روزہ اور صحت ساتھ ساتھ، ماہرین کیا تجویز کرتے ہیں؟
اشاعت کی تاریخ: 7th, March 2025 GMT
پنسلوانیا اسٹیٹ یونیورسٹی کی نیوٹریشن منال الفاخانی بچپن کے وہ دن بہت یاد کرتی ہیں جب رمضان کے دوران وہ اپنے اہل خانہ کے ساتھ مسجد میں روزہ افطار کرتی تھیں اور میٹھی سوجی کے آٹے کی کوکیز کھاتی تھیں جنہیں وہ اب خود پکانا بھی سیکھ چکی ہیں۔
یہ بھی پڑھیں: چنے افطاری کا اہم حصہ، جانیے ان کے ان گنت فوائد
ایلفاخانی کا کہنا ہے کہ اگرچہ زیادہ تر لوگوں کے لیے روزہ رکھنا محفوظ ہے لیکن آگے کی منصوبہ بندی اور غذائیت کو ذہن میں رکھنا اس مہینے کو زیادہ معنی خیز بنا سکتا ہے۔
انہوں نے بتایا کہ چھوٹے بچے، بوڑھے اور حاملہ، حیض میں مبتلا یا دودھ پلانے والی خواتین کو روزہ رکھنے سے استثنیٰ حاصل ہے۔
انہوں نے کہا کہ ذیابیطس، دل کی بیماری یا دیگر دائمی حالات میں مبتلا افراد کو روزہ رکھنے کا فیصلہ کرتے وقت اپنے ڈاکٹر سے بات کرنی چاہیے، خصوصاً اگر وہ باقاعدگی سے ادویات لیتے ہیں۔ انہوں نے مزید کہا کہ روزہ رکھنے کے لیے آپ کو ایک بہت اچھی صحت مند حالت میں ہونا چاہیے۔
سحری کی غذائیںسحری میں کھانے کے لیے غذائی ماہرین مختلف قسم کے کھانوں کا مشورہ دیتے ہیں۔
مزید پڑھیے: افطار و سحر میں بہترین خوراک، مصنوعی ذہانت کیا بتاتی ہے؟
جب سونیا اسلام کو بچپن میں سحری کے لیے بستر چھوڑنے میں دقت ہوتی تھی تو ان کی والدہ ان کے لیے ایک کیلا اور ایک گلاس دودھ لاتی تھیں۔ اب جبکہ وہ خود ایک غذائی ماہر ہیں اس کھانے میں حکمت کو دیکھتی ہیں جس میں فائبر اور پروٹین کا امتزاج ہوتا ہے۔
سونیا اسلام نے کہا کہ ایسی غذا کا ہونا جو زیادہ سے زیادہ وقت تک چل سکے بہت اہم ہے۔
افطاری میں اعتدالماہرین کا کہنا ہے کہ روزے کے دوران جسم کی بات سنیں۔
منال الفاخانی تدریسی کام کے دوران دن کے وقت سست روی اختیار کرنے کی کوشش کرتی ہیں اور افطار کے بعد کام پر لگ جاتی ہیں۔
مختصر چہل قدمی یا اسٹریچنگ کرنے سے توانائی کی سطح کو بڑھانے اور دماغ کو فعال رکھنے میں مدد مل سکتی ہے۔ جو لوگ باقاعدگی سے ورزش کرتے ہیں وہ پانی کی کمی سے بچنے کے لیے روزہ کھولنے سے پہلے یا شام کے بعد ورزش کرنا چاہتے ہیں۔
مزید پڑھیں: عمران خان اور بشریٰ بی بی سحر و افطار میں کیا کھاتے پیتے ہیں؟ عظمیٰ بخاری نے تفصیل بتادی
ماہرین کہتے ہیں کہ افطار کے وقت زیادہ کھانے سے گریز کرنا چاہیے کیوں کہ اس سے جسم میں سستی محسوس ہوسکتی ہے۔ کچھ لوگ ایک گلاس پانی یا گرم مشروب اور فائبر سے بھرپور کھجوروں سے روزہ کھولتے ہیں۔ اس کے بعد مختصر ایپیٹائزرز کھانے چاہییں اور پھر کچھ گھنٹے انتظار کرکے مزید کھایا جائے۔
یو ٹی ساؤتھ ویسٹرن میڈیکل سینٹر سے تعلق رکھنے والی زیبا جیٹ پوری کا کہنا ہے کہ بے تحاشہ کھانے سے بہتر ہے کہ احتیاط سے کھایا جائے اوریہ دیکھ لیا جائے کہ آیا اس وقت آپ کے جسم کو واقعی غذا کی ضرورت ہے یا نہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روزہ اور صحت سحری اور افطار صحت مند سحری غذائی ماہرین معتدل غذائیں نیوٹریشن.ذریعہ: WE News
کلیدی لفظ: روزہ اور صحت سحری اور افطار غذائی ماہرین نیوٹریشن کے لیے
پڑھیں:
گورنر بلوچستان کی صوبے سے متعلق 3 روزہ فیسٹیول میں شرکت، مختلف اسٹالز کا دورہ
گورنر بلوچستان جعفر خان مندوخیل—فائل فوٹوگورنر بلوچستان جعفر خان مندوخیل نے اسلام آباد میں منعقدہ بلوچستان سے متعلق 3 روزہ فیسٹیول میں شرکت کی ہے۔
اس موقع پر انہوں نے مختلف اسٹالز کا دورہ کیا اور صوبے کی ثقافت کے فروغ کے لیے کردار ادا کرنے والوں سے اظہارِ تشکر کیا۔
گورنر بلوچستان نے اس موقع پر کہا کہ بلوچستان کی ثقافت ہزاروں سال کی تاریخ پر مشتمل ہے۔
فیسٹیول میں بلوچستان کی روایتی موسیقی اور کھانوں کے اسٹالز لگائے گئے ہیں۔
بلوچستان کی زراعت کے فروغ کے لیے زیتون اور کھجور کی مختلف اقسام کے اسٹالز بھی موجود ہیں۔
گورنر بلوچستان نے فیسٹیول میں کتابوں کے اسٹال کا بھی جائزہ لیا۔
انہوں نے قلات سے متعلق تاریخی کتاب پر تبصرہ کرتے ہوئے کہا کہ میں نے یہ کتاب پڑھی ہے، قلات ریاست اور بعد کے حالات پر یہاں اہم کتابیں موجود ہی، ہم رات دیر تک کتابوں کا مطالعہ کیا کرتے تھے۔
گورنر بلوچستان جعفر خان مندوخیل کا یہ بھی کہنا ہے کہ پہلے لوگوں کو کتابوں سے محبت تھی، اب موبائل فونز نے عادت خراب کر دی۔
اچھا ہوگا ن لیگ اور پیپلز پارٹی میں جوڈو کراٹے ہوں: شیخ رشید