خانہ سے تعزیت کا اظہار کیا۔شہید کے درجات کی بلندی اور اہل خانہ کے لیے صبرِ جمیل کی دعا کی گئی۔
مسلح افواج نے بھارتی نیٹ ورک توڑ کر قوم کا سر فخر سے بلند کر دیا: صدر، وزیراعظم